బ్యాటరీ విషయానికి వస్తే, Galaxy S26 Ultra లో 5,000mAh బ్యాటరీ అందించనున్నారు.

Written by నవీకరించబడింది: 3 ఫిబ్రవరి 2026 11:21 IST

Samsung Galaxy S26 Ultra గెలాక్సీ S25 అల్ట్రా పైన రిఫ్రెష్ చేయబడిన కెమెరా ద్వీపంతో కనిపిస్తుంది (చిత్రంలో)

ముఖ్యాంశాలు

కొత్త Cobalt Violet హీరో కలర్లో ప్రీమియం లుక్‌తో Galaxy S26 Ultra
Z Fold7 తరహా రీడిజైన్ చేసిన కెమెరా ఐలాండ్, బ్లాక్ కలర్ S Pen ప్రత్యేక ఆకర
200MP కెమెరా, Snapdragon 8 Elite Gen 5 చిప్, 60W ఫాస్ట్ ఛార్జింగ్తో ఫ్లాగ

ప్రకటన

సామ్‌సంగ్ అభిమానులు ఆసక్తిగా ఎదురుచూస్తున్న Galaxy S26 సిరీస్ విడుదలకు ఇంకా మూడు వారాల సమయమే మిగిలి ఉంది. ఈ నేపథ్యంలో ప్రముఖ లీకర్ ఎవాన్ బ్లాస్ (@evleaks) తాజాగా Galaxy S26 Ultraకు సంబంధించిన అధికారిక పోస్టర్‌ను షేర్ చేయడం టెక్ ప్రపంచంలో హాట్ టాపిక్‌గా మారింది. ఈ పోస్టర్‌లో కనిపిస్తున్న కొత్త “హీరో కలర్” Cobalt Violet అందరి దృష్టిని ఆకర్షిస్తోంది.

పోస్టర్‌లో చూపించిన ప్రత్యేక యాంగిల్ కారణంగా ఫోన్‌కు ఊదా వర్ణం మరింత స్టైలిష్‌గా కనిపిస్తోంది. ముఖ్యంగా ఫోన్ బ్యాక్ డిజైన్, కుడి వైపు ఫ్రేమ్ స్పష్టంగా కనిపించేలా పోస్టర్‌ను రూపొందించారు. ఇందులో మరో ముఖ్యమైన మార్పు ఏంటంటే, కెమెరా ఐలాండ్ పూర్తిగా రీడిజైన్ చేయబడింది. ఇది ఇటీవల విడుదలైన Galaxy Z Fold7 డిజైన్‌ను తలపించేలా ఉండటం గమనార్హం. సామ్‌సంగ్ ఈసారి ప్రీమియం లుక్‌పై మరింత ఫోకస్ పెట్టినట్లు స్పష్టంగా తెలుస్తోంది.

ఇక పోస్టర్‌లో కనిపిస్తున్న S Pen స్టైలస్ కూడా ఆసక్తికరంగా మారింది. ఫోన్ మెయిన్ కలర్‌కు మ్యాచ్ కాకుండా, బ్లాక్ కలర్‌లో S Pen ఇవ్వడం ద్వారా సామ్‌సంగ్ ప్రత్యేక కాంట్రాస్ట్ లుక్‌ని ట్రై చేసినట్లు అనిపిస్తోంది. ఇది డిజైన్ పరంగా కొందరికి కొత్తగా, మరికొందరికి భిన్నంగా అనిపించే అవకాశం ఉంది. లేటెస్ట్ “మెగా లీక్” ప్రకారం, Galaxy S26 Ultra లో 6.9 అంగుళాల Dynamic AMOLED డిస్ప్లే ఉండనుంది. ఇది QHD+ రిజల్యూషన్‌తో పాటు 1Hz నుంచి 120Hz వరకు అడాప్టివ్ రిఫ్రెష్ రేట్‌ను సపోర్ట్ చేస్తుంది.

పనితీరు విషయంలో సామ్‌సంగ్ ఎలాంటి రాజీ పడలేదని చెప్పాలి. ఈ ఫోన్‌లో Qualcomm Snapdragon 8 Elite Gen 5 చిప్‌సెట్ ఉండనుంది, ఇది ఇప్పటివరకు వచ్చిన చిప్‌లలో అత్యంత శక్తివంతమైనదిగా భావిస్తున్నారు.

బ్యాటరీ విషయానికి వస్తే, Galaxy S26 Ultra లో 5,000mAh బ్యాటరీ అందించనున్నారు. అంతేకాదు, ఈసారి 60W వైర్డ్ ఫాస్ట్ ఛార్జింగ్ సపోర్ట్ కూడా ఇవ్వబోతున్నట్లు సమాచారం. ఇది సామ్‌సంగ్ ఫ్లాగ్‌షిప్ సిరీస్‌కు పెద్ద అప్‌గ్రేడ్ అనే చెప్పాలి. కెమెరా సెటప్ మాత్రం నిజంగా టాప్ లెవెల్‌లో ఉంది. ఈ ఫోన్‌లో 200MP ISOCELL HP2 మెయిన్ కెమెరా (f/1.4 అపర్చర్) ఉండనుంది. దానితో పాటు 50MP అల్ట్రావైడ్ (Samsung JN3), 5x ఆప్టికల్ జూమ్‌తో 50MP పెరిస్కోప్ టెలిఫోటో (IMX854), అలాగే 3x ఆప్టికల్ జూమ్‌తో 10MP టెలిఫోటో కెమెరా ఉండనున్నాయి. ఫోటోగ్రఫీ, వీడియోగ్రఫీ రెండింటిలోనూ Galaxy S26 Ultra మరోసారి బెంచ్‌మార్క్ సెట్ చేసే అవకాశం స్పష్టంగా కనిపిస్తోంది.