ఇన్‌స్టాగ్రామ్ వినియోగ‌దారుల‌కు గుడ్‌న్యూస్‌.. ఆటోమేటిక్ ఫీడ్ రిఫ్రెషింగ్ స‌మ‌స్య‌కు చెక్‌

ఇప్పటి నుండి ఇన్‌స్టాగ్రామ్‌ నుంచి బ‌య‌ట‌కు వ‌చ్చిన కొద్ది స‌మ‌యం త‌ర్వాత మ‌ళ్లీ యాప్ ఓపెన్ చేస్తే సోషల్ మీడియా ప్లాట్‌ఫారమ్ ఫీడ్ ఆటోమిటిక్‌గా రిఫ్రెష్ అవ్వ‌దు. దీంతో వినియోగదారు వారి స్క్రీన్‌పై మొదట కనిపించే పోస్ట్‌లను చూడగలుగుతారు

ఇన్‌స్టాగ్రామ్ వినియోగ‌దారుల‌కు గుడ్‌న్యూస్‌.. ఆటోమేటిక్ ఫీడ్ రిఫ్రెషింగ్ స‌మ‌స్య‌కు చెక్‌

Photo Credit: Instagram

Automatic refreshing of the feed was a feature and not a glitch, Instagram has confirmed

ముఖ్యాంశాలు
  • ఆటోమేటిక్‌గా ఫీడ్‌ని రిఫ్రెష్ చేసే రగ్ పుల్ ఫీచర్‌ను ఇన్‌స్టాగ్రామ్ తొల‌గ
  • ప్లాట్‌ఫారమ్ కొత్త కంటెంట్‌ను చూపించే ముందు యూజర్స్‌ స్క్రోల్ చేయడానికి ట
  • ఇది స‌గ‌టు వినియోగ‌దారుల‌కు ఎంతో సౌక‌ర్య‌వంతంగా ఉంటుంది
ప్రకటన

ఇన్‌స్టాగ్రామ్ ఎప్ప‌టిక‌ప్పుడు స‌రికొత్త అప్‌డేట్‌ల‌తో యూజ‌ర్‌ల‌ను ఆక‌ట్టుకుంటోంది. తాజాగా.. చాలా రోజుల నుంచి ఇన్‌స్టాగ్రామ్ వినియోగదారుల‌కు ఇబ్బందిక‌రంగా మారిన ఫీచ‌ర్‌ను తొలిగించేందుకు కంపెనీ స‌న్న‌ద్ధ‌మైంది. ఈ విష‌యాన్ని కంపెనీ హెడ్ సోషల్ మీడియా వేదిక‌గా ధృవీకరించారు. అంతేకాదు, ఇప్పటి నుండి యాప్ నుంచి బ‌య‌ట‌కు వ‌చ్చిన కొద్ది స‌మ‌యం త‌ర్వాత మ‌ళ్లీ యాప్ ఓపెన్ చేస్తే సోషల్ మీడియా ప్లాట్‌ఫారమ్ ఫీడ్ ఆటోమిటిక్‌గా రిఫ్రెష్ అవ్వ‌దు. దీంతో వినియోగదారు వారి స్క్రీన్‌పై మొదట కనిపించే పోస్ట్‌లను చూడగలుగుతారు. అయితే, ఎక్కువ‌ సంఖ్యలో వినియోగదారులు వీక్షించిన‌ వీడియోల కోసం వ‌రుస క్ర‌మంలో రిజర్వ్ చేస్తూ, ఎక్కువ వీక్షణలను పొందని ఇన్‌స్టాగ్రామ్ స్టోరీలు, రీల్స్ క్వాలిటీని ఉద్దేశపూర్వకంగా తగ్గిస్తుందని కంపెనీ ధృవీకరించిన తర్వాత ఈ డెవ‌ల‌ప్‌మెట్ అమ‌ల్లోకి వ‌చ్చింది. ఈ విష‌యానికి సంబంధించిన మ‌రిన్ని కీల‌క విష‌యాల‌ను తెలుసుకుందాం!

అది వినియోగదారు ఇంటర్‌ఫేస్ (UI) ఫీచర్..

వినియోగ‌దారుల అభిప్రాయాల‌ను ఎప్ప‌టిక‌ప్పుడు స‌మీక్షించ‌డంలో ఈ సోష‌ల్ మీడియా ఫ్లాట్‌ఫాం ఎప్పుడూ ముందుంటోంది. ఇటీవల ఆస్క్ మి ఎనీథింగ్ (AMA) సమయంలో ప్లాట్‌ఫారమ్‌లో ఇటీవలి అప్‌డేట్‌ గురించి ఇన్‌స్టాగ్రామ్ హెడ్ ఆడమ్ మోస్సేరిని సోషల్ మీడియాలో అడిగారు. దీనిపై వివ‌ర‌ణ ఇస్తూ.. ఇన్‌స్టాగ్రామ్ ఇంట‌ర్‌న‌ల్‌గా రగ్ పుల్ అని పిలవబడే ఫీచ‌ర్‌ను ఆపివేసిందంటూ క్లారిటీ ఇచ్చారు. నిజానికి, ఇది వినియోగదారు ఇంటర్‌ఫేస్ (UI) ఫీచర్ అని అన్నారు. దీని కార‌ణంగా వినియోగదారు యాప్‌ని యాక్సెస్ చేసినప్పుడు ఫీడ్ ఆటోమిటిక్‌గా రిఫ్రెష్ అవుతుంది. ఇప్పుడు ఇదే ఈ ఫ్లాట్‌ఫాంకు పెద్ద త‌ల‌నొప్పిగా మారింది.

అందు కోసం అందుబాటులోకి, కానీ..

అయితే, యాప్ కంటెంట్‌ను లోడ్ చేయడానికి ప్రయత్నిస్తున్న సమయంలో చివరిగా డౌన్‌లోడ్ చేసిన పోస్ట్‌లు, వీడియోలను డిన్‌ప్లే చేయ‌డం జ‌రుగుతుంది. నిజానికి, ఈ ఫీచర్ యూజర్ ఎంగేజ్‌మెంట్‌ను మ‌రింత‌ మెరుగుపరచడమే లక్ష్యంగా అందుబాటులోకి తెచ్చినప్ప‌టికీ.. స్క్రీన్‌పై మొదట కనిపించిన ఏదైనా ఆసక్తికరమైన కంటెంట్ కదిలితే, మ‌ళ్లీ కనిపించకుండా పోతుంది. అంతేకాదు, వినియోగదారులు దాని కోసం మాన్యువల్‌గా క్రిందికి స్క్రోల్ చేయవలసి వస్తోంది. ఇది నిజంగా బాధ కలిగించేదిగా ఆయ‌న అంగీకరించారు. ఈ కార‌ణంగా యూజ‌ర్స్ నిరుత్సాహానికి గుర‌వుతున్న కంపెనీ గుర్తించింద‌ని ఆయ‌న వెల్ల‌డించారు.

స్క్రోల్ చేసే వరకు డిస్‌ప్లే చేయ‌దు..

అంతేకాదు, ఈ సోషల్ మీడియా ప్లాట్‌ఫారమ్‌లో స‌రికొత్త‌ మార్పు చేయ‌డంతో ఈ స‌మ‌స్య మ‌ళ్లీ పున‌రావృతం కాద‌ని మోస్సేరి స్ప‌ష్టం చేశారు. ఫీడ్‌ను ఆటోమిటిక్‌గా రిఫ్రెష్ చేయడానికి బదులుగా, Instagram ఇప్పుడు కంటెంట్‌ను లోడ్ చేస్తుంది కానీ వినియోగదారు స్క్రోల్ చేసే వరకు దాన్ని డిస్‌ప్లే చేయ‌దు. దీంతో కొత్తగా లోడ్ చేయబడిన కంటెంట్ అప్పటికే డిస్‌ప్లే చేయ‌బ‌డే పోస్ట్‌ల కింద‌కు వెళుతుంది. ఇది స‌గ‌టు వినియోగ‌దారుల‌కు ఎంతో సౌక‌ర్య‌వంతంగా ఉంటుంద‌ని ఆయ‌న అభిప్రాయ‌ప‌డ్డారు. ఈ ప్ర‌క‌ట‌న‌తో ఇన్‌స్టా యూజ‌ర్స్ త‌మ ఆనందాన్ని అదే ఫ్లాట్‌ఫాంపై తెలియ‌జేస్తున్నారు. మ‌రి భ‌విష్య‌త్తులో ఈ సోష‌ల్ మీడియా ఫ్లాట్‌ఫాం ఇంకెలాంటి అప్‌డేట్‌ల‌ను తీసుకువ‌స్తుందో చూడాల్సి ఉంది.

Comments
Facebookలో షేర్‌ Gadgets360 Twitter Shareట్వీట్ షేర్ Snapchat రెడ్డిట్ వ్యాఖ్యానించండి

ప్రకటన

ప్రకటన

#తాజా కథనాలు
  1. దయచేసి మీ ఫోన్లను రీస్టార్ట్‌ చేయండి అని ఎయిర్‌టెల్ వినియోగదారులకు సూచించింది
  2. లీకైన ఒప్పో ఎఫ్ 31 సిరీస్.. అదిరే లుక్స్‌తో రానున్న న్యూ మోడల్స్
  3. హానర్ మ్యాజిక్ వి ఫ్లిప్ 2 న్యూ మోడల్.. సేల్ ఎప్పటి నుంచంటే
  4. ఇప్పుడు బెంగళూరులోని హెబ్బాళ్ స్టోర్ ఈ అనుభవాన్ని మరింత విస్తృతం చేయనుంది
  5. రత మార్కెట్‌లోకి గూగుల్ పిక్సెల్ 10 సిరీస్ ఫోన్లు, అద్బుతమైన ఫీచర్లు, ఎక్కడ కొనుగోలు చేయవచ్చంటే?
  6. జెమినీ కెమెరా కోచ్, ఫేస్ అన్‌బ్లర్, మ్యాజిక్ ఈరేసర్ ఫీచర్లు ఫోటోలు అందంగా చేస్తాయి
  7. రూ. 249 ప్లాన్‌ను నిలిపి వేసిన ఎయిర్ టెల్
  8. ఇక కెమెరా విషయానికి వస్తే ఇందులో 50 మెగాపిక్సెల్ డ్యూయల్ రియర్ కెమెరా, 8 మెగాపిక్సెల్ సెల్ఫీ కెమెరాను సెట్ చేశారు
  9. అదిరే ఫీచర్స్, ధరతో హానర్ X7c 5G కొత్త మోడల్
  10. Apple IDని లింక్ చేయడం ద్వారా ఆపిల్ మ్యూజిక్‌ను యాక్సెస్ చేసుకోవచ్చు
© Copyright Red Pixels Ventures Limited 2025. All rights reserved.
Trending Products »
Latest Tech News »