గత వారం వచ్చిన మరో రిపోర్ట్ కూడా ఇదే విషయాలను నిర్ధారించింది.

షావోమి 17 సిరీస్‌లో భాగంగా ఇప్పటికే షావోమి 17, షావోమి 17 ప్రో, షావోమి 17 ప్రో మ్యాక్స్ మోడళ్లు లాంచ్ అయ్యాయి. అయితే, ఈ సిరీస్‌లో మరో శక్తివంతమైన హ్యాండ్‌సెట్ త్వరలో రానున్నట్టు సమాచారం. ఇది షావోమి 17 అల్ట్రా పేరుతో విడుదల కానుందని వార్తలు సూచిస్తున్నాయి. తాజాగా ఆ ఫోన్‌ కెమెరా స్పెసిఫికేషన్లు ఆన్‌లైన్‌లో లీక్ అయ్యాయి. ఆ వివరాలు చూస్తే, ఇది మిగిలిన మోడళ్ల కంటే మెరుగైన ఫోటోగ్రఫీ అనుభవాన్ని అందించబోతుందనే సంకేతాలు ఉన్నాయి. తాజాగా చైనీస్ సోషల్ మీడియా ప్లాట్‌ఫామ్ Weiboలో ప్రముఖ టిప్‌స్టర్ డిజిటల్ చాట్ స్టేషన్ పంచుకున్న సమాచారం ప్రకారం, షావోమి 17 అల్ట్రా మోడల్‌లో 50 మెగాపిక్సెల్ ప్రైమరీ కెమెరా ఉండనుంది. ఇందులో “ఎన్‌హాన్స్‌డ్ ISZ” సపోర్ట్ ఉంటుంది, దీని ద్వారా “లాస్‌లెస్ ఫోకల్ లెంగ్త్ ఇంటిగ్రేషన్” సాధ్యమవుతుంది. అదనంగా, ఈ ఫోన్‌లో 200 మెగాపిక్సెల్ పెరిస్కోప్ లెన్స్ కూడా ఉండబోతోందని లీక్‌లు చెబుతున్నాయి. ఈ లెన్స్‌కి 4x4 RMSC టెక్నాలజీ సపోర్ట్ ఉంటుందని, దీని ద్వారా “మల్టీ ఫోకల్ లెంగ్త్ లాస్‌లెస్ జూమ్” మరియు “టెలిఫోటో మాక్రో” ఫోటోగ్రఫీ సౌకర్యం లభిస్తుందని సమాచారం. ఈ కెమెరా సెటప్‌ ద్వారా మెరుగైన జూమ్ సామర్థ్యం, ఫోకస్ రేంజ్ మరియు హై డైనమిక్ రేంజ్ ఫీచర్లు లభించనున్నాయి.

ఇది కేవలం కొత్త లీక్ మాత్రమే కాదు...గత వారం వచ్చిన మరో రిపోర్ట్ కూడా ఇదే విషయాలను నిర్ధారించింది. ఆ నివేదిక ప్రకారం, షావోమి 17 అల్ట్రా మోడల్‌లో నాలుగు వెనుక కెమెరాలు ఉండనున్నాయి. వాటిలో మూడు 50MP సెన్సర్లు మరియు ఒక 200MP పెరిస్కోప్ లెన్స్ ఉంటుందని తెలిపింది. ముఖ్యంగా, ఆ 200MP లెన్స్ కోసం షావోమి ప్రత్యేకంగా అభివృద్ధి చేసిన కొత్త ఆప్టికల్ టెక్నాలజీను ఉపయోగిస్తున్నట్లు చెబుతున్నారు.

ఈ ఫోన్‌ 2026లో మార్కెట్‌లోకి రానుందని అంచనా. ఇది ఈ సంవత్సరం విడుదలైన షావోమి 15 అల్ట్రాకి కంటిన్యుషన్ గా భావిస్తున్నారు. షావోమి 17 అల్ట్రా విడుదలయితే, అది 17 సిరీస్‌లో చివరి ఫ్లాగ్‌షిప్ మోడల్ కానుంది. ప్రస్తుతం ఆ సిరీస్‌లో 17, 17 ప్రో, 17 ప్రో మ్యాక్స్ మోడళ్లు మాత్రమే ఉన్నాయి.

పాత మోడల్‌తో పోల్చితే, షావోమి 17 అల్ట్రా అనేక టెక్నాలజీ అప్‌గ్రేడ్లు అందించబోతోంది. ఉదాహరణకు, గత ఏడాది విడుదలైన షావోమి 15 అల్ట్రా మోడల్‌లో 6.73 అంగుళాల క్వాడ్ కర్వ్డ్ LTPO AMOLED డిస్ప్లే, 120Hz రిఫ్రెష్ రేట్, 300Hz టచ్ శాంప్లింగ్ రేట్, 3,200 నిట్స్ పీక్ బ్రైట్‌నెస్ వంటి ఫీచర్లు ఉన్నాయి. అలాగే, అది Snapdragon 8 Elite చిప్‌సెట్, 16GB LPDDR5x RAM, మరియు 1TB UFS 4.1 స్టోరేజ్తో వచ్చింది.

ఇందువల్ల, షావోమి 17 అల్ట్రా మార్కెట్‌లోకి వచ్చిన తర్వాత అది కెమెరా పనితీరులో కొత్త ప్రమాణాలు సృష్టించే అవకాశం ఉందని టెక్ వర్గాలు భావిస్తున్నాయి.