నవంబర్ 25 చైనా మార్కెట్‌లోకి గ్రాండ్‌గా Oppo Reno 13 సిరీస్ లాంచ్ కాబోతోంది.. కాన్ఫిగరేషన్స్‌ ఇవే..

నవంబర్ 25 చైనా మార్కెట్‌లోకి గ్రాండ్‌గా Oppo Reno 13 సిరీస్ లాంచ్ కాబోతోంది.. కాన్ఫిగరేషన్స్‌ ఇవే..

Photo Credit: Oppo

Oppo Reno 13 బటర్‌ఫ్లై పర్పుల్ కలర్‌వేలో వస్తుందని నిర్ధారించబడింది

ముఖ్యాంశాలు
  • Oppo Reno 13 సిరీస్ బేస్, ప్రో వేరియంట్‌ల‌లో రావచ్చు
  • Oppo Reno 13 16GB RAM వరకు స‌పోర్ట్ చేస్తుంది
  • Oppo Pad 3, Oppo Enco R3 Pro TWS ఇయర్‌ఫోన్స్‌ ఈ ఫోన్‌లతో పాటు విడుద‌ల‌
ప్రకటన

త్వ‌ర‌లోనే Oppo Reno 13 సిరీస్ చైనాలో లాంచ్ చేసేందుకు కంపెనీ స‌న్నాహాలు చేస్తోంది. అక్క‌డి దేశీయ మార్కెట్‌లో ఈ లైనప్ లాంచ్‌ తేదీని కంపెనీ ప్ర‌క‌టించింది. స్మార్ట్‌ఫోన్‌కు సంబంధించిన‌ డిజైన్, RAM, స్టోరేజ్ కాన్ఫిగరేషన్‌లతోపాటు సింగిల్ కలర్‌వేని కూడా వెల్ల‌డించింది. ఈ సిరీస్ బేస్ మోడల్, ప్రో వేరియంట్‌ను కలిగి ఉంటుందని మార్కెట్ వ‌ర్గాలు భావిస్తున్నాయి. ఈ సిరీస్ ఇప్ప‌టికే విజ‌య‌వంతంగా విడుద‌లైన Oppo Reno 12, Reno 12 Pro స్మార్ట్ ఫోన్‌ల కంటే అప్‌డేటెడ్‌గా వ‌స్తోంది. అలాగే, రాబోయే హ్యాండ్‌సెట్‌లలో ఒకటి బెంచ్‌మార్కింగ్ వెబ్‌సైట్‌లో దాని చిప్‌సెట్‌తో స‌హా ప్ర‌త్య‌క్ష‌మ‌య్యింది. ఈ లైనప్ గ్లోబల్ లాంచ్ టైమ్‌లైన్ కూడా టిప్‌స్టర్ ద్వారా లీక్ అయ్యింది. మ‌రెందుకు ఆల‌స్యం.. ఈ Oppo Reno 13 సిరీస్‌కు సంబంధించిన కీల‌క‌మైన విష‌యాల‌ను చూసేద్దామా..

చైనాలో నవంబర్ 25న..

Oppo తన‌ కంపెనీ Weibo పోస్ట్‌లో వెల్ల‌డించిన దాని ప్రకారం.. Oppo Reno 13 సిరీస్ చైనాలో నవంబర్ 25న సాయంత్రం 7 గంటలకు (సాయంత్రం 4:30 IST) బటర్‌ఫ్లై పర్పుల్ కలర్‌వేలో అందుబాటులోకి రానున్నాయి. అయితే, లాంచ్‌కు ముందు ఈ సిరిస్‌లోని ఇత‌ర రంగులు బ‌య‌ట‌కు తెలిసే అవ‌కాశం ఉంది. అంతేకాదు, Oppo Pad 3, Oppo Enco R3 Pro TWS ఇయర్‌ఫోన్‌లు ఈ స్మార్ట్ ఫోన్‌లతో పాటు విడుద‌ల కానున్నాయి. ఇది క‌చ్చితంగా ఈ సిరీస్‌కు అద‌న‌పు ఆక‌ర్ష‌ణ‌గా నిలుస్తుంద‌ని కంపెనీ వ‌ర్గాలు భావిస్తున్నాయి.

భార‌త్‌లో సిరీస్‌ విడుద‌ల ఎప్పుడంటే..

Oppo Reno 13 సిరీస్‌లో Oppo చైనా ఈ-స్టోర్ లిస్టింగ్ జాబితాలో RAM, స్టోరేజ్ కాన్ఫిగరేషన్‌లలో వ‌రుస‌గా 12GB + 256GB, 12GB + 512GB, 16GB + 256GB, 16GB + 512GB, 16GB + 1TB మొత్తం ఐదు వేరియంట్‌ల‌లో అందుబాటులో ఉండ‌నుంది. అంతేకాదు, X వినియోగ‌దారుడు @chunvn8888 పోస్ట్ ద్వారా Oppo Reno 13 సిరీస్ 2025 జనవరిలో గ్లోబ‌ల్ మార్కెట్‌లో లాంచ్ అవుతుందని వెల్ల‌డించారు. అలాగే, Oppo Reno 13 హ్యాండ్‌సెట్‌లు అదే సమయంలో భార‌త్‌లోనూ విడుద‌ల కావ‌చ్చ‌ని అంచ‌నా వేస్తున్నారు.

ఆ కాన్ఫిగరేషన్‌ల బ‌ట్టీ చూస్తే..

Oppo Reno 13 సిరీస్‌లోని vanilla, ప్రో రెండు వేరియంట్‌లు కూడా MediaTek డైమెన్సిటీ 8300 ప్రాసెస‌ర్‌ అమర్చబడి ఉండ‌నున్నాయి. అలాగే, ప్రత్యేకించి Oppo Reno 13 Pro స్మార్ట్ ఫోన్‌ MediaTek డైమెన్సిటీ 8350 ప్రాసెస‌ర్‌ కలిగి ఉండొచ్చ‌ని గ‌తంలో వ‌చ్చిన లీక్‌ల ఆధారంగా అంచ‌నా వేస్తున్నారు. ఇంతలో, Oppo Reno 13 Pro చైనీస్ వెర్షన్‌గా భావించే PKK110 మోడల్ నంబర్‌తో Oppo హ్యాండ్‌సెట్ గీక్‌బెంచ్‌లో ప్ర‌త్య‌క్ష‌మైంది. CPU, GPU కాన్ఫిగరేషన్‌ల బ‌ట్టీ ఇది MediaTek డైమెన్సిటీ 8300 ప్రాసెస‌ర్‌ను కలిగి ఉండవచ్చని సూచిస్తున్నాయి. అంతేకాదు, ఈ స్మార్ట్ ఫోన్‌ 16GB RAMకి సపోర్ట్ చేస్తుందని, ఆండ్రాయిడ్ 15పై రన్ అవుతుందని ప్ర‌చారంలో ఉంది.

Retrieving data. Wait a few seconds and try to cut or copy again.

Comments
Facebookలో షేర్‌ Gadgets360 Twitter Shareట్వీట్ షేర్ Snapchat రెడ్డిట్ వ్యాఖ్యానించండి

ప్రకటన

ప్రకటన

#తాజా కథనాలు
  1. ఏప్రిల్ 11న భార‌త్‌లో iQOO Z10తో పాటు iQOO Z10X లాంఛ్‌.. డిజైన్‌తోపాటు కీల‌క ఫీచ‌ర్స్ బ‌హిర్గ‌తం
  2. మీడియాటెక్ డైమెన్సిటీ 7400 ప్రాసెస‌ర్‌తో ఇండియాలో అడుగుపెట్టిన Motorola Edge 60 Fusion
  3. ఇండియాలోని ఆరు నగరాల్లో ఈ ఏడాది డాల్బీ సినిమాను లాంఛ్ చేయ‌నున్న‌ డాల్బీ లాబొరేటరీస్
  4. Vivo Y300 Pro+, Vivo Y300t మోడ‌ల్స్ చైనాలో లాంఛ్‌.. ధ‌ర‌తోపాటు స్పెసిఫికేష‌న్స్ ఇవే
  5. ఇండియాలో లాంఛ్ అయిన Infinix Note 50X 5G.. ధర, స్పెసిఫికేషన్స్ మీకోసం
  6. రాబిన్‌హుడ్ OTT విడుదల తేదీ కూడా సిద్ధ‌మైందా.. చిత్ర యూనిట్ ఏం చెబుతోందంటే..
  7. Realme GT 7 లాంఛ్‌ టైమ్‌లైన్‌తోపాటు Realme GT 8 Pro స్పెసిఫికేషన్స్ బ‌హిర్గ‌తం
  8. ఆపిల్‌తో పాటు Qualcomm కూడా 2nm నోడ్ ఆధారంగా స్నాప్‌డ్రాగన్ ప్రాసెస‌ర్‌ల‌ను లాంఛ్ చేయ‌నుందా
  9. 11.5-అంగుళాల LCD స్క్రీన్‌తో మ‌లేషియాలో లాంఛ్ అయిన Honor Pad X9a
  10. ఆండ్రాయిడ్‌లో మోషన్ ఫోటోలకు స‌పోర్ట్ చేసేలా WhatsApp ప‌ని చేస్తోందా..
© Copyright Red Pixels Ventures Limited 2025. All rights reserved.
Trending Products »
Latest Tech News »