అలాగే 3 నెలల వరకు నో-కాస్ట్ EMI సదుపాయం కూడా కంపెనీ అందిస్తోంది.

OPPO తన A-సిరీస్‌లో భాగంగా OPPO A6 5G స్మార్ట్‌ఫోన్‌ను భారత మార్కెట్‌లో అధికారికంగా విడుదల చేసింది. గత ఏడాది వచ్చిన A5 5Gకి కొనసాగింపుగా రూపొందిన ఈ మోడల్, డిజైన్‌, పనితీరు, బ్యాటరీ సామర్థ్యం మరియు డ్యూరబిలిటీ విషయంలో గణనీయమైన అప్‌గ్రేడ్స్‌తో వచ్చింది. ముఖ్యంగా IP66, IP68, IP69 ట్రిపుల్ IP రేటింగ్ ఉండటం వల్ల, నీటి జెట్లు, పూర్తిగా నీటిలో ముంచడం, అలాగే 80°C వరకు ఉన్న వేడి నీటినీ ఈ ఫోన్ సురక్షితంగా తట్టుకుంటుందని కంపెనీ తెలిపింది. OPPO A6 5Gలో 6.75 అంగుళాల HD+ LCD డిస్‌ప్లే అందించారు. 120Hz రిఫ్రెష్ రేట్ వల్ల స్క్రోలింగ్‌, గేమింగ్ మరియు వీడియో వీక్షణ స్మూత్‌గా ఉంటుంది. అలాగే 1125 నిట్స్ పీక్ బ్రైట్‌నెస్ సపోర్ట్ ఉండటం వల్ల బయటి వెలుతురులో కూడా స్క్రీన్ స్పష్టంగా కనిపిస్తుంది.

పనితీరు విషయానికి వస్తే, OPPO A6 5Gలో MediaTek Dimensity 6300 (6nm) ప్రాసెసర్ ను ఉపయోగించారు. ఇందులో 2 Cortex-A76 కోర్‌లు 2.4GHz వేగంతో, 6 Cortex-A55 కోర్‌లు 2GHz వేగంతో పనిచేస్తాయి. గ్రాఫిక్స్ కోసం Arm Mali-G57 MC2 GPU అందించారు. కంపెనీ వివరాల ప్రకారం, ఇందులో ఉన్న 3900mm² వెపర్ చాంబర్ కూలింగ్ సిస్టమ్ వల్ల భారీ గేమ్స్‌ను గంటల పాటు ఆడినా ఫోన్ అధికంగా వేడెక్కదని OPPO చెబుతోంది.

ఫోటోగ్రఫీ విభాగంలో ఈ ఫోన్ మంచి సెటప్‌తో వచ్చింది. వెనుక భాగంలో 50 మెగాపిక్సెల్ ప్రధాన కెమెరా (f/1.8)తో పాటు 2 మెగాపిక్సెల్ మోనోక్రోమ్ కెమెరా (f/2.4) ఉంది. సెల్ఫీలు మరియు వీడియో కాల్స్ కోసం ముందు భాగంలో 8 మెగాపిక్సెల్ కెమెరా (f/2.0) అందించారు. రోజువారీ ఫోటోగ్రఫీకి ఇది సరిపడే ఫలితాలను ఇస్తుందని కంపెనీ తెలిపింది.

ఈ ఫోన్‌లో మరో ప్రధాన ఆకర్షణ 7000mAh భారీ బ్యాటరీ. ఒకసారి ఛార్జ్ చేస్తే దీర్ఘకాలం బ్యాటరీ బ్యాక్‌అప్ అందించేలా దీన్ని రూపొందించారు. అలాగే 45W SUPERVOOC ఫాస్ట్ ఛార్జింగ్ సపోర్ట్ ఉండటం వల్ల తక్కువ సమయంలోనే ఛార్జ్ అవుతుంది. OPPO ప్రకారం, ఈ డివైస్‌ను 5 సంవత్సరాల డ్యూరబిలిటీ లక్ష్యంగా తయారు చేశారు.

సాఫ్ట్‌వేర్ పరంగా, OPPO A6 5Gలో Android 15 ఆధారిత ColorOS 15 ప్రీ-ఇన్‌స్టాల్ అయి వస్తుంది. భద్రత కోసం సైడ్ మౌంటెడ్ ఫింగర్‌ప్రింట్ సెన్సార్ అందించారు. డిజైన్ పరంగా ఫోన్ కొలతలు 166.6 × 78.5 × 8.6 మిమీ, బరువు 216 గ్రాములు. కనెక్టివిటీ విషయంలో 5G SA / NSA సపోర్ట్‌తో పాటు, భారతదేశానికి అవసరమైన 5G బ్యాండ్స్, డ్యూయల్ 4G VoLTE, Wi-Fi 802.11 ac, Bluetooth 5.4, GPS మరియు USB Type-C పోర్ట్ ఉన్నాయి.

OPPO A6 Pro 5G (A6 5G సిరీస్) సకురా పింక్, ఐస్ వైట్, సాప్హైర్ బ్లూ కలర్ ఆప్షన్‌లలో లభిస్తుంది. ధరలు: 4GB + 128GB వేరియంట్ రూ.17,999, 6GB + 128GB వేరియంట్ రూ.19,999, 6GB + 256GB వేరియంట్ రూ.21,999. ఈ ఫోన్ OPPO ఆన్‌లైన్ స్టోర్‌తో పాటు రిటైల్ స్టోర్లలో అందుబాటులో ఉంది. లాంచ్ ఆఫర్లుగా రూ.1000 ఇన్‌స్టంట్ క్యాష్‌బ్యాక్ మరియు 3 నెలల నో-కాస్ట్ EMI సదుపాయం కల్పించారు..