చూడగానే ఫిదా అయిపోవాల్సిందే.. సరికొత్త గ్లిఫ్ లైటింగ్, అదిరిపోయే ఫీచర్లతో నథింగ్ ఫోన్ 4a సిరీస్..!

లండన్ వేదికగా జరిగిన గ్రాండ్ ఈవెంట్‌లో నథింగ్ సంస్థ తన సరికొత్త స్మార్ట్‌ఫోన్ సిరీస్‌ 'Nothing Phone 4a', 'Nothing Phone 4a Pro'లను ప్రపంచవ్యాప్తంగా లాంచ్ చేసింది. తన విభిన్నమైన డిజైన్ శైలిని కొనసాగిస్తూ, ఈసారి మరింత మెరుగైన గ్లిఫ్ ఇంటర్‌ఫేస్‌తో ఈ ఫోన్లను మార్కెట్లోకి తీసుకొచ్చింది. భారత వినియోగదారుల కోసం ప్రత్యేకంగా ఫ్లిప్‌కార్ట్ ద్వారా ఇవి అందుబాటులోకి రానున్నాయి. ఈ ఫోన్లు కేవలం స్టైలిష్‌గానే కాకుండా, క్వాల్కమ్ స్నాప్‌డ్రాగన్ 7 సిరీస్ చిప్‌సెట్‌లతో పవర్‌ఫుల్ పర్ఫార్మెన్స్‌ను ఇచ్చేలా రూపొందించబడ్డాయి. మార్చి 13 నుంచి ఫోన్ 4a, మార్చి 27 నుంచి ఫోన్ 4a ప్రో విక్రయాలు ప్రారంభం కానున్నాయి.

ధరల విషయానికి వస్తే, నథింగ్ ఫోన్ 4a బేస్ వేరియంట్ (8GB+128GB) 31,999 రూపాయలకు లభిస్తుంది. అలాగే దీని టాప్ ఎండ్ మోడల్ 37,999 రూపాయల వరకు ఉంటుంది. కొనుగోలుదారులకు మరింత ఊరటనిస్తూ 1,000 రూపాయల బ్యాంక్ ఆఫర్, 6,000 రూపాయల భారీ ఎక్స్‌ఛేంజ్ బోనస్‌ను కంపెనీ ప్రకటించింది. ఇక ప్రో మోడల్ ధరలు 39,999 రూపాయల నుండి ప్రారంభమై 45,999 రూపాయల వరకు ఉన్నాయి. ఫోన్ 4a నాలుగు ఆకర్షణీయమైన రంగుల్లో దొరుకుతుండగా, ప్రో వెర్షన్ మాత్రం క్లాసీ బ్లాక్, పింక్,  సిల్వర్ రంగుల్లో మాత్రమే అందుబాటులో ఉంది.

నథింగ్ ఫోన్ 4a లో 6.78-అంగుళాల ఎల్టీపీఎస్ ఫ్లెక్సిబుల్ అమోలెడ్ డిస్‌ప్లేను అమర్చారు. ఇది 120Hz రిఫ్రెష్ రేట్,  4,500 నిట్స్ పీక్ బ్రైట్‌నెస్‌ను కలిగి ఉండి, అత్యుత్తమ విజువల్ ఎక్స్‌పీరియెన్స్‌ను అందిస్తుంది. స్క్రీన్ రక్షణ కోసం కార్నింగ్ గొరిల్లా గ్లాస్ 7i వాడారు. ఆండ్రాయిడ్ 16 ఆధారిత నథింగ్ ఓఎస్ 4.1పై పనిచేసే ఈ ఫోన్‌కు మూడు ఏళ్ల పాటు మేజర్ ఓఎస్ అప్‌డేట్స్ ఇస్తామని కంపెనీ హామీ ఇచ్చింది. క్వాల్కమ్ స్నాప్‌డ్రాగన్ 7s Gen 4 ప్రాసెసర్‌తో ఇది రోజువారీ పనులను చాలా వేగంగా పూర్తి చేస్తుంది.

నథింగ్ ఫోన్లకే ప్రత్యేకం అనిపించే గ్లిఫ్ ఇంటర్‌ఫేస్‌లో ఈసారి భారీ మార్పులు చేశారు. ఫోన్ 4a లో 63 మినీ-LED లతో కూడిన 'గ్లిఫ్ బార్' ఉండగా, ప్రో మోడల్‌లో ఏకంగా 137 మినీ-LED లతో కూడిన 'గ్లిఫ్ మ్యాట్రిక్స్' ఇంటర్‌ఫేస్‌ను ఇచ్చారు. ఇది నోటిఫికేషన్లు, వాల్యూమ్ ఇండికేటర్, కెమెరా కౌంట్‌డౌన్ వంటి వాటికి చాలా క్రియేటివ్‌గా స్పందిస్తుంది. అంతేకాకుండా జెనరేటివ్ రింగ్‌టోన్స్,  గ్లిఫ్ టైమర్ వంటి ఫీచర్లు నేటి తరం యూజర్లకు కొత్త అనుభూతిని మిగిలిస్తాయి. ఈ లైటింగ్ ఎఫెక్ట్స్ ఫోన్‌ను అందరికంటే భిన్నంగా చూపిస్తాయి.

కెమెరా విభాగంలో నథింగ్ ఈసారి అద్భుతమైన సెన్సార్లను వాడింది. ఫోన్ 4a లో 50MP ప్రధాన కెమెరా, 50MP పెరిస్కోప్ కెమెరా, 8MP అల్ట్రావైడ్ లెన్స్ ఉన్నాయి. సెల్ఫీల కోసం 32MP ఫ్రంట్ కెమెరాను ఇచ్చారు. ఇక ప్రో మోడల్‌లో సోనీ LYT-700c సెన్సార్‌తో పాటు ఏకంగా 140x అల్ట్రా జూమ్ సపోర్ట్ చేసే టెలిఫోటో కెమెరా ఉంది. ఇది దూరంగా ఉన్న వస్తువులను కూడా చాలా స్పష్టంగా క్యాప్చర్ చేస్తుంది. 4K వీడియో రికార్డింగ్ సదుపాయం ఉండటం వల్ల క్రియేటర్లకు ఈ ఫోన్ ఒక మంచి ఛాయిస్ అవుతుంది.

బ్యాటరీ, ఇతర ఫీచర్ల గురించి చెప్పాలంటే, రెండు ఫోన్లలోనూ 5,400mAh భారీ బ్యాటరీ ఉంది. ఇది 50W ఫాస్ట్ ఛార్జింగ్‌ను సపోర్ట్ చేస్తుంది, దీనివల్ల ఫోన్ సుమారు 64 నిమిషాల్లో ఫుల్ ఛార్జ్ అవుతుంది. ఫోన్ 4a కు IP64 రేటింగ్ ఉండగా, ప్రో మోడల్‌కు మెరుగైన IP65 రేటింగ్ ఇచ్చారు, ఇది నీరు,  ధూళి నుండి రక్షణ ఇస్తుంది. 5G, వైఫై 6, బ్లూటూత్ 5.4,  ఎన్‌ఎఫ్‌సీ వంటి అన్ని ఆధునిక కనెక్టివిటీ ఫీచర్లు ఇందులో ఉన్నాయి. మొత్తానికి సరికొత్త డిజైన్, పవర్‌ఫుల్ స్పెసిఫికేషన్లతో నథింగ్ మార్కెట్లో మరోసారి సెన్సేషన్ సృష్టించడానికి సిద్ధమైంది.