Poco M7 Pro 5G, Poco C75 5G ఫోన్‌లు డిసెంబర్ 17న ఇండియాలో లాంచ్.. Flipkartలో దొరుకుతాయి

మరికొన్ని వారాల్లోనే Poco M7 Pro 5G, Poco C75 5G ఫోన్‌లు భార‌త్‌లో విడుద‌ల‌కు సిద్ధంగా ఉన్నాయి. తాజాగా Poco సైతం ఈ కొత్త హ్యాండ్‌సెట్‌ల లాంచ్ తేదీని ధృవీకరించడంతోపాటు కొన్ని ముఖ్యమైన స్పెసిఫికేష‌న్స్‌ను వెల్ల‌డించింది. అంతేకాదు, Poco C-సిరీస్ స్మార్ట్‌ఫోన్‌ సోనీ కెమెరాతో వస్తుందంటూ టీజ్ చేసింది. అంతేకాదు, AMOLED డిస్‌ప్లేను Poco M7 Pro 5G హ్యాండ్‌సెట్‌కు అందించారు. ఈ రెండు ఫోన్‌లు కూడా ఫ్లిప్‌కార్ట్‌లో అందుబాటులో ఉండ‌నున్నాయి. అండ‌ర్ ది హుడ్‌ స్నాప్‌డ్రాగన్ 4s Gen 2 ప్రాసెస‌ర్‌తో Poco C75 5G వ‌చ్చేలా కనిపిస్తోంది. Poco C75 5G సోనీ సెన్సార్‌తో దేశంలోనే అత్యంత సరసమైన 5G ఫోన్‌గా గుర్తింపు పొందనుంది.

ధర కేవ‌లం రూ. 9,000

తాజాగా, X వేదిక‌గా Poco ఇండియా హెడ్ హిమాన్షు టాండన్ Poco M7 Pro 5G, Poco C75 5Gల రాబోయే లాంచ్ గురించి టీజర్‌ను షేర్ చేశారు. దీనిని బ‌ట్టీ ఈ ఫోన్‌లు డిసెంబర్ 17న మధ్యాహ్నం 12 గంటలకు అందుబాటులోకి రానున్నాయ‌. Poco M7 Pro 5G AMOLED డిస్‌ప్లేతో వ‌స్తుంది. Poco C75 5G ఫోన్‌ను సోనీ కెమెరాతో రూపొందించిన‌ట్లు వెల్ల‌డైంది. దీని ధర రూ. 9,000గా నిర్ణ‌యించారు. ఈ హ్యాండ్‌సెట్ 5G SAకు స‌పోర్ట్ చేస్తుంది. అయితే, Airtel వినియోగించే 5G NSA (నాన్-స్టాండలోన్)కి మాత్రం స‌పోర్ట్ చేయ‌దు.

TUV ట్రిపుల్ సర్టిఫికేషన్

కొత్త ఫోన్‌ల గురించి కంపెనీ లాంచ్‌కు ముందు ఫ్లిప్‌కార్ట్‌లోని స్పెష‌ల్‌ మైక్రోసైట్ ద్వారా ఫస్ట్ లుక్‌ని అందిస్తోంది. Poco M7 Pro 5G ఫోన్‌ 6.67-అంగుళాల ఫుల్‌-HD+ డిస్‌ప్లేతో 120Hz అడాప్టివ్ రిఫ్రెష్ రేట్, 92.02 శాతం స్క్రీన్-టు-బాడీ రేషియో, 2,100nits పీక్ బ్రైట్‌నెస్, HDR 10+ సపోర్ట్‌తో లిస్ట్ అవుట్ చేయ‌బ‌డింది. డిస్‌ప్లే కార్నింగ్ గొరిల్లా గ్లాస్ 5 ప్రొటెక్షన్, TUV ట్రిపుల్ సర్టిఫికేషన్, SGC ఐ కేర్ సర్టిఫికేషన్‌తో వ‌స్తుంది. దీనికి ఇన్- డిస్‌ప్లే ఫింగర్ ప్రింట్ సెన్సార్‌ను అందించారు.

1TB వరకు స్టోరేజ్‌

4GB RAMతో పాటు స్నాప్‌డ్రాగన్ 4s Gen 2 ప్రాసెస‌ర్‌తో Poco C75 5G ఫోన్‌ను రూపొందించారు. ఈ హ్యాండ్‌సెట్ 4GB వరకు టర్బో RAMను అందిస్తోంది. స్పెష‌ల్‌ మైక్రో SD కార్డ్ స్లాట్ ద్వారా 1TB వరకు స్టోరేజ్‌ను పెంచుకోవ‌చ్చు. వృత్తాకార కెమెరా మాడ్యూల్‌తో కొత్త Poco C సిరీస్ ఫోన్‌ను ఆక‌ర్ష‌ణీయంగా డిజైన్ చేశారు.

18W ఛార్జింగ్ సపోర్ట్‌తో

గతంలో వ‌చ్చిన లీక్‌ల‌ను బ‌ట్టీ.. 120Hz రిఫ్రెష్ రేట్‌తో 6.88-అంగుళాల HD+ డిస్‌ప్లేతో Poco C75 5G ఫోన్‌ను రూపొందించారు. ఇది 18W ఛార్జింగ్ సపోర్ట్‌తో 5,160mAh బ్యాటరీ సామ‌ర్థ్యాన్ని క‌లిగి ఉండే అవ‌కాశం ఉంటుంద‌ని మార్కెట్ వ‌ర్గాలు భావిస్తున్నాయి. ఈ హ్యాండ్‌సెట్ 50-మెగాపిక్సెల్ ప్రైమరీ సెన్సార్‌తో కూడిన ట్రిపుల్ రియర్ కెమెరా యూనిట్‌ను కలిగి ఉంటుందని అంచ‌నా వేస్తున్నాయి.