మోడల్ కామోల్లియా పింక్, మాస్టర్ గోల్డ్, మాస్టర్ గ్రే కలర్‌లలో లభించనున్నట్లు లీక్‌లు సూచిస్తున్నాయి

Realme భారత్‌లో తన కొత్త Realme 16 Pro సిరీస్ ను త్వరలోనే విడుదల చేయనున్నట్లు కంపెనీ బుధవారం అధికారికంగా ప్రకటించింది. రాబోయే రోజుల్లో లేదా వారాల్లో ఈ ఫోన్‌లకు సంబంధించిన మరిన్ని వివరాలు, ముఖ్యంగా లాంచ్ తేదీ బయటకు వచ్చే అవకాశం ఉంది. ఈ సిరీస్‌లో Realme 16 Pro మరియు Realme 16 Pro+ అనే రెండు మోడళ్లను తీసుకురావచ్చని అంచనా.ఇప్పటికే ఈ ఫోన్లు పలు సర్టిఫికేషన్ సైట్‌లలో కనిపించాయి. కొత్త Realme 16 Pro మోడల్, గత జూలైలో విడుదలైన Realme 15 Pro 5G కు వారసుడిగా రానున్నట్లు తెలుస్తోంది. ప్రస్తుత సిరీస్‌లో Pro+ వేరియంట్ లేకపోవడం ప్రత్యేకం.కంపెనీ షేర్ చేసిన టీజర్ ఇమేజ్‌లో బంగారు రంగు మధ్య ఫ్రేమ్‌తో ఉన్న సన్నని ఫోన్ ప్రొఫైల్ కనిపించింది. కొంచెం బయటకు వచ్చిన కెమెరా మాడ్యూల్ కూడా గమనించవచ్చు. ఇది Realme 16 Pro సిరీస్‌లోని మోడళ్లలో ఒకటే కావచ్చని భావిస్తున్నారు. తదుపరి రోజుల్లో ఫోన్ల నంబర్, మోడళ్ల పేర్లపై క్లారిటీ ఇవ్వనుంది.

RMX5121 మోడల్ నంబర్‌తో కనిపించిన ఈ ఫోన్, చైనాలోని TENAA మరియు MIIT సర్టిఫికేషన్ సైట్లలో ప్రత్యక్షమైంది. అక్కడ కనిపించిన చిత్రాల ప్రకారం ఫోన్‌లో సూటిగా ఉండే ఫ్లాట్ డిస్‌ప్లే, ఎడమపై మూలలో స్క్వేర్ షేప్ కెమెరా ఐలాండ్ ఉంది. స్పెసిఫికేషన్‌ల విషయానికి వస్తే... 6.78-అంగుళాల 1.5K OLED డిస్‌ప్లే, 144Hz రిఫ్రెష్ రేట్, 2.5GHz ప్రాసెసర్, Android 16 బేస్డ్ Realme UI 7, 200MP బ్యాక్ కెమెరా, 50MP ఫ్రంట్ కెమెరా, 7,000mAh బ్యాటరీ, 80W ఫాస్ట్ ఛార్జింగ్ సపోర్ట్, ఇన్-డిస్‌ప్లే ఫింగర్ ప్రింట్ స్కానర్, IR బ్లాస్టర్, సుమారు 7.75mm మందం, 192 గ్రాముల బరువుతో వస్తుంది. 12GB RAM, 512GB స్టోరేజ్ వరకు వేరియంట్‌లు ఉన్నాయి. గ్రే, గోల్డ్, పర్పుల్ కలర్ ఆప్షన్లులో అందుబాటులో ఉంటుంది.

Realme 16 Pro+ గురించి సమాచారం:

RMX5131 మోడల్ నంబర్‌తో రాబోయే Realme 16 Pro+ వెర్షన్, ఈ సంవత్సరం జనవరిలో వచ్చిన Realme 14 Pro+ 5G కు తరువాతి వెర్షన్‌గా భావిస్తున్నారు. ఈ మోడల్ కామోల్లియా పింక్, మాస్టర్ గోల్డ్, మాస్టర్ గ్రే కలర్‌లలో లభించనున్నట్లు లీక్‌లు సూచిస్తున్నాయి. లాంచ్ తేదీ దగ్గర పడుతున్న కొద్దీ ఈ రెండు ఫోన్‌ల ఫీచర్లను కంపెనీ క్రమంగా బయటపెట్టే అవకాశం ఉంది.