ఇది 2026 వసంతకాలంలో విడుదలయ్యే అవకాశం ఉందని సమాచారం.

సెప్టెంబర్‌లో ఆపిల్ అధికారికంగా iOS 26 ను విడుదల చేసింది. ఈ వెర్షన్‌తో పాటు కంపెనీ తన పూర్తిగా కొత్తగా రూపొందించిన లిక్విడ్ గ్లాస్ యూజర్ ఇంటర్‌ఫేస్‌ను కోట్లాది అర్హత గల ఐఫోన్ వినియోగదారులకు అందుబాటులోకి తీసుకొచ్చింది. అయితే ఇప్పుడు, ఆపిల్‌కు చెందిన ఒక లీకైన ఇంటర్నల్ iOS 26 బిల్డ్ ద్వారా భవిష్యత్తులో రానున్న పలు కీలక ఫీచర్లు, కొత్త డివైసులు మరియు యాక్సెసరీలపై ఆసక్తికర సమాచారం వెలుగులోకి వచ్చింది. ఈ కోడ్‌లో కొత్త AirTag, AirPods, Vision Pro మోడళ్లతో పాటు ఒక కొత్త స్మార్ట్ హోమ్ డివైస్‌కు సంబంధించిన సూచనలు కూడా కనిపిస్తున్నాయి. ఈ లీకైన బిల్డ్ ప్రకారం, రాబోయే కాలంలో Siri, Live Caption వంటి ఫీచర్లకు మరింత మెరుగుదలలు రావచ్చని సంకేతాలు ఉన్నాయి. అంతేకాకుండా, ఆరోగ్యానికి సంబంధించిన కొన్ని ఫీచర్లను “WWDC 2027” అనే ట్యాగ్‌తో కోడ్‌లో పేర్కొనడం గమనార్హం. ఇవి ఆపిల్ దీర్ఘకాలికంగా ప్లాన్ చేస్తున్న హెల్త్ ఫీచర్లకు సూచనలుగా భావిస్తున్నారు. అలాగే, iOS ఆపరేటింగ్ సిస్టమ్‌లో ఉపయోగించే ప్రస్తుత ఫ్రేమ్‌వర్క్‌లకు అప్డేట్లు, కొత్త యాక్సెసిబిలిటీ టూల్స్ కూడా ఇందులో భాగంగా ఉన్నాయి.

MacRumors నివేదిక ప్రకారం, ఒక ఐఫోన్ ప్రోటోటైప్‌లో లభించిన iOS 26 ఫర్మ్‌వేర్‌లో AirTag 2, కొత్త AirPods, అలాగే తదుపరి తరం Apple Vision Pro గురించి స్పష్టమైన సూచనలు ఉన్నాయి. అదనంగా, “J229” అనే కోడ్‌నేమ్‌తో ఒక కొత్త హోమ్ యాక్సెసరీపై ఆపిల్ పనిచేస్తున్నట్లు తెలుస్తోంది. ఇది ఒక హోమ్ హబ్ లేదా స్మార్ట్ కెమెరా అయ్యే అవకాశం ఉందని అంచనా వేస్తున్నారు.

AirTag 2లో బ్లూటూత్ అప్‌గ్రేడ్స్, తక్కువ బ్యాటరీ హెచ్చరికల్లో మెరుగుదల, మరింత ఖచ్చితమైన క్రౌడ్‌సోర్స్‌డ్ లొకేషన్ ట్రాకింగ్ వంటి ఫీచర్లు ఉండవచ్చని కోడ్ సూచిస్తోంది. “Phone_Finding”, “Watch_Finding” వంటి స్ట్రింగ్‌లు కొత్త ఫంక్షనాలిటీలకు సంకేతంగా ఉన్నాయి. అదే సమయంలో AirPodsకు కంటెక్స్టువల్ రిమైండర్స్, కన్వర్జేషన్ బ్రేక్ త్రూ, విజువల్ లుకప్, రూమ్ అవేర్ కంట్రోల్స్ వంటి కొత్త ఫీచర్లు జోడించవచ్చని తెలుస్తోంది. Vision Proలో “AUSM Enhanced Room Spatializer” అనే ఫీచర్ ఉండే అవకాశం ఉంది. ఇది 2026 వసంతకాలంలో విడుదలయ్యే అవకాశం ఉందని సమాచారం.

iOS 26.4 అప్డేట్‌కు సంబంధించిన లీకైన కోడ్ ఆధారంగా, iOS 26తో పాటు iOS 27లో కూడా పలు కొత్త ఫీచర్లు వచ్చే అవకాశం ఉందని నివేదిక చెబుతోంది. Health+ అనే సబ్‌స్క్రిప్షన్ సర్వీస్ 2026 వసంతకాలంలో ప్రారంభమయ్యే అవకాశం ఉంది. ఇది AI ఆధారిత ఆరోగ్య సూచనలను అందించనుందని తెలుస్తోంది. అలాగే Live Captions, AutoFillUI, Freeform వంటి ప్రస్తుత ఫీచర్లకు అదనపు సామర్థ్యాలు రావచ్చు.

Journal, Wallet, Photos యాప్‌లకు కూడా మెరుగుదలలు ప్రణాళికలో ఉన్నాయని సమాచారం. Siriకి AI ఆధారిత అప్‌గ్రేడ్స్ 2026 వసంతకాలంలో అందుబాటులోకి రావచ్చని అంచనా. అంతేకాకుండా, WWDC 2027 కోసం ట్యాగ్ చేసిన కొన్ని హెల్త్ ఫీచర్లు నిద్ర ట్రాకింగ్‌ను ఐప్యాడ్, మాక్ వంటి ఇతర డివైసులకు విస్తరించనున్న సూచనలు ఇస్తున్నాయి.

యాక్సెసిబిలిటీ పరంగా లైవ్ క్యాప్షన్స్, బ్యాక్ గ్రౌండ్ సౌండ్స్, వాయిస్ ఓవర్ వంటి ఫీచర్లకు macOS సపోర్ట్ రావచ్చు. Magnifierలో అనౌన్స్ స్టైర్స్, ఫైండ్ మై ఐటమ్, హ్యూమన్ హ్యాండ్ ఫోజ్ వంటి కొత్త ఫీచర్లు ఉండే అవకాశం ఉంది. CallKitలో Push-to-Talk, Mail యాప్‌లో CatchUpHighlightsV2, Podcastsలో కొత్త CarPlay మరియు అనువాద ఫీచర్లు కూడా కోడ్‌లో కనిపించాయి.