7,050mAh బ్యాటరీ.. స్నాప్‌డ్రాగన్ 8 ఎలైట్ జెన్ 5! ఒప్పో ఫైండ్ X9 ఆల్ట్రా ఫీచర్లు చూస్తే మైండ్ బ్లాక్ అవ్వాల్సిందే..!

ఒప్పో ప్రియులకు అదిరిపోయే శుభవార్త వచ్చేసింది. టెక్ ప్రపంచంలో సంచలనం సృష్టించడానికి సిద్ధమవుతున్న ఒప్పో ఫైండ్ X9 అల్ట్రా త్వరలోనే భారత మార్కెట్లోకి అడుగుపెట్టనుంది. ఇప్పటివరకు కేవలం చైనా మార్కెట్లకు మాత్రమే పరిమితమైన అల్ట్రా వేరియంట్‌ను ఈసారి గ్లోబల్ మార్కెట్‌తో పాటు నేరుగా మన ఇండియాకు కూడా తీసుకురావాలని కంపెనీ ఫిక్స్ అయింది. దీనికి సంబంధించి బ్యూరో ఆఫ్ ఇండియన్ స్టాండర్డ్స్ వెబ్‌సైట్‌లో ఈ ఫోన్ మోడల్ నంబర్ కనిపించడం ఇప్పుడు సోషల్ మీడియాలో హాట్ టాపిక్‌గా మారింది. ఈ స్మార్ట్‌ఫోన్ రాకతో ప్రీమియం ఫోన్ల మార్కెట్‌లో పోటీ మరింత రసవత్తరంగా మారనుంది. ముఖ్యంగా కెమెరా విషయంలో రాజీ పడని యూజర్లకు ఇదొక అద్భుతమైన ఆప్షన్‌గా నిలవబోతోంది.

టెక్ వర్గాల సమాచారం ప్రకారం CPH2841 అనే మోడల్ నంబర్‌తో ఈ ఫోన్ రిజిస్టర్ అయింది. మార్చి 27వ తేదీనే దీనికి అధికారికంగా అనుమతులు లభించాయి. అంటే మనం ఊహించిన దానికంటే వేగంగానే ఈ స్మార్ట్‌ఫోన్ మన చేతుల్లోకి వచ్చే అవకాశం ఉంది. ఒప్పో సంస్థ అధికారికంగా తేదీని ప్రకటించకపోయినప్పటికీ ఏప్రిల్ 20వ తేదీన చైనాతో పాటు గ్లోబల్ మార్కెట్లలో లాంచ్ కావచ్చని లీకులు వస్తున్నాయి. గతంలో అల్ట్రా మోడల్స్ ఇండియాకు రాకపోవడంతో నిరాశ చెందిన ఫ్యాన్స్‌కు ఈ వార్త పెద్ద రిలీఫ్ అని చెప్పవచ్చు. ఈ ఫోన్ లాంచ్ అయితే మార్కెట్‌లో ఉన్న దిగ్గజ ఫోన్లకు గట్టి పోటీ ఎదురుకావడం ఖాయంగా కనిపిస్తోంది.

ఈ స్మార్ట్‌ఫోన్ ప్రధానంగా శామ్సంగ్ గెలాక్సీ S26 అల్ట్రా, ఐఫోన్ 17 ప్రో మాక్స్ వంటి టాప్ ఎండ్ ఫోన్లతో ఢీకొట్టబోతోంది. షియోమీ 17 అల్ట్రాకు కూడా ఇది గట్టి పోటీదారుగా నిలుస్తుంది. ఫ్లాగ్‌షిప్ కేటగిరీలో తన పట్టు నిరూపించుకోవడానికి ఒప్పో అన్ని రకాల అత్యాధునిక ఫీచర్లను ఇందులో జోడించింది. డిజైన్ పరంగా కూడా చాలా ప్రీమియం లుక్‌తో ఉండబోతున్నట్లు తెలుస్తోంది. యూజర్లు కోరుకునే వేగం, కెమెరా క్వాలిటీ, బ్యాటరీ లైఫ్ వంటి అన్ని అంశాల్లోనూ ఈ ఫోన్ కొత్త బెంచ్‌మార్క్ సెట్ చేస్తుందని టెక్ నిపుణులు భావిస్తున్నారు. ఇండియన్ మార్కెట్లోకి ఈ రేంజ్ ఫోన్ రావడం మొబైల్ ఫోటోగ్రఫీ ప్రేమికులకు పండగే అని చెప్పాలి.

కెమెరాల విషయానికి వస్తే ఒప్పో ఫైండ్ X9 అల్ట్రా ఒక విజువల్ వండర్ లాంటిది. ఇందులో ఏకంగా 200 మెగాపిక్సెల్ ప్రైమరీ కెమెరాను అమర్చినట్లు సమాచారం. దీనితో పాటు 200 మెగాపిక్సెల్ టెలిఫోటో లెన్స్ ఉండటం విశేషం. జూమ్ విషయానికి వస్తే ఎటువంటి ఎక్స్టర్నల్ కిట్స్ అవసరం లేకుండానే 10x ఆప్టికల్ జూమ్ ఇచ్చే 50 మెగాపిక్సెల్ టెలిఫోటో కెమెరాను కంపెనీ ధృవీకరించింది. అంతేకాకుండా 50 మెగాపిక్సెల్ అల్ట్రావైడ్ కెమెరా, సెల్ఫీల కోసం మరో 50 మెగాపిక్సెల్ ఫ్రంట్ కెమెరా ఉండబోతున్నాయి. అంటే రీల్స్ చేసే వారికి, ఫోటోగ్రాఫర్లకు ఇదొక కెమెరా ల్యాబ్ లాగా ఉపయోగపడుతుంది. డీటెయిలింగ్ విషయంలో ఈ ఫోన్ అస్సలు తగ్గదని అర్ధమవుతోంది.

పర్ఫార్మెన్స్ పరంగా చూస్తే క్వాల్కమ్ నుంచి రాబోతున్న అత్యంత శక్తివంతమైన స్నాప్‌డ్రాగన్ 8 ఎలైట్ జెన్ 5 చిప్‌సెట్‌ను ఇందులో వాడుతున్నారు. భారీ టాస్క్‌లు, హై ఎండ్ గేమింగ్ చేసే వారికి ఇది స్మూత్ ఎక్స్‌పీరియన్స్ ఇస్తుంది. దీనికి తోడు 16GB వరకు ర్యామ్, 1TB వరకు ఇంటర్నల్ స్టోరేజ్ ఉండటం వల్ల మెమరీ సమస్య అనేది ఉండదు. బ్యాటరీ విషయంలో కూడా ఒప్పో సరికొత్త రికార్డు సృష్టించబోతోంది. ఏకంగా 7,050mAh భారీ బ్యాటరీని ఇందులో అమర్చారు. ఇంత పెద్ద బ్యాటరీని ఛార్జ్ చేయడానికి 80W ఫాస్ట్ ఛార్జింగ్ సపోర్ట్ కూడా ఉంది. అంటే ఒక్కసారి ఛార్జ్ చేస్తే రోజుల తరబడి ఫోన్ వాడుకోవచ్చన్నమాట.

ప్రస్తుతం ఉన్న ట్రెండ్ ప్రకారం ఆర్టిఫిషియల్ ఇంటెలిజెన్స్ ఫీచర్లు కూడా ఈ ఫోన్‌లో పుష్కలంగా ఉండబోతున్నాయి. ఫోటో ఎడిటింగ్ నుంచి మొదలుకొని రోజువారీ పనుల వరకు AI సాయం తీసుకోవచ్చు. ధర విషయంలో కూడా ఈ ఫోన్ ప్రీమియం రేంజ్‌లోనే ఉండే అవకాశం ఉంది. ఒకవేళ ఏప్రిల్ నెలాఖరులో ఇది లాంచ్ అయితే మే నెల కల్లా భారతీయ వినియోగదారులకు అందుబాటులోకి వచ్చే ఛాన్స్ ఉంది. టెక్నాలజీని అమితంగా ఇష్టపడే వారికి, బెస్ట్ కెమెరా ఫోన్ కావాలనుకునే వారికి ఒప్పో ఫైండ్ X9 అల్ట్రా ఒక డ్రీమ్ ఫోన్ లాంటిది. దీనికి సంబంధించిన మరిన్ని వివరాల కోసం కంపెనీ ఇచ్చే అఫీషియల్ అనౌన్స్‌మెంట్ వరకు వేచి చూడాల్సిందే.