Tata Motors : టాటా ఈవీ కార్లపై కళ్లు చెదిరే ఆఫర్లు.. జూన్ నెలలో ఏకంగా లక్షల్లో డిస్కౌంట్

Tata Motors : భారతదేశపు ఎలక్ట్రిక్ వాహనాల మార్కెట్లో రారాజుగా వెలుగుగొందుతున్న ప్రముఖ ఆటోమొబైల్ దిగ్గజం టాటా మోటార్స్ తన కస్టమర్లకు అదిరిపోయే జూన్ కానుకను అందించింది. పర్యావరణహితమైన ఈవీ కార్ల అమ్మకాలను మరింత పెంచేందుకు కంపెనీ ఈ నెలలో భారీ డిస్కౌంట్లు, బంపర్ ఆఫర్లను ప్రకటించింది. వినియోగదారులు ఎంచుకునే మోడల్స్, వేరియంట్ల ఆధారంగా కంపెనీ గ్రీన్ బోనస్, ఎక్స్ఛేంజ్ బెనిఫిట్స్, లాయల్టీ బోనస్, ప్రత్యేక ఇన్సెంటివ్‌లను భారీగా అందజేస్తోంది. కారు కొనాలనుకునే మిడిల్ క్లాస్ ఫ్యామిలీలకు ఇది ఒక గొప్ప అవకాశంగా చెప్పవచ్చు.

టాటా కర్వ్ ఈవీపై భారీగా తగ్గిన ధర
మీడియా నివేదికల ప్రకారం.. టాటా మోటార్స్ శ్రేణిలో సరికొత్తగా వచ్చిన టాటా కర్వ్ ఈవీ పై ఈ నెలలో అత్యధికంగా డిస్కౌంట్ లభిస్తోంది. కర్వ్ ఈవీకి చెందిన ఎంపిక చేసిన నాన్-X వేరియంట్లపై వినియోగదారులు గరిష్టంగా రూ.3.35 లక్షల వరకు ప్రయోజనాలను పొందవచ్చు. ఇందులో రూ.3 లక్షల వరకు కేవలం గ్రీన్ బోనస్ రూపంలోనే లభిస్తుండగా, రూ.30,000 ఎక్స్ఛేంజ్ బోనస్ లేదా రూ.35,000 వరకు స్క్రాపేజ్ బెనిఫిట్ రూపంలో లభిస్తోంది. అలాగే దీని క్రియేటివ్  వేరియంట్లపై రూ.2.85 లక్షల వరకు, X వేరియంట్లపై లాయల్టీ బోనస్‌తో కలిపి మొత్తం రూ.65,000 వరకు ప్రయోజనాలు అందుబాటులో ఉన్నాయి.

పవర్‌ఫుల్ హారియర్ ఈవీపై ఆఫర్ల వర్షం
టాటా ఎంతో ప్రతిష్టాత్మకంగా రూపొందించిన లగ్జరీ ఎస్‌యూవీ టాటా హారియర్ ఈవీ పై కూడా కంపెనీ రూ.2.75 లక్షల వరకు భారీ డిస్కౌంట్ ఇస్తోంది. ఇందులో రూ.50,000 ఎక్స్ఛేంజ్ బోనస్, రూ.75,000 స్క్రాపేజ్ బెనిఫిట్ లేదా రూ. లక్ష వరకు లాయల్టీ బోనస్‌తో పాటు అదనంగా మరో రూ.లక్ష వరకు బెనిఫిట్స్ లభిస్తాయి. టాటా మోటార్స్  అడ్వాన్స్‌డ్ Acti.ev+ ఆర్కిటెక్చర్‌పై తయారైన హారియర్ ఈవీ కారు ఏకంగా 504 Nm పీక్ టాస్క్‌ను జనరేట్ చేస్తుంది. ఈ పవర్‌ఫుల్ ఎస్‌యూవీ కేవలం 6.3 సెకన్లలోనే 0 నుంచి 100 కిలోమీటర్ల వేగాన్ని అందుకుంటుందని కంపెనీ గట్టిగా చెప్తోంది. వీటితో పాటు పాపులర్ మోడల్ అయిన టాటా పంచ్ ఈవీ పై రూ.95,000 నుంచి రూ.1.45 లక్షల వరకు తగ్గింపు ఉంది.

 

Summer Safety Tips : ఫోన్ ఓవర్‌హీట్ అవుతుందా?.. నిమిషాల్లో కూల్ చేసే 6 అద్భుతమైన స్మార్ట్ ట్రిక్స్

సరికొత్త డిజైన్‌తో టాటా టియాగో ఈవీ
మరోవైపు మధ్యతరగతి ప్రజలకు ఎంతగానో నచ్చిన టాటా టియాగో ఈవీ పాత వెర్షన్‌పై రూ.1.45 లక్షల వరకు తగ్గింపు ఆఫర్ చేస్తున్నారు. ముఖ్యంగా దీని ఎల్‌ఆర్ ఎక్స్‌టీ వేరియంట్లపై రూ.50,000 అదనపు బెనిఫిట్స్‌తో పాటు మొత్తం రూ.1.45 లక్షల డిస్కౌంట్ లభిస్తుంది. అలాగే ఎల్‌ఆర్ వేరియంట్లపై రూ.1.25 లక్షలు, ఎమ్‌ఆర్ వేరియంట్లపై రూ.65,000 వరకు ఆదా చేసుకోవచ్చు. ఇదిలా ఉంటే, గత నెల చివరిలోనే టాటా మోటార్స్ టియాగో ఈవీ  సరికొత్త అప్‌డేటెడ్ వెర్షన్‌ను కూడా మార్కెట్లోకి లాంచ్ చేసింది.

బడ్జెట్ ధరలో కొత్త ఫీచర్లు
కొత్తగా వచ్చిన టాటా టియాగో ఈవీ అప్‌డేటెడ్ మోడల్ ప్రారంభ ధర రూ.6.99 లక్షలు (ఎక్స్-షోరూమ్)గా నిర్ణయించారు. ఈ సరికొత్త ఎలక్ట్రిక్ హ్యాచ్‌బ్యాక్ డిజైన్‌లో కంపెనీ కీలక మార్పులు చేయడంతో పాటు అనేక లగ్జరీ ఫీచర్లను కూడా యాడ్ చేసింది. ఈ కారులో కస్టమర్ల అవసరాలకు అనుగుణంగా 19.2 kWh, 24 kWh సామర్థ్యం గల రెండు రకాల బ్యాటరీ ప్యాక్ ఆప్షన్లను అందించారు. పాత టియాగో ఈవీ డిజైన్ సాధారణ పెట్రోల్/డీజిల్ కారు లాగే ఉండేది, కానీ ఈ కొత్త వెర్షన్ డిజైన్‌ను ప్యూర్ ఈవీ లుక్ వచ్చేలా టాటా మోటార్స్ చాలా స్టైలిష్‌గా మార్చింది.