ఫోటోగ్రఫీ పరంగా ముందు, వెనుక భాగాల్లో ఒక్కోటి చొప్పున 8 మెగాపిక్సెల్ కెమెరాలు ఇవ్వవచ్చు.

Oppo Pad Air 5లో 2.8K రిజల్యూషన్ డిస్ప్లే, ColorOS ఆధారిత సాఫ్ట్‌వేర్, అలాగే భారీ 10,050mAh బ్యాటరీ ఉండటం ఖరారరైంది. ఈ స్పెసిఫికేషన్స్ ఇప్పటికే ట్యాబ్లెట్ ప్రేమికుల్లో ఆసక్తిని రేకెత్తిస్తున్నాయి. డిజైన్ పరంగా ఈ ట్యాబ్లెట్ స్లిమ్ లుక్ తో పాటు ప్రీమియమ్ ఫినిష్‌ను కలిగి ఉండనుంది.

Written by నవీకరించబడింది: 19 డిసెంబర్ 2025 15:38 IST

ఫోటోగ్రఫీ పరంగా ముందు, వెనుక భాగాల్లో ఒక్కోటి చొప్పున 8 మెగాపిక్సెల్ కెమెరాలు ఇవ్వవచ్చు.

ఒప్పో ప్యాడ్ ఎయిర్ 5 అనే కొత్త టాబ్లెట్‌ను విడుదల చేయనున్నట్లు ఒప్పో ధృవీకరించింది.

ముఖ్యాంశాలు

2.8K రిజల్యూషన్ డిస్ప్లే, 10,050mAh భారీ బ్యాటరీతో Oppo Pad Air 5 విడుదల
Wi-Fi మరియు Wi-Fi + 5G వేరియంట్లలో లభ్యం, మూడు ఆకర్షణీయమైన కలర్ ఆప్షన్లు
OnePlus Pad Go 2కి రీబ్రాండెడ్ వెర్షన్‌గా ఉండే అవకాశం, 120Hz డిస్ప్లే అంచ

ప్రకటన

స్మార్ట్ డివైసుల మార్కెట్‌లో తన ఉనికిని మరింత బలోపేతం చేసేందుకు Oppo మరో కొత్త ట్యాబ్లెట్‌ను పరిచయం చేయడానికి సిద్ధమైంది. Oppo Pad Air 5 పేరుతో ఈ ట్యాబ్లెట్‌ను డిసెంబర్ 25న చైనాలో అధికారికంగా విడుదల చేయనున్నట్లు కంపెనీ ఇప్పటికే ధృవికరించింది. లాంచ్‌కు ముందే Oppo అధికారిక స్టోర్‌లో ప్రీ-ఆర్డర్ పేజీ ప్రారంభం కావడంతో, ఈ డివైస్ డిజైన్, ముఖ్యమైన స్పెసిఫికేషన్స్, అలాగే వేరియంట్లకు సంబంధించిన వివరాలు వెలుగులోకి వచ్చాయి. Oppo Pad Air 5లో 2.8K రిజల్యూషన్ డిస్ప్లే, ColorOS ఆధారిత సాఫ్ట్‌వేర్, అలాగే భారీ 10,050mAh బ్యాటరీ ఉండటం ఖరారైంది. ఈ స్పెసిఫికేషన్స్ ఇప్పటికే ట్యాబ్లెట్ ప్రేమికుల్లో ఆసక్తిని రేకెత్తిస్తున్నాయి. డిజైన్ పరంగా ఈ ట్యాబ్లెట్ స్లిమ్ లుక్ తో పాటు ప్రీమియమ్ ఫినిష్‌ను కలిగి ఉండనుంది.

ఈ ట్యాబ్లెట్ Wi-Fi మాత్రమే పనిచేసే వెర్షన్, అలాగే Wi-Fi + 5G వెర్షన్ల్లో అందుబాటులోకి రానుంది. కలర్ ఆప్షన్ల విషయానికి వస్తే, స్పేస్ గ్రే, స్టార్లైట్ పౌడర్, స్టార్లైట్ పింక్ రంగుల్లో విక్రయించనున్నారు.

Wi-Fi వేరియంట్‌లో 8GB RAM + 128GB స్టోరేజ్, 8GB + 256GB, అలాగే 12GB + 256GB అనే మూడు కాన్ఫిగరేషన్లు అందుబాటులో ఉంటాయి. ఇక 5G వేరియంట్ మాత్రం స్పేస్ గ్రే కలర్‌లో మాత్రమే, అది కూడా 8GB RAM + 128GB స్టోరేజ్ ఎంపికలోనే లభించనుంది.

బయటకు వచ్చిన ఈ వివరాలను పరిశీలిస్తే, Oppo Pad Air 5 అనేది ఇప్పటికే ఇతర మార్కెట్లలో విడుదలైన OnePlus Pad Go 2కి రీబ్రాండెడ్ వెర్షన్‌గా ఉండే అవకాశాలు కనిపిస్తూన్నాయి. ఇదే తరహాలో గతంలో విడుదలైన Oppo Pad Air 2 కూడా OnePlus Pad Go ఆధారంగానే రూపొందించబడింది.
ఈ నేపథ్యంలో Oppo Pad Air 5లో 12.1 అంగుళాల LCD డిస్ప్లే, 2.8K రిజల్యూషన్, 120Hz రిఫ్రెష్ రేట్, MediaTek Dimensity 7300-Ultra ప్రాసెసర్, LPDDR4x RAM, UFS 3.1 స్టోరేజ్, అలాగే 33W ఫాస్ట్ చార్జింగ్ సపోర్ట్ ఉన్న 10,050mAh బ్యాటరీ ఉండే అవకాశం ఉంది.

ఫోటోగ్రఫీ పరంగా ముందు, వెనుక భాగాల్లో ఒక్కోటి చొప్పున 8 మెగాపిక్సెల్ కెమెరాలు ఇవ్వవచ్చు. ఆడియో అనుభూతిని మెరుగుపరిచేందుకు క్వాడ్ స్పీకర్ సెటప్ ఉండే అవకాశం ఉంది. భద్రత కోసం ఫేస్ అన్‌లాక్ సపోర్ట్ కూడా ఇందులో భాగంగా ఉండవచ్చని అంచనా.మొత్తానికి, Oppo Pad Air 5 అనేది గత మోడల్‌కు కొనసాగింపుగా, పెద్ద డిస్ప్లే, శక్తివంతమైన బ్యాటరీ, మరియు ఆధునిక ఫీచర్లతో ట్యాబ్లెట్ సెగ్మెంట్‌లో మంచి ఎంపికగా నిలిచే అవకాశాలు కనిపిస్తున్నాయి. అధికారిక లాంచ్ తర్వాత ధరలు మరియు పూర్తి స్పెసిఫికేషన్స్‌పై మరింత స్పష్టత రానుంది.