200-మెగాపిక్సెల్ సెన్సార్‌తో కూడిన‌ ట్రిపుల్ రియర్ కెమెరా యూనిట్‌తో Vivo X200 అల్ట్రా సిద్ధ‌మైన‌ట్లేనా

భార‌త్‌లో ఇటీవ‌లే Vivo X200 సిరీస్ ప‌రిచ‌యం అయిన విష‌యం తెలిసిందే. తాజాగా Vivo నుంచి X200 అల్ట్రా మోడ‌ల్‌ను లాంచ్ చేసేందుకు సిద్ధ‌మ‌వుతున్న‌ట్లు తెలుస్తోంది. ఈ Vivo X200 అల్ట్రా గురించిన ఎలాంటి వివారాల‌ను కూడా కంపెనీ అధికారికంగా వెల్ల‌డించ‌న‌ప్ప‌టికీ, కొత్త మోడ‌ల్ కెమెరాకు సంబంధించిన కీల‌క విష‌యాలు బ‌హిర్గ‌త‌మ‌య్యాయి. 200-మెగాపిక్సెల్ సెన్సార్‌తో కూడిన ట్రిపుల్ రియర్ కెమెరా యూనిట్‌ను Vivo X200 అల్ట్రా కలిగి ఉంటుంది. అలాగే, కెమెరా యూనిట్ గరిష్టంగా 120fps (సెకన్ పెర్‌ ఫ్రేమ్స్‌)తో 4K రిజల్యూషన్ వీడియోలను రికార్డ్ చేయగలదని ప్రచారం జ‌రుగుతోంది.

అల్ట్రా-వైడ్ లెన్స్‌తో

ప్ర‌ముఖ‌ చైనీస్ సోషల్ మీడియా ప్లాట్‌ఫారమ్ Weiboలోని ఓ పోస్ట్‌లో టిప్‌స్టర్ డిజిటల్ చాట్ స్టేషన్ Vivo X200 అల్ట్రా ఫోన్‌ 50-మెగాపిక్సెల్ మెయిన్ సెన్సార్, 50-మెగాపిక్సెల్ సెకండరీ సెన్సార్, 200-మెగాపిక్సెల్ కెమెరాతో కూడిన ట్రిపుల్ రియర్ కెమెరా యూనిట్‌ను క‌లిగి ఉంటుంద‌ని వెల్ల‌డించింది. అలాగే, ప్రధాన కెమెరా వైడ్ లెన్స్ కలిగి ఉంటుందని అంచ‌నా వేస్తున్నారు. అంతేకాదు, సెకండరీ కెమెరాలో అల్ట్రా-వైడ్ లెన్స్‌తో రావ‌చ్చ‌ని భావిస్తున్నారు.

Samsung ISOCELL HP9 సెన్సార్‌

Vivo X200 ఫోన్‌లోని 200-మెగాపిక్సెల్ పెరిస్కోప్ కెమెరాకు Samsung ISOCELL HP9 సెన్సార్‌ను వినియోగించ‌వ‌చ్చు. ఈ మోడ‌ల్‌లోని అన్ని కెమెరాలతో 120fps వద్ద 4K వీడియోలను రికార్డ్ చేసేందుకు వీలుంటుంద‌ని ప్ర‌చారం జ‌రుగుతోంది. అలాగే, ప్రైమరీ కెమెరాలో లార్జ్ ఎపర్చరు, యాంటీ-షేకింగ్ ఫీచర్లును అందించారు. ఈ ఫోన్‌లో న్యూ జ‌న‌రేష‌న్‌ వివో ఇన్‌హౌస్ ఇమేజింగ్ చిప్‌ని పొందుపరిచినట్లు పేర్కొన్నారు.

4K మూవీ పోర్ట్రెయిట్ వీడియోలు

గ‌తంలో వ‌చ్చిన Vivo X100 Ultra Zeiss బ్రాండెడ్ ట్రిపుల్ రియర్ కెమెరా సెటప్‌తో ప‌రిచ‌యం అయింది. అలాగే, ఇందులో 1-అంగుళాల పరిమాణం 50-మెగాపిక్సెల్ Sony LYT-900 సెన్సార్, 50-మెగాపిక్సెల్ అల్ట్రా-వైడ్-యాంగిల్ కెమెరా, 200-megapixel APO సూపర్ టెలిఫోటో ISOLL సెన్సార్‌ను అందించారు. ఈ హ్యాండ్‌సెట్‌లో 4K మూవీ పోర్ట్రెయిట్ వీడియోలను షూట్ చేయడానికి బ్లూప్రింట్ ఇమేజింగ్ చిప్ V3+ చిప్ ఉంటుంది.

Zeiss-బ్రాండెడ్ ట్రిపుల్ కెమెరాలతో

భారతదేశంలో Vivo ఇటీవల Zeiss-బ్రాండెడ్ ట్రిపుల్ వెనుక కెమెరాలతో తన X200 సిరీస్‌ను ప్రారంభించింది. Vivo X200 Pro కెమెరా యూనిట్‌లో OIS స‌పోర్ట్‌తో 50-మెగాపిక్సెల్ Sony LYT-818 సెన్సార్, ఆటోఫోకస్‌తో కూడిన 50-మెగాపిక్సెల్ వైడ్-యాంగిల్ కెమెరా, 3.7x ఆప్టికల్ జూమ్‌తో కూడిన 200-మెగాపిక్సెల్ టెలిఫోటో ISOCELL HP9 సెన్సార్‌ను అందించింది. దీనికి కూడా V3+ ఇమేజింగ్ చిప్ ఉంది.

Sony IMX882 టెలిఫోటో సెన్సార్‌

ఈ వనిల్లా Vivo X200 ఫోన్‌ OIS స‌పోర్ట్‌తో 50-మెగాపిక్సెల్ Sony IMX921 1/1.56-అంగుళాల సెన్సార్, 50-మెగాపిక్సెల్ JN1 సెన్సార్, 3x ఆప్టికల్ జూమ్‌తో 50-మెగాపిక్సెల్ Sony IMX882 టెలిఫోటో సెన్సార్‌ను కలిగి ఉంటుంది. అయితే, ఈ మోడ‌ల్‌కు సంబంధించి కంపెనీ అధికారిక ప్ర‌క‌ట‌న వ‌చ్చిన త‌ర్వాత దీనిపై పూర్తి క్లారిటీ వ‌స్తుందని మార్కెట్ వ‌ర్గాలు భావిస్తున్నాయి.