మార్కెట్‌లోకి Moto Book 60.. రూ.69,999 ల్యాప్‌టాప్, స్పెషల్ లాంఛ్ ధ‌ర రూ.61,999 మాత్ర‌మే

ఇండియాలో Motorola త‌మ Moto Book 60 ల్యాప్‌టాప్‌ను విడుద‌ల చేసింది. లెనోవా యాజ‌మాన్యంలోని బ్రాండ్ నుంచి మ‌న దేశంలో అడుగుపెట్టిన మొట్ట‌మొద‌టి ల్యాప్‌ట్యాప్ ఇది. 14-అంగుళాల 2.8K OLED డిస్‌ప్లే, 65W ఫాస్ట్ ఛార్జింగ్ మ‌ద్ద‌తులో 60Wh బ్యాట‌రీని ఈ ల్యాప్‌ట్యాప్‌కు అందించారు. అలాగే, ఇది క‌ల‌ర్ ఆప్ష‌న్‌ల‌లో ల‌భించ‌నుంది. ఇంటెల్ కోర్ 7 240H ప్రాసెస‌ర్‌, 32 జీబీ RAM, 1TB వ‌ర‌కూ స్టోరేజీ సామ‌ర్థ్యంతో అందుబాటులోకి వ‌స్తుంది. మ‌రో వారం రోజుల త‌ర్వాత నుంచి ఈ Moto Book 60 ల్యాప్‌టాప్ కొనుగోలుకు అందుబాటులో ఉంటుంద‌ని కంపెనీ వెల్ల‌డించింది.స్పెషల్ లాంఛ్ ధ‌రలు,Moto Book 60 ఏప్రిల్ 23 నుంచి మ‌న దేశంలో ఫ్లిప్‌కార్ట్ ద్వారా అమ్మకాల‌కు వ‌స్తోంది. ఇంటెల్ కోర్ 5 స‌రీస్ ప్రాసెస‌ర్‌తో 16GB వెర్ష‌న్ ధ‌ర రూ.69,999గా ఉంది. అయితే, దీని స్పెషల్ లాంఛ్ ధ‌ర రూ.61,999 మాత్ర‌మే. అలాగే, 16GB + 512GB, 16GB + 1TB RAM వెర్ష‌న్‌లు ఇంటెల్ కోర్ 7 సిరీస్ ప్రాసెస‌ర్‌తో అయితే, ధ‌ర‌లు వ‌రుస‌గా రూ. 74,990, రూ. 78,990గా ఉన్నాయి. వీటిని లాంఛ్ డిస్కౌంట్‌తో పొంద‌వ‌చ్చు. అప్పుడు వీటి ధ‌ర ఒక్క‌క్క‌టీ రూ.73,999గా ఉంది.

Moto Book 60 స్పెసిఫికేష‌న్స్‌

హోమ్ ఆప‌రేటింగ్ సిస్ట‌మ్‌పై ఈ Moto Book 60 ర‌న్న‌వుతోంది. టీయూవీ రీన్‌ల్యాండ్‌లో బ్లూ లైట్, ఫ్లిక‌ర్ ఫ్రీ స‌ర్టిఫికేష‌న్‌ల‌తో వ‌స్తోంది. అలాగే, బ‌ట‌న్‌లెస్ మైలార్ ట‌చ్‌ప్యాడ్‌ను కూడా అందించారు. ఇది ఇంటెల్ కోర్ 7 240H, ఇంటెల్ కోర్ 5 210H ప్రాసెస‌ర్ ఇంటిగ్రేటెడ్ ఇంటెల్ గ్రాఫిక్స్‌తో ఆప్ష‌న్‌ల‌లో ల‌భించ‌నుంది. దీనిని 32GB వ‌ర‌కూ డీడీఆర్ 5 RAM, 1TB PCIe 4.0 SSD స్టోరేజ్‌తో దీనిని అందించారు.

కనెక్టివిటీ ఆప్ష‌న్‌లు

Moto Book 60లో యూజ‌ర్‌ల‌ ప్రైవ‌సీ ష‌ట్ట‌ర్‌తో కూడిన 1080p వెబ్‌క్యామ్‌, విండోస్ హ‌లో ఫేస్ రిక‌గ్నిష‌న్ కోసం IR కెమెరాను అందించారు. ఇది మిలిట‌రీ-గ్రేడ్ (MIL-STD-810H) క్వాలిటీతో వ‌స్తోంది. డాల్బీ అట్మాస్, 2W ఆడియో అవుట్ పుట్‌తో డ్యూయ‌ల్ స్టీరియో స్పీక‌ర్స్‌ను అందిస్తున్నారు. ఇక క‌నెక్టివిటీ ఆప్ష‌న్‌ల‌ను చూస్తే.. Wi-Fi 7, బ్లూటూత్ 5.4ల‌కు మ‌ద్ద‌తు ఇస్తుంది. రెండు యూఎస్‌బి టైప్‌-ఏ 3.2 జెన్ 1 పోర్ట్‌లు, ఒక డిస్‌ప్లేపోర్ట్‌, రెండు యూఎస్‌బీ టైప్‌-సీ 3.2 జెన్ పోర్ట్‌లు, 3.5ఎంఎం ఆడియోజాక్ వంటివి ఉన్నాయి.

ఏఐ-ఆధారిత ఫీచ‌ర్స్‌

ఇది అనేక‌ ఏఐ-ఆధారిత ఫీచ‌ర్స్‌ను క‌లిగి ఉంది. పీసీ, ఫోన్, ట్యాబ్‌, టీవీల డేటాను సులువుగా అటాచ్ చేసేందుకు, బ‌దిలీ చేసుందుకు స్మార్ట్ క‌నెక్ట్‌, స్మార్ట్ క్లిప్‌బోర్డ్‌, ఫైల్ ట్రాన్స్‌ఫ‌ర్‌ల‌ను అందించారు. ఫ‌ర్మ్‌వేర్ టీపీఎం 2.0 స‌క్యూరిటీ చిప్‌తో వ‌స్తుంది. ఇది 313.4 x 221 x 16.9mm ప‌రిమాణంతో 1.39 కిలోల బ‌రువు ఉంటుంది. బ్రాంజ్ గ్రీన్‌, వెడ్జ్ వుడ్ క‌ల‌ర్ ఆప్ష‌న్‌ల‌లో ఈ Moto Book 60 ల‌భిస్తుంది.