ఇప్పుడు WhatsApp Status ఇప్పుడు మరింత క్రియేటివ్‌గా మారుతోంది

ప్రతి ఏడాది హాలిడే సీజన్‌ దగ్గరపడుతుంటే WhatsApp కొన్ని కొత్త ఫీచర్లు విడుదల చేస్తుంటుంది. అదే తరహాలో ఈ ఏడాది కూడా మెటా ఆధీనంలోని ఈ ఇన్‌స్టంట్ మెసేజింగ్ యాప్ పెద్ద అప్‌డేట్‌ను ప్రకటించింది. ఇందులో Missed Call Messages అన్న కొత్త ఫీచర్‌తో పాటు, Meta AI ద్వారా ఇమేజ్ జనరేషన్‌కు సంబంధించిన పలు మెరుగుదలలు, స్టేటస్ కోసం కొత్త స్టికర్లు, వీడియో కాలింగ్‌ అనుభవంలో కొన్ని నవీకరణలు ఉన్నాయి.

WhatsApp పరిచయం చేసిన Missed Call Messages ఫీచర్ అసలుకు వాయిస్‌మైల్‌కు ప్రత్యామ్నాయంగా రూపొందించబడింది. యూజర్ చేసిన కాల్‌కి ఎవరు స్పందించలేకపోతే, కాల్ టైప్‌ను బట్టి వారు వెంటనే వాయిస్ నోట్ లేదా వీడియో నోట్ రికార్డ్ చేసి ఒక ట్యాప్‌తో పంపేయవచ్చు.

కంపెనీ మాటల్లో చెప్పాలి అంటే “ఇప్పటి నుంచి వాయిస్‌మైల్స్ కాలం పూర్తయింది.”

వాయిస్ చాట్ సమయంలో ‘cheers!' వంటి కొత్త రియాక్షన్లను ఇప్పుడు యూజర్లు వ్యక్తపరచొచ్చు. ఆసక్తికర విషయం ఏమంటే – ఇవి ఇతరులకు అంతరాయం కలిగించకుండా కనిపించే విధంగా రూపొందించబడ్డాయి.

వీడియో కాల్స్‌లో అయితే WhatsApp ఇప్పుడు speaker view ను ప్రాధాన్యతగా చూపిస్తుంది, అంటే మాట్లాడుతున్న వ్యక్తి స్క్రీన్‌పై ప్రధానంగా కనిపిస్తారు.

Meta AI ఆధారంగా ఇమేజ్ క్రియేషన్ ఫీచర్లలో WhatsApp భారీ అప్‌డేట్ చేసినట్లు తెలిపింది. Flux, Midjourney వంటి ఇమేజ్ మోడల్స్ ఆధారంగా ఇప్పుడు మరింత రియలిస్టిక్ ఇమేజ్‌ల సృష్టి, హాలిడే గ్రీటింగ్స్ వంటి చిత్రాల తయారీలో గణనీయమైన నాణ్యత పెరుగుదల

కనిపిస్తాయని కంపెనీ చెప్పింది.

ఇదివరకే ఫోటోలను తయారుచేయడానికి Meta AI ఉపయోగపడుతుండగా, ఇప్పుడు యూజర్లు ఏ ఫోటోనైనా చిన్న వీడియోగా అనిమేట్ చేయగలరు. వారు ఇచ్చే ప్రాంప్ట్‌లు, మెసేజెస్ ఆధారంగా ఆ చిత్రాలను AI చలన చిత్రాల్లా మార్చుతుంది.

డెస్క్‌టాప్ WhatsApp యాప్‌లో కొత్త Media tab కూడా అందుబాటులోకి వచ్చింది. ఇది చాట్స్‌లో ఉన్న డాక్యుమెంట్లు, లింకులు, మీడియా ఫైల్స్ అన్నింటినీ ఒకేచోట సులభంగా సెర్చ్ చేసి యాక్సెస్ చేయడానికి ఉపయోగపడుతుంది. లింక్ ప్రీవ్యూల రూపకల్పనలో కూడా కొన్ని మెరుగుదలలు తెచ్చారు.

WhatsApp Status ఇప్పుడు మరింత క్రియేటివ్‌గా మారుతోంది.

ఇందులో సాంగ్ లిరిక్స్, ఇంటరాక్టివ్ స్టికర్లు, ప్రశ్నలకు సమాధానాలు పంపే ఆప్షన్

వంటి కొత్త స్టికర్లు జోడించబడుతున్నాయి. అలాగే Channels‌లో కూడా Questions ఫీచర్‌ను WhatsApp ప్రవేశపెట్టింది. దీని ద్వారా అడ్మిన్లు తమ ఫాలోవర్లతో మరింత చురుకుగా కమ్యూనికేట్ చేయగలరు, రియల్ టైమ్‌లో స్పందనలు పొందగలరు.