త్వరలో భారత్ మార్కెట్‌లోకి Vivo X200 సిరీస్.. ధ‌ర ఎంతంటే..

త్వరలో భారత్ మార్కెట్‌లోకి Vivo X200 సిరీస్.. ధ‌ర ఎంతంటే..

Photo Credit: Vivo

Vivo తన X200 ఫ్లాగ్‌షిప్ సిరీస్‌ను అక్టోబర్‌లో తన హోమ్ మార్కెట్‌లో విడుదల చేసింది

ముఖ్యాంశాలు
  • ఈ మూడు ఫోన్‌లు MediaTek Dimensity 9400 ప్రాసెస‌ర్‌తో రన్ అవుతాయి
  • vanilla Vivo X200 5,800mAh బ్యాటరీతో వ‌స్తుంది
  • Vivo X200 Pro 200-మెగాపిక్సెల్ టెలిఫోటో సెన్సార్‌ను కలిగి ఉంటుంది
ప్రకటన

చైనాలో గ‌త నెల Vivo X200, Vivo X200 Pro, Vivo X200 Pro Mini స్మార్ట్ ఫోన్‌లు ప్రారంభించబడ్డాయి. అయితే, ఈ మోడ‌ల్స్ గ్లోబల్ మార్కెట్‌లో ఎప్పుడు లాంచ్ అవుతాయ‌న్న విష‌యాన్ని Vivo ఇంకా ధృవీకరించలేదు. తాజాగా భార‌త్‌లో వచ్చే నెల లాంచ్ ఉంటుంద‌ని లీక్ అయ్యింది. అయితే, Vivo X200 సిరీస్‌లోని అన్ని మోడ‌ల్స్‌ ఇండియా మార్కెట్‌లో అందుబాటులో ఉండవని తాజా నివేదికలో తెలుస్తోంది. Vivo X200 సిరీస్‌లోని స్మార్ట్ ఫోన్‌లు MediaTek డైమెన్సిటీ 9400 ప్రాసెస‌ర్‌, ఆరిజిన్ OS 5 UI, ఫీచర్ Zeiss-బ్రాండెడ్ కెమెరాలపై ర‌న్ అవుతాయి. మ‌రెందుకు ఆల‌స్యం.. ఈ Vivo X200 సిరీస్‌కు సంబంధించిన స్పెసిఫికేష‌న్స్‌తోపాటు ధ‌ర వివ‌రాల‌ను చూసేద్దామా!

త్వరలో మలేషియా మార్కెట్‌లోకి..

భార‌తదేశంలో Vivo డిసెంబర్‌లో Vivo X200, Vivo X200 ప్రోలను విడుదల చేయనున్నట్లు 91మొబైల్స్ చెబుతోంది. అయితే, ఈ బ్రాండ్ భారతీయ మార్కెట్‌లో X200 ప్రో మినీని మాత్రం తీసుకురాక‌పోవ‌చ్చ‌ట‌. Vivo X200 సిరీస్ గత నెలలో చైనాలో ఆవిష్కరించిన ఈ సిరీస్ ప్ర‌స్తుతం అక్క‌డ ప్ర‌త్యేక ఆక‌ర్ష‌ణ‌గా నిలుస్తోంది. X200 సిరీస్ డిజైన్ ఆక‌ట్టుకునేలా ఉండ‌డంతో ఈ స్మార్ట్ ఫోన్‌లకు చైనా మార్కెట్‌లో మంచి డిమాండ్ ఉన్న‌ట్లు ఆన్‌లైన్ స్టేట్‌మెట్స్‌లో స్ప‌ష్టంగా తెలుస్తోంది. అలాగే, ఈ లైనప్ త్వరలో మలేషియా మార్కెట్‌లోకి అడుగుపెడుతుంద‌ని నిర్ధారించబడింది. అయితే, Vivo X200 Pro Mini మోడల్ మాత్రం గ్లోబల్ రిలీజ్‌లో భాగమవుతుందా అనే విష‌యంపై ఎలాంటి స్ప‌ష్ట‌తా లేదు.

నవంబర్ చివరిలో లేదా డిసెంబర్..

Vivo X200 సిరీస్ vanilla మోడల్ ధర 12GB + 256GB స్టోరేజ్ కాన్ఫిగరేషన్ చైనా మార్కెట్‌లో CNY 4,300 (దాదాపు రూ. 51,000) నుండి ప్రారంభమవుతుంది. ఈ ఫోన్‌లు నవంబర్ చివరిలో లేదా డిసెంబర్ మొదటి వారంలో ఇండియ‌న్ మార్కెట్‌లో లాంచ్ అవుతాయని గతంలోనే ప్ర‌చారం జ‌రిగింది. అయితే, కంపెనీ మాత్రం భార‌త్‌లో ఈ Vivo X200 సిరీస్ అమ్మ‌కాల గురించిన‌ ఎటువంటి వివరాలను వెల్లడించలేదు. గ‌త Vivo X సిరీస్ ఫోన్‌లు భారతీయ మార్కెట్‌లో అందుబాటులోకి వచ్చాయి.

50 మెగాపిక్సెల్ ప్రైమరీ కెమెరాతో..

ఈ Vivo X200, X200 Pro, X200 Pro Mini ఫోన్‌లు ఆండ్రాయిడ్ 15 ఆధారంగా ఆరిజిన్ OS 5తో విడుద‌ల‌య్యాయి. ఈ మూడు ఫోన్‌లు MediaTek డైమెన్సిటీ 9400 ప్రాసెస‌ర్‌తో రన్ అవుతాయి. 50 మెగాపిక్సెల్ ప్రైమరీ కెమెరాతో కూడిన Zeiss-బ్రాండెడ్ ట్రిపుల్ రియర్ కెమెరా సెటప్‌తో వీటిని రూపొందించారు. Vivo X200 Pro 200-మెగాపిక్సెల్ టెలిఫోటో సెన్సార్‌ను కలిగి ఉంటుంది. vanilla Vivo X200 5,800mAh బ్యాటరీతో 90W వైర్డు ఛార్జింగ్‌కు సపోర్ట్ చేస్తుంది. అలాగే, Vivo X200 Pro, X200 Pro Mini వరుసగా 6,000mAh, 5,800mAh బ్యాటరీలతో 90W వైర్డ్ ఛార్జింగ్ సపోర్ట్‌తో వస్తున్నాయి. మ‌రి.. భార‌త్ మార్కెట్‌లోకి విడుద‌లైతే డిమాండ్ ఎలా ఉంటుందో చూడాల్సిందే.

Comments
Facebookలో షేర్‌ Gadgets360 Twitter Shareట్వీట్ షేర్ Snapchat రెడ్డిట్ వ్యాఖ్యానించండి

ప్రకటన

ప్రకటన

#తాజా కథనాలు
  1. ఏప్రిల్ 11న భార‌త్‌లో iQOO Z10తో పాటు iQOO Z10X లాంఛ్‌.. డిజైన్‌తోపాటు కీల‌క ఫీచ‌ర్స్ బ‌హిర్గ‌తం
  2. మీడియాటెక్ డైమెన్సిటీ 7400 ప్రాసెస‌ర్‌తో ఇండియాలో అడుగుపెట్టిన Motorola Edge 60 Fusion
  3. ఇండియాలోని ఆరు నగరాల్లో ఈ ఏడాది డాల్బీ సినిమాను లాంఛ్ చేయ‌నున్న‌ డాల్బీ లాబొరేటరీస్
  4. Vivo Y300 Pro+, Vivo Y300t మోడ‌ల్స్ చైనాలో లాంఛ్‌.. ధ‌ర‌తోపాటు స్పెసిఫికేష‌న్స్ ఇవే
  5. ఇండియాలో లాంఛ్ అయిన Infinix Note 50X 5G.. ధర, స్పెసిఫికేషన్స్ మీకోసం
  6. రాబిన్‌హుడ్ OTT విడుదల తేదీ కూడా సిద్ధ‌మైందా.. చిత్ర యూనిట్ ఏం చెబుతోందంటే..
  7. Realme GT 7 లాంఛ్‌ టైమ్‌లైన్‌తోపాటు Realme GT 8 Pro స్పెసిఫికేషన్స్ బ‌హిర్గ‌తం
  8. ఆపిల్‌తో పాటు Qualcomm కూడా 2nm నోడ్ ఆధారంగా స్నాప్‌డ్రాగన్ ప్రాసెస‌ర్‌ల‌ను లాంఛ్ చేయ‌నుందా
  9. 11.5-అంగుళాల LCD స్క్రీన్‌తో మ‌లేషియాలో లాంఛ్ అయిన Honor Pad X9a
  10. ఆండ్రాయిడ్‌లో మోషన్ ఫోటోలకు స‌పోర్ట్ చేసేలా WhatsApp ప‌ని చేస్తోందా..
© Copyright Red Pixels Ventures Limited 2025. All rights reserved.
Trending Products »
Latest Tech News »