Samsung Galaxy S25 Ultra పై రూ. 12,000 డిస్కౌంట్.. ఆఫర్ ఏప్రిల్ 30 వరకే

భారత్‌లో Samsung Galaxy S25 అల్ట్రా ఈ ఏడాది మొద‌ట్లో మార్కెట్‌లోకి అందుబాటులోకి వ‌చ్చిన విష‌యం తెలిసిందే. ఆ స‌మయంలో ఈ మోడల్ ప్రారంభ ధర రూ. 1,29,999 గా ఉంది. తాజాగా Samsung ఫ్లాగ్‌షిప్ భార‌త్‌లో తగ్గింపు ధరకు కొనుగోలు చేసేందుకు అందుబాటులోకి వ‌చ్చింది. ఈ ఫోన్‌పై తక్షణ క్యాష్‌బ్యాక్‌గా రూ. 12,000 వరకు ఈ దక్షిణ కొరియా బ్రాండ్ ప్రకటించింది. ఎక్స్‌ఛేంజ్ ఆఫర్‌లు, నో-కాస్ట్ EMI ఆప్షన్‌లు కూడా ఉన్నాయి. ఈ Galaxy S25 Ultra హ్యాండ్‌సెట్ 12GB RAM, 1TB వరకు స్టోరేజీతో జ‌త చేసిన Galaxy ప్రాసెసర్ కస్టమ్ స్నాప్‌డ్రాగ‌న్ 8 ఎలైట్‌లో అందుబాట‌లోకి రానుంది.రూ. 12,000 ఎక్స్‌ఛేంజ్ బోనస్,ఈ కొత్త ఆఫ‌ర్‌ను ప‌రిమితి కాల ఆఫ‌ర్‌గా కంపెనీ ఆన్ లైన్ స్టోర్ కొనుగోలుపై మాత్ర‌మే ప్ర‌క‌టించింది. ఈ ఫోన్ టైటానియం సిల్వర్ బ్లూ కలర్ వేరియంట్ కొనుగోలు చేయాలనుకునే వారు రూ. 11,000 విలువైన స్పాట్ బ్యాంక్ డిస్కౌంట్ లేదా రూ. 12,000 ఎక్స్‌ఛేంజ్ బోనస్‌ను సొంతం చేసుకోవచ్చు. అంతే కాదు, Galaxy S25 Ultra స్మార్ట్ ఫోన్ ధ‌ర ఈ తాజా ఆఫర్‌తో రూ. 1,17,999 కు త‌గ్గింది. అయితే, దీని అసలు లాంఛ్ ధర రూ. 1,29,999 గా ఉంది.

ఆఫర్ ఏప్రిల్ 30 వరకు

కంపెనీ అందిస్తోన్న ఈ ఆఫర్ ఏప్రిల్ 30 వరకు అందుబాటులో ఉంటుంది. కొనుగోలుదారులు షాప్ యాప్ కొనుగోలుపై రూ. 4000 వరకూ అదనంగా ప్రయోజనాలను కూడా పొందొచ్చు. ఈ ఫోన్‌పై no-కాస్ట్‌ EMI ఆప్షన్‌లు కూడా చాలా త‌క్కువ‌గా ఉన్నాయి. కేవలం రూ. 3,278 నుంచి కూడా అందించారు. విక్రేతల వద్ద తమ పాత ఫోన్‌ను ఎక్స్‌ఛేంజ్ చేసుకున్నప్పుడు సుమారు రూ. 75,000 వరకు డిస్కౌంట్‌ను పొందే అవ‌కాశం ఉంది.

గొరిల్లా ఆర్మర్ 2 ప్రొట‌క్ష‌న్‌తో

Galaxy S25 Ultra ఆండ్రాయిడ్ 15 పై రన్ అవుతోంది. టాప్‌లో Samsung వన్ UI 7 ఇంట‌ర్‌ఫేస్‌ ఉంటుంది. ఈ మోడల్ 6.9-అంగుళాల (1,400x3,120 పిక్సెల్స్) డైనమిక్ AMOLED 2X స్క్రీన్‌ను కలిగి ఉంది. 120Hz వరకూ రిఫ్రెష్ రేట్, కార్నింగ్ గొరిల్లా ఆర్మర్ 2 ప్రొట‌క్ష‌న్‌తో వ‌స్తోంది. దీనికి కస్టమ్ స్నాప్‌డ్రాగ‌న్ 8 ఎలైట్ ప్రాసెస‌ర్‌ను అందించారు. అలాగే, 12GB RAM, 1TB వరకు ఇన్ బిల్ట్ స్టోరేజీతో దీనిని రూపొందించారు.

200-మెగాపిక్సెల్ ప్రధాన కెమెరా

దీని కెమెరా విషయానికి వస్తే.. S25 Ultra హ్యాండ్‌సెట్‌లో క్వాడ్ రియల్ కెమెరా యూనిట్‌ను అమర్చారు. అలాగే, ఇందులో 200-మెగాపిక్సెల్ ప్రధాన కెమెరాతోపాటు 50-మెగాపిక్సెల్ అల్ట్రావైడ్ కెమెరా, మరో 50-మెగాపిక్సెల్ టెలిఫోటో కెమెరా, 10-మెగాపిక్సెల్ టెలిఫోటో కెమెరాలు ఉంటాయి. వీటితోపాటు ముందు భాగంలో 12-మెగాపిక్సెల్ సెల్ఫీ కెమెరాను అందించారు. అంతే కాదు, ఇది 45W వైర్డ్ ఛార్జింగ్, 15W వైర్లెస్ ఛార్జింగ్ సపోర్ట్‌తో 5,000mAh సామర్థ్యం ఉన్న బ్యాటరీతో వస్తోంది.