ఎసెన్షియల్ కీ, AI- పవర్డ్ ఎసెన్షియల్ స్పేస్ ఫీచర్‌తో CMF ఫోన్ 2 ప్రో వ‌చ్చేస్తోంది

CMF ఫోన్ 2 ప్రో ఏప్రిల్ 28న లాంఛ్ కాబోతోంది. ఇది ఇండియాలోపాటు గ్లోబ‌ల్ మొబైల్ మార్కెట్‌కు ప‌రిచ‌యం కానుంది. అయితే, దీని అరంగేట్రానికి ముందే ఈ న‌థింగ్ అనుబంధ సంస్థ రాబోయే హ్యాండ్‌సెట్‌కు చెందిన ప‌లు కీల‌క అంశాల‌ను టీజ్ చేసింది. వాటిలో ప్ర‌ధాన‌మైన‌దిగా ఫోన్ కృత్రిమ మేధ‌స్సు(AI) సామ‌ర్థ్యాలుగా చెప్పొచ్చు. రాబోయే ఫోన్ 2 ప్రో ఈ సంవ‌త్స‌రం మార్చిలో వ‌చ్చిన న‌థింగ్ ఫోన్ 3a సిరీస్ ద్వారా ప‌రిచ‌యం అయిన‌ AI- ఆధారిత ఎసెన్షియ‌ల్ స్పేస్ ఫీచ‌ర్‌తోపాటుగా, అది పని చేసేందుకు అవ‌స‌ర‌మైన‌ ప్ర‌త్యేక బ‌ట‌న్‌తో దీనిని రూపొందించ‌బ‌డిన‌ట్లు కంపెనీ స్ప‌ష్టం చేసింది.న‌థింగ్ ఫోన్ 3a సిరీస్ మాదిరి,X వేదిక‌గా కంపెనీ ఓ అధికారిక పోస్ట్ ద్వారా సెకండ్ మెమ‌రీతోపాటు వినియోగ‌దారులు త‌మ‌ ఎసెన్షియ‌ల్ స్పేస్ ఫీచ‌ర్‌ను కూడా ఈ ఫోన్‌లో ఉప‌యోగించ‌వ‌చ్చ‌ని తెలిపింది. ఈ ఫోన్ కుడివైపు స్పైన్ మీదుగా, గ‌తంలో విడుద‌లైన న‌థింగ్ ఫోన్ 3a సిరీస్ ఫోన్‌ల మాదిరిగానే ప‌వ‌ర్ బ‌ట‌న్ ప‌క్క‌నే ఉన్న ప్ర‌త్యేక‌మైన ఎసెన్షియ‌ల కీ తో యాక్టివేట్ చేయ‌బ‌డుతుంద‌ని తెలిపింది.

వ‌న్‌-స్టాప్ సొల్యూష‌న్‌గా

ఈ ఎసెన్షియ‌ల్ స్పేన్ అన్ని ర‌కాల డేటానూ.. అంటే ఫోటోలు, వాయిస్ నోట్స్, స్క్రీన్‌షాట్‌లు లాంటి డేటాను క‌లెక్ట్ చేసి, వాటిని AI ద్వారా రీకాల్ చేసుకునేందుకు ఇది వ‌న్‌-స్టాప్ సొల్యూష‌న్‌గా వ‌ర్క్‌ చేస్తోంది. ఆడియో, ఇమేజ్‌, టెక్ట్స్ సంబంధిత జాబితాను క్ర‌మ‌బ‌ద్ధీక‌రించే స్మార్ట్ క‌లెక్ష‌న్ అనే ఫీచ‌ర్‌ను కూడా అందించిన‌ట్లు కంపెనీ చెబుతోంది. అంతే కాదు, దీని ద్వారా డేటా మాన్యువ‌ల్ ఆర్గ‌నైజేష‌న్ అవ‌సరం పూర్తిగా ఉండ‌దు.

ఆ విష‌యంపై స్ప‌ష్టత లేదు

న‌థింగ్ ఫోన్ 3a సిరీస్‌లో కెమెరా క్యాప్చ‌ర్ ఫీచ‌ర్‌కు ఈ ఎసెన్షియ‌ల్ కీ స‌పోర్ట్ చేస్తుంది. అయితే, రాబోయే కొత్త మోడ‌ల్‌లో ఈ ఎసెన్షియ‌ల్ కీ స‌పోర్ట్ ఫీచ‌ర్ ఉంటుందా లేదా అనేదానిపై స్ప‌ష్టత లేదు. ఈ ఫోన్‌ మీడియాటెక్ డైమెన్సిటీ ప్రాసెస‌ర్ తో ర‌న్ అవుతుంద‌ని కంపెనీ స్ప‌ష్టం చేసింది. అలాగే, రాబోయే ఈ ఫోన్ 2024వ సంవ‌త్స‌రంలో వ‌చ్చిన ఫోన్ 1 మోడ‌ల్‌తో పోల్చితే, ఐదు శాతం గ్రాఫిక్స్ డెవ‌ల‌ప్‌మెంట్‌ను, 10 శాతం వ‌ర‌కూ వేగ‌వంత‌మైన సీపీయూను అందిస్తోంద‌ని కంపెనీ వెల్ల‌డించింది.

కెమెరా విష‌యానికి వ‌స్తే..

ఈ ఫోన్‌కు ట్రిపుల్ రియ‌ల్ కెమెరా సెట‌ప్‌ను అందించారు. ఇందులో 50- మెగాపిక్సెల్ 1/1.57- అంగుళాల సెన్సార్‌తోపాటు 2x ఆప్టిక‌ల్ జూమ్‌తో కూడిన‌ 50- మెగాపిక్సెల్ టెలిఫోటో కెమెరా ఉంది. అలాగే, 119.5- డిగ్రీల ఫీల్డ్ ఆఫ్ వ్యూతో 8- మెగాపిక్సెల్ అల్ట్రా- వైడ్ కెమెరాను కూడా అందించారు. ఈ ఫోన్ BGMI కోసం 120fps స‌పోర్ట్‌తో 1000 Hz ట‌చ్ శాంప్లింగ్ రేట్‌ను అందిస్తుంద‌ని టీజ్ ద్వారా తెలుస్తోంది. అంతే కాదు, లాంఛ్ టైం ఏప్రిల్ 28 ద‌గ్గ‌ర ప‌డుతోన్న కొల‌దీ, మ‌రిన్ని విష‌యాలు బ‌హిర్గతం అయ్యే అవ‌కాశాలు ఉన్నాయి.