డిసెంబర్ 9న ఇండియ‌న్ మార్కెట్‌లోకి Redmi Note 14 సిరీస్ లాంచ్‌

చైనాలో లాంచ్ అయిన దాదాపు మూడు నెల‌ల త‌ర్వాత‌ Redmi Note 14 సిరీస్ భార‌తీయ మొబైల్ మార్కెట్‌లోకి అడుగుపెడుతోంది. రానున్న డిసెంబర్ 9న ఇది దేశీయ మార్కెట్‌లో విడుద‌ల కానుంది. ఈ స్మార్ట్‌ఫోన్ లైనప్ బేస్, ప్రో, ప్రో+ వేరియంట్‌తో మూడు మోడళ్లల‌లో రానున్న‌ట్లు మార్కెట్ వ‌ర్గాలు అంచ‌నా వేస్తున్నాయి. అయితే, ఈ విడుదల‌కు ముందు Xiaomi ఇండియా టాప్-ఆఫ్-ది-లైన్ Redmi Note 14 ప్రో+ మోడ‌ల్‌కు చెందిన కీల‌క‌ స్పెసిఫికేషన్‌లను బ‌హిర్గ‌తం చేసింది. ఇది చైనీస్ వేరియంట్‌ను పోలిన ఒంపు ఉన్న AMOLED స్క్రీన్, 50-మెగాపిక్సెల్ కెమెరా వంటి స్పెసిఫికేష‌న్స్‌ల‌ను చూపిస్తోంది. మ‌రెందుకు ఆల‌స్యం.. Redmi Note 14 ప్రో+ ప్ర‌త్యేక‌త‌ల‌ను తెలుసుకుందామా.

Xiaomi ఇండియా స్పెష‌ల్‌ మైక్రోసైట్‌

Xiaomi ఇండియా Redmi Note 14 Pro+ స్మార్ట్ ఫోన్‌కు చెందిన‌ వివిధ స్పెసిఫికేషన్‌లను తెలిపేందుకు స్పెష‌ల్‌ మైక్రోసైట్‌ను రూపొందించింది. రాబోయే హ్యాండ్‌సెట్ కార్నింగ్ గొరిల్లా గ్లాస్ విక్టస్ 2 ప్రొట‌క్ష‌న్‌తో ఒంపు తిరిగిన AMOLED స్క్రీన్‌తో వ‌స్తున్న‌ట్లు స్ప‌ష్ట‌మైంది. అలాగే, నలుపు, ఊదా రంగులలో రానున్న‌ట్లు కంపెనీ టీజ్ చేసింది. రెండోది ఆక‌ర్ష‌ణీయ‌మైన లెద‌ర్ ఫినిషింగ్‌తో కనిపిస్తోంది.

50-మెగాపిక్సెల్ టెలిఫోటో కెమెరా

ఇక‌ Redmi Note 14 Pro+ కెమెరా విషయానికి వ‌స్తే.. దీనిని ట్రిపుల్ రియర్ కెమెరా సెటప్‌తో రూపొందించారు. అలాగే, ఆప్టికల్ ఇమేజ్ స్టెబిలైజేషన్ (OIS)తో కూడిన 50-మెగాపిక్సెల్ టెలిఫోటో కెమెరా ద్వారా అందించబడుతోంది. ఇది దుమ్ము, నీటిని నిరోదించ‌డానికి IP68-రేటెడ్ బిల్డ్‌ను కూడా కలిగి ఉంటుంది. అంతేకాదు, త్వ‌ర‌లో రాబోయే ఈ స్మార్ట్ ఫోన్ 20కి పైగా ఆర్టిఫిషియల్ ఇంటెలిజెన్స్ (AI) ఫీచర్లతో వ‌స్తుంద‌ని కంపెనీ విస్తృత ప్ర‌చారం చేస్తోంది. అయితే, ఇందుకు సంబంధించిన వివ‌రాల‌ను మాత్రం ఇంకా వెలువ‌రించ‌లేదు.

120Hz రిఫ్రెష్ రేట్‌తో

ఇప్పటివరకు కంపెనీ వెల్లడించిన డిజైన్‌తోపాటు స్పెసిఫికేషన్‌ల‌ను ప‌రిశీలిస్తే.. ఈ హ్యాండ్‌సెట్ దాని చైనీస్ కౌంటర్‌తో సమానంగానే కనిపిస్తోంది. అయితే, Redmi Note 14 Pro+ చైనీస్ వేరియంట్ 120Hz రిఫ్రెష్ రేట్‌తో 6.67-అంగుళాల OLED స్క్రీన్‌తో అందించారు. అలాగే, ఇది Qualcomm స్నాప్‌డ్రాగన్ 7s Gen 3 ప్రాసెస‌ర్‌తో గరిష్టంగా 16GB RAM, 512GB వరకు ఆన్‌బోర్డ్ స్టోర‌జ్‌ని అటాచ్ చేయ‌బ‌డి ఉంటుంది. ఇది ఈ మోడ‌ల్‌కు ప్ర‌త్యేక‌త‌ను తీసుకు వ‌స్తోందనే చెప్పాలి.

6,200mAh భారీ బ్యాటరీ

ఈ స్మార్ట్ ఫోన్‌లో అందించిన‌ ట్రిపుల్ రియర్ కెమెరా యూనిట్‌లో 50-మెగాపిక్సెల్ లైట్ హంటర్ 900 ప్రైమరీ సెన్సార్, 50-మెగాపిక్సెల్ టెలిఫోటో లెన్స్, 8-మెగాపిక్సెల్ అల్ట్రావైడ్ కెమెరాను అందించారు. అలాగే, హ్యాండ్‌సెట్‌లో సెల్ఫీల కోసం ముందు భాగంలో ప్ర‌త్యేకంగా 20-మెగాపిక్సెల్ ఓమ్నివిజన్ OV20B సెన్సార్‌ను కలిగి ఉంటుంది. ఇది 90W ఫాస్ట్ ఛార్జింగ్ సపోర్ట్‌తో 6,200mAh భారీ బ్యాటరీ సామ‌ర్థ్యంతో వ‌స్తోంది. ఇండియ‌న్ మార్కెట్‌లో ఈ స్మార్ట్ ఫోన్ ధ‌ర‌ల‌తోపాటు ప‌లు ఫీచ‌ర్స్‌కు సంబంధించిన పూర్తి వివ‌రాలు తెలియాలంటే మాత్రం డిసెంబ‌ర్ 9వ‌ర‌కూ చూడాల్సిందే.