వివో నుంచి అదిరిపోయే 5G ఫోన్లు.. 6,500mAh భారీ బ్యాటరీతో వస్తున్న Vivo Y21, Y11 మోడల్స్..!

చైనాకు చెందిన ప్రముఖ స్మార్ట్‌ఫోన్ దిగ్గజం వివో తన వై సిరీస్‌లో భాగంగా రెండు సరికొత్త 5జీ హ్యాండ్‌సెట్‌లను భారత మార్కెట్లోకి ప్రవేశపెట్టేందుకు సిద్ధమవుతోంది. గత నెలలోనే గ్లోబల్ మార్కెట్‌లో సందడి చేసిన వివో వై21 5జీ ,  వివో వై11 5జీ మోడల్స్ ఇప్పుడు ఇండియాలో లాంచ్ కాబోతున్నట్లు టెక్ వర్గాల్లో గట్టి ప్రచారం సాగుతోంది. కంపెనీ నుండి అధికారిక ప్రకటన ఇంకా రానప్పటికీ, ఈ ఫోన్ల ధరలు, కలర్ ఆప్షన్లు, పూర్తి ఫీచర్లు ఆన్‌లైన్‌లో లీక్ అయ్యాయి. నేటి యువత కోరుకునే బడ్జెట్ ధరలో అత్యాధునిక 5జీ కనెక్టివిటీని అందించడమే లక్ష్యంగా ఈ ఫోన్లు రూపుదిద్దుకున్నాయి.

ధరల విషయానికి వస్తే, వివో వై21 5జీ మూడు వేర్వేరు స్టోరేజ్ వేరియంట్లలో అందుబాటులోకి రానుంది. దీని బేస్ వేరియంట్ అంటే 4జీబీ ర్యామ్ + 128జీబీ స్టోరేజ్ ధర సుమారు రూ. 18,499 ఉండొచ్చని అంచనా. అలాగే 6జీబీ + 128జీబీ వేరియంట్ ధర రూ. 20,499 గాను, టాప్ ఎండ్ మోడల్ అయిన 8జీబీ + 128జీబీ ధర రూ. 22,499 గాను నిర్ణయించే అవకాశం ఉంది. ఈ ఫోన్ షాంపైన్ గోల్డ్, మిడ్ నైట్ బ్లూ వంటి ప్రీమియం రంగుల్లో లభిస్తుంది. వివో ఎప్పుడూ తన డిజైన్లతో ఆకట్టుకుంటుంది కాబట్టి, ఈ ఫోన్ కూడా స్టైలిష్ లుక్‌తో యూత్ ని ఆకర్షించనుంది.

మరోవైపు వివో వై11 5జీ మరింత సరసమైన ధరకే లభించే అవకాశం ఉంది. దీని 4జీబీ ర్యామ్ + 64జీబీ స్టోరేజ్ బేస్ మోడల్ ధర కేవలం రూ. 14,999 గా ఉండే అవకాశం ఉండగా, 4జీబీ + 128జీబీ మోడల్ ధర రూ. 16,999 వరకు ఉండొచ్చు. ఈ ఫోన్ మిడ్ నైట్ బ్లూ మరియు సన్‌షైన్ గోల్డ్ షేడ్స్‌లో మెరవనుంది. బడ్జెట్ ధరలో మంచి 5జీ ఎక్స్‌పీరియన్స్ కావాలనుకునే వారికి ఇది ఒక గొప్ప ఆప్షన్‌గా నిలవనుంది. ముఖ్యంగా కాలేజ్ స్టూడెంట్స్ ,  బడ్జెట్ యూజర్లను దృష్టిలో ఉంచుకుని ఈ ధరలను నిర్ణయించినట్లు తెలుస్తోంది.

ఈ రెండు ఫోన్లలోనూ పెర్ఫార్మెన్స్ కోసం శక్తివంతమైన ఆక్టా-కోర్ మీడియాటెక్ డైమెన్సిటీ 6300 చిప్‌సెట్‌ను ఉపయోగించారు. ఇది గేమింగ్, మల్టీ టాస్కింగ్ సమయంలో యూజర్లకు స్మూత్ ఎక్స్‌పీరియన్స్‌ని ఇస్తుంది. డిస్‌ప్లే పరంగా చూస్తే, రెండింటిలోనూ 6.74 అంగుళాల ఎల్‌సీడీ టచ్‌స్క్రీన్లు ఉన్నాయి. ఇవి 120హెర్ట్జ్ రిఫ్రెష్ రేట్‌ను సపోర్ట్ చేస్తాయి, దీనివల్ల స్క్రోలింగ్,  వీడియోలు చూడటం చాలా స్మూత్‌గా ఉంటుంది. అలాగే 1,200 నిట్స్ పీక్ బ్రైట్‌నెస్ కారణంగా ఎండలో కూడా స్క్రీన్ స్పష్టంగా కనిపిస్తుంది. సాఫ్ట్‌వేర్ పరంగా ఇవి లేటెస్ట్ ఆండ్రాయిడ్ 16 ఆధారిత ఆరిజిన్ ఓఎస్ 6 పై పనిచేస్తాయి.

బ్యాటరీ విషయంలో వివో ఏమాత్రం తగ్గలేదు. ఈ రెండు హ్యాండ్‌సెట్‌లలోనూ భారీ 6,500ఎంఏహెచ్ సామర్థ్యం గల బ్యాటరీలను అమర్చారు. ఇంత పెద్ద బ్యాటరీ ఉండటం వల్ల ఒక్కసారి ఛార్జ్ చేస్తే రెండు రోజుల పాటు నిరాటంకంగా వాడుకోవచ్చు. ఛార్జింగ్ స్పీడ్ విషయానికి వస్తే వివో వై21 5జీ మోడల్ 44వాట్ ఫాస్ట్ ఛార్జింగ్‌ను సపోర్ట్ చేస్తుంది, దీనివల్ల ఫోన్ త్వరగా ఫుల్ ఛార్జ్ అవుతుంది. అయితే వివో వై11 5జీ మోడల్ మాత్రం 15వాట్ వైర్డ్ ఛార్జింగ్‌కు మాత్రమే పరిమితం కానుంది. అదనంగా దుమ్ము ,నీటి నుండి రక్షణ కోసం ఈ ఫోన్లకు ఐపి65 రేటింగ్ కూడా ఇచ్చారు.

కెమెరా సెటప్ చూస్తే, వివో వై21 5జీ లో 50 మెగాపిక్సెల్ ప్రైమరీ కెమెరా ఉండగా, వివో వై11 5జీ లో 13 మెగాపిక్సెల్ మెయిన్ కెమెరాను అందించారు. ఈ రెండింటిలోనూ సెకండరీ కెమెరాగా క్యూవీజీఏ షూటర్ ఉంది. సెల్ఫీల కోసం రెండు ఫోన్లలో 5 మెగాపిక్సెల్ ఫ్రంట్ కెమెరాను అమర్చారు. కెమెరా క్వాలిటీ విషయంలో వివో ఎప్పుడూ తనదైన ముద్ర వేస్తుంది కాబట్టి, ఈ బడ్జెట్ ఫోన్లలో కూడా మంచి ఫోటోగ్రఫీని ఆశించవచ్చు. మొత్తంమీద తక్కువ ధరలో భారీ బ్యాటరీ, లేటెస్ట్ సాఫ్ట్‌వేర్, 5జీ కనెక్టివిటీ కావాలనుకునే వారికి ఈ కొత్త వివో వై సిరీస్ ఫోన్లు మంచి ఎంపిక కానున్నాయి.