ఈ ఫోన్‌లోని 7,000mAh బ్యాటరీకి 45W ఫాస్ట్ చార్జింగ్ సపోర్ట్ అందించనున్నట్లు కంపెనీ టీజ్ చేసింది.

Realme తన కొత్త P-సిరీస్ స్మార్ట్‌ఫోన్ Realme P4x 5Gను ఈ వారంలో భారత మార్కెట్‌కు తీసుకొచ్చేందుకు సిద్ధమైంది. అధికారిక లాంచ్‌కు ముందే ఈ ఫోన్‌కు సంబంధించిన ధర, RAM–స్టోరేజ్ వివరాలు ఇంటర్నెట్‌లో బయటపడ్డాయి. ఇప్పటికే ఈ మోడల్ MediaTek Dimensity 7400 Ultra చిప్‌సెట్, భారీ 7,000mAh బ్యాటరీతో వస్తుందని కంపెనీ ధృవీకరించింది. అదనంగా మూడు వేర్వేరు కలర్ వేరియంట్లు మరియు 50MP కెమెరా కూడా అందించనున్నట్లు తెలుస్తోంది. అందుతున్న సమాచారం ప్రకారం, Realme P4x 5G భారత మార్కెట్‌లో ధర ఇలా ఉండొచ్చని చెబుతున్నారు. 6GB + 128GB వేరియంట్ రూ. 15,999, 8GB + 128GB వేరియంట్ రూ. 17,499, 8GB + 256GB వేరియంట్ రూ. 19,499 గా ఉండే అవకాశం ఉంది.

డిసెంబర్ 4న మధ్యాహ్నం 12 గంటలకు అధికారికంగా ఈ ఫోన్ లాంచ్ కానుందని Realme ఇప్పటికే ప్రకటించింది. అదే ఈవెంట్లో Realme Watch 5 కూడా ఆవిష్కరించనున్నారు. Realme మరియు Flipkart తమ తమ ప్లాట్‌ఫార్మ్‌లలో ప్రత్యేక మైక్రోసైట్ల ద్వారా ఫోన్‌ను ప్రమోట్ చేస్తున్నాయి.

Realme P4x 5G స్పెసిఫికేషన్స్ & ఫీ చర్లు

ఈ మొబైల్ కలర్ ఆప్షన్స్ విషయానికి వస్తే, Realme P4x 5G గ్రీన్, పింక్, వైట్ ఆప్షన్లలో అందుబాటులోకి రానుంది. వెనుకవైపు AI ఆధారిత 50MP ప్రధాన కెమెరా ఇచ్చారు. ఇందులో ఉన్న Dimensity 7400 Ultra 5G చిప్‌సెట్‌తో పాటు గరిష్టంగా 18GB డైనమిక్ RAM సపోర్ట్ ఉంటుంది.

ఈ ఫోన్‌లోని 7,000mAh బ్యాటరీకి 45W ఫాస్ట్ చార్జింగ్ సపోర్ట్ అందించనున్నట్లు కంపెనీ టీజ్ చేసింది. వేడి నియంత్రణ కోసం 5,300 sq mm విస్తీర్ణం గల వెపర్ ఛాంబర్ను కూడా ఏర్పాటు చేశారు. డిస్ప్లే విషయంలో, ఈ ఫోన్ 144Hz రిఫ్రెష్ రేట్ మరియు 1,000 నిట్స్ పీక్ బ్రైట్‌నెస్ను అందించబోతుంది. రూమర్లు చెబుతున్నదాని ప్రకారం, ఇది 6.72-అంగుళాల Full HD+ స్క్రీన్‌తో రావొచ్చు. సెల్ఫీల కోసం 8MP ఫ్రంట్ కెమెరా, వెనుకవైపు 50MP ప్రధాన కెమెరాతో పాటు 2MP సెకండరీ సెన్సార్ ఉండొచ్చని సమాచారం. అయితే మరింత సమాచారం తెలుసుకోవాలంటే ఈ ఫోన్ లాంచ్ అయ్యేంతవరకు వెయిట్ చేయాల్సిందే.