దీని ద్వారా విద్యార్థులు పరిశ్రమ అవసరాలకు అనుగుణమైన నైపుణ్యాలను సాధించే అవకాశం పొందుతారు.

భారతదేశంలోని గుర్తింపు పొందిన ఉన్నత విద్యాసంస్థల్లో చదువుతున్న విద్యార్థుల కోసం Adobe ప్రత్యేకంగా కొత్త ప్లాన్‌ను ప్రకటించింది. ఈ ప్లాన్ ప్రకారం దేశవ్యాప్తంగా అర్హత పొందిన విద్యార్థులకు సంస్థకు చెందిన పలు ప్రొడక్టివిటీ మరియు క్రియేటివిటీ అప్లికేషన్లను ఉచితంగా అందించనుంది. అదనంగా, విద్యార్థులకు “AI-first learning” కోర్సులు మరియు సర్టిఫికేషన్లు అందించేందుకు NASSCOM FutureSkills Primeతో భాగస్వామ్యం కుదుర్చుకుంది. ఈ ప్రకటన ప్రస్తుతం న్యూఢిల్లీలోని భారత్ మండపంలో జరుగుతున్న AI Impact Summit 2026 వేదికగా వెలువడింది.
ఇప్పటికే భారతదేశంలో విద్యార్థుల కోసం అడోబ్ ఒక ప్రత్యేక సబ్‌స్క్రిప్షన్ ప్యాకేజ్ అందిస్తోంది. ఆ ప్యాకేజ్‌లో Photoshop, Illustrator, Premiere Pro, Acrobat Pro వంటి ప్రముఖ అప్లికేషన్లు ఉన్నాయి. అయితే తాజా ప్రకటనతో AI ఆధారిత ప్రొడక్టివిటీ మరియు క్రియేటివిటీ టూల్స్ ..ముఖ్యంగా Photoshop, Acrobat, Firefly దేశవ్యాప్తంగా గుర్తింపు పొందిన ఉన్నత విద్యాసంస్థల్లో చదువుతున్న విద్యార్థులకు పూర్తిగా ఉచితంగా అందుబాటులోకి రానున్నాయి.

అంతేకాకుండా, ఈ సాఫ్ట్‌వేర్‌లను సమర్థవంతంగా ఉపయోగించేందుకు అవసరమైన శిక్షణను కూడా కరికులం రూపంలో అందించనున్నట్లు సంస్థ వెల్లడించింది. “AI-first” ఆఫర్‌తో కూడిన ఈ శిక్షణ కార్యక్రమం కేంద్ర బడ్జెట్ 2026లో భాగంగా ప్రకటించిన Content Creator Labs కార్యక్రమానికి అనుసంధానంగా అమలు చేయబడుతుంది. 2030 నాటికి Animation, Visual Effects, Gaming, Comics (AVGC) రంగాల్లో 20 లక్షల ఉద్యోగాలు సృష్టించాలనే లక్ష్యంతో ఈ కార్యక్రమాన్ని ప్రభుత్వం ముందుకు తీసుకువెళ్తోంది. దేశవ్యాప్తంగా 15,000 పాఠశాలలు మరియు 500 కాలేజీల్లో ఈ Content Creator Labs ఏర్పాటు చేయాలని ప్రణాళిక రూపొందించారు. ఈ విద్యాసంస్థల విద్యార్థులకు అడోబ్ AI టూల్స్ మరియు శిక్షణ ఉచితంగా అందించబడతాయి.

ఇంకా, అడోబ్ గ్లోబల్ స్థాయిలో నిర్వహిస్తున్న Adobe Digital Academy కార్యక్రమానికి విస్తరణగా, విద్యార్థులకు AI లెర్నింగ్ కోర్సులు మరియు సర్టిఫికేషన్లు అందించేందుకు NASSCOM FutureSkills Primeతో భాగస్వామ్యం కుదిరింది. దీని ద్వారా విద్యార్థులు పరిశ్రమ అవసరాలకు అనుగుణమైన నైపుణ్యాలను సాధించే అవకాశం పొందుతారు.

ప్రస్తుతం భారతదేశంలో అడోబ్ Creative Cloud Pro స్టూడెంట్ సబ్‌స్క్రిప్షన్ ప్యాకేజ్ మొదటి నెలకు రూ.400గా, తదుపరి ప్రతి నెలకు రూ.2,714గా అందుబాటులో ఉంది. ఈ ప్యాకేజ్‌లో Photoshop, Illustrator, Premiere Pro, Acrobat Pro, Adobe Express, Adobe Firefly, After Effects, InDesign, Lightroom, Adobe XD, Audition, Animate, Dreamweaver, InCopy, Lightroom Classic, Character Animator, Capture, Adobe Fresco, Bridge, Photoshop Express, Media Encoder, Lightroom Web, Acrobat Reader, Adobe Scan, Fill & Sign వంటి అనేక అప్లికేషన్లు ఉన్నాయి. తాజా ప్రకటనతో, ఈ టూల్స్‌లో కొన్ని ఇప్పుడు విద్యార్థులకు ఉచితంగా అందుబాటులోకి రానున్నాయి.