ఈ ఫోన్ IP68/IP69 డస్ట్ & వాటర్ రెసిస్టెన్స్, అలాగే అల్ట్రాసోనిక్ ఫింగర్‌ప్రింట్ సెన్సార్ను కూడా సపోర్ట్ చేస్తుంది.

iQOO గతేడాది విడుదల చేసిన Z10 Turboకి వారసుడిగా iQOO Z11 Turboను చైనాలో జనవరి 15న అధికారికంగా లాంచ్ చేయనున్నట్లు కంపెనీ నిర్ధారించింది. లాంచ్ తేదితో పాటు, ఈ స్మార్ట్‌ఫోన్ డిజైన్‌, రంగులు మరియు కొన్ని ముఖ్యమైన స్పెసిఫికేషన్లను కూడా iQOO ఇప్పటికే వెల్లడించింది. iQOO Z11 Turbo ఫోన్ మిడ్ నైట్ బ్లాక్, స్కై వైట్, హాలో పింక్, ఫ్లోటింగ్ లైట్ అనే నాలుగు ఆకర్షణీయమైన కలర్ ఆప్షన్లలో అందుబాటులోకి రానుంది. ముఖ్యంగా వెనుక భాగంలో “Floating Light on the Waves” థీమ్‌తో రూపొందించిన డిజైన్ ప్రత్యేక ఆకర్షణగా నిలుస్తోంది. హై-ప్రెసిషన్ నానోస్కేల్ ఫోటోలిథోగ్రఫీ ప్రాసెస్ ద్వారా రూపొందించిన ఈ బ్యాక్ ప్యానెల్, క్రిస్టల్ క్లియర్ గ్లాస్ ఫినిష్‌తో పాటు మెటల్ ఫ్రేమ్‌ను కలిగి ఉంటుంది.

డిస్‌ప్లే విషయానికి వస్తే, ఈ ఫోన్‌లో నాలుగు వైపులా అల్ట్రా-నారో బెజెల్స్‌తో కూడిన 6.59 అంగుళాల AMOLED స్క్రీన్ ఉంటుంది. ఇది 1.5K రిజల్యూషన్ మరియు 120Hz రిఫ్రెష్ రేట్ను సపోర్ట్ చేస్తుందని సమాచారం. Midnight Black వేరియంట్ కేవలం 7.9mm పలుచనతో ఉండగా, ఫోన్ మొత్తం బరువు 202 గ్రాములుగా ఉంటుంది. పర్ఫార్మెన్స్ పరంగా iQOO Z11 Turboలో Snapdragon 8 Gen 5 SoCను ఉపయోగించనున్నట్లు కంపెనీ ఇప్పటికే అధికారికంగా ప్రకటించింది. ఈ చిప్‌సెట్ AnTuTu బెంచ్‌మార్క్‌లో 3.59 మిలియన్ స్కోర్ సాధించినట్లు iQOO వెల్లడించింది. దీనితో పాటు, కంపెనీ స్వయంగా అభివృద్ధి చేసిన Q2 చిప్ కూడా ఇందులో ఉంటుంది.

కెమెరా విభాగంలో ఈ ఫోన్ మరో కీలక మైలురాయిగా నిలవనుంది. iQOO స్మార్ట్‌ఫోన్‌లలో తొలిసారిగా 200 మెగాపిక్సెల్ అల్ట్రా-క్లియర్ మెయిన్ కెమెరాను Z11 Turboలో అందించనున్నారు. ముందు భాగంలో 32 మెగాపిక్సెల్ ఫ్రంట్ కెమెరా ఉంటుంది. అదనంగా, ఈ ఫోన్ IP68/IP69 డస్ట్ & వాటర్ రెసిస్టెన్స్, అలాగే అల్ట్రాసోనిక్ ఫింగర్‌ప్రింట్ సెన్సార్ను కూడా సపోర్ట్ చేస్తుంది.

లాంచ్ తేదీ దగ్గరపడుతున్న నేపథ్యంలో, రాబోయే రోజుల్లో iQOO Z11 Turboకి సంబంధించిన మరిన్ని పూర్తి వివరాలు కంపెనీ వెల్లడించే అవకాశం ఉంది. అధికారిక విడుదలకు ముందు ఈ ఫోన్ ఇప్పటికే టెక్ ప్రియుల్లో భారీ అంచనాలను ఏర్పరుస్తోంది.