సాఫ్ట్‌వేర్ పరంగా, Realme 16 Pro+ Android 16 ఆధారిత Realme UI 7తో రన్ అవుతుంది.

FCC లిస్టింగ్‌లో కనిపించిన ఈ ఫోన్ మోడల్ నంబర్ 2512BPNDAGగా ఉంది. ఇదే మోడల్ నంబర్ IMEI డేటాబేస్‌లో కూడా నమోదు అయి ఉండటం విశేషం. ముఖ్యంగా మోడల్ నంబర్ చివర ఉన్న “G” అక్షరం ఇది గ్లోబల్ మార్కెట్ల కోసం రూపొందించిన వేరియంట్ అని స్పష్టంగా తెలియజేస్తోంది.

Written by నవీకరించబడింది: 17 డిసెంబర్ 2025 16:57 IST

సాఫ్ట్‌వేర్ పరంగా, Realme 16 Pro+ Android 16 ఆధారిత Realme UI 7తో రన్ అవుతుంది.

Xiaomi డిసెంబర్ 26న చైనాలో 17 అల్ట్రాను పరిచయం చేయనున్నట్లు పుకార్లు వచ్చాయి.

ముఖ్యాంశాలు

FCC సర్టిఫికేషన్ పొందిన Xiaomi 17 Ultra గ్లోబల్ వేరియంట్
Android 16, HyperOS 3తో ప్రీమియం ఫ్లాగ్‌షిప్ అనుభవం
Snapdragon 8 Elite Gen 5, 1-ఇంచ్ కెమెరాతో టాప్ క్లాస్ ఫీచర్లు

ప్రకటన

షావోమీ తన తదుపరి ఫ్లాగ్‌షిప్ స్మార్ట్‌ఫోన్ Xiaomi 17 Ultraను చైనాలో డిసెంబర్ 26న విడుదల చేయబోతుందనే ప్రచారం ఇప్పటికే టెక్ వర్గాల్లో జోరుగా సాగుతోంది. అయితే, ఈ ఫోన్ చైనా మార్కెట్‌కే పరిమితమవుతుందా? లేక గ్లోబల్ మార్కెట్లకు కూడా వస్తుందా? అనే సందేహం చాలా మందిలో ఉంది. తాజాగా వెలుగులోకి వచ్చిన సమాచారం ప్రకారం, ఈ ఫ్లాగ్‌షిప్ స్మార్ట్‌ఫోన్ అంతర్జాతీయ మార్కెట్లలో కూడా విడుదల కావడం దాదాపు ఖరారైనట్లే కనిపిస్తోంది. షావోమీ అధికారికంగా ఇప్పటివరకు గ్లోబల్ లాంచ్ గురించి ప్రకటించకపోయినా, Xiaomi 17 Ultra గ్లోబల్ వేరియంట్‌కు FCC (Federal Communications Commission) సర్టిఫికేషన్ లభించింది. ఇది ఈ డివైస్ అంతర్జాతీయ మార్కెట్లలోకి అడుగుపెట్టే అవకాశాన్ని బలంగా సూచిస్తోంది. FCC లిస్టింగ్‌లో కనిపించిన ఈ ఫోన్ మోడల్ నంబర్ 2512BPNDAGగా ఉంది. ఇదే మోడల్ నంబర్ IMEI డేటాబేస్‌లో కూడా నమోదు అయి ఉండటం విశేషం. ముఖ్యంగా మోడల్ నంబర్ చివర ఉన్న “G” అక్షరం ఇది గ్లోబల్ మార్కెట్ల కోసం రూపొందించిన వేరియంట్ అని స్పష్టంగా తెలియజేస్తోంది.

సాఫ్ట్‌వేర్ విషయానికి వస్తే, Xiaomi 17 Ultra తాజా Android 16 ఆపరేటింగ్ సిస్టమ్‌తో లాంచ్ కానుంది. దీనిపై షావోమీ సొంత యూజర్ ఇంటర్‌ఫేస్ అయిన HyperOS 3 రన్ అవుతుంది. షావోమీ ఇటీవల తన HyperOSను మరింత స్థిరంగా, వేగంగా తీర్చిదిద్దుతున్న నేపథ్యంలో, ఈ ఫ్లాగ్‌షిప్‌లో స్మూత్ మరియు ప్రీమియం యూజర్ అనుభవం లభించే అవకాశం ఉంది.

కనెక్టివిటీ ఫీచర్ల పరంగా కూడా Xiaomi 17 Ultra ఏ మాత్రం రాజీ పడలేదు. ఈ స్మార్ట్‌ఫోన్‌లో 5G నెట్‌వర్క్ సపోర్ట్, తాజా Wi-Fi 7, Bluetooth LE, అలాగే వైర్‌లెస్ చార్జింగ్ వంటి అత్యాధునిక ఫీచర్లు అందుబాటులో ఉంటాయని FCC డాక్యుమెంట్స్ ద్వారా తెలుస్తోంది. ఇవన్నీ ఈ ఫోన్‌ను భవిష్యత్ అవసరాలకు సరిపోయేలా తయారు చేసినట్లు సూచిస్తున్నాయి.

హార్డ్‌వేర్ విషయానికి వస్తే, ఇప్పటివరకు వచ్చిన లీకులు మరియు రూమర్ల ప్రకారం, Xiaomi 17 Ultra లో Qualcomm Snapdragon 8 Elite Gen 5 ప్రాసెసర్ ఉపయోగించే అవకాశం ఉంది. ఇది క్వాల్‌కామ్ నుంచి వచ్చే అత్యంత శక్తివంతమైన చిప్‌సెట్‌లలో ఒకటిగా భావిస్తున్నారు. గేమింగ్, మల్టీటాస్కింగ్, అలాగే హెవీ అప్లికేషన్‌లను ఈ ఫోన్ చాలా సులభంగా హ్యాండిల్ చేయగలదని అంచనా.

అయితే, Xiaomi Ultra సిరీస్ అంటే అందరికీ గుర్తొచ్చేది కెమెరా సామర్థ్యం. Xiaomi 17 Ultra కూడా ఈ సంప్రదాయాన్ని కొనసాగించనుంది. ఈ ఫోన్‌లో 1-ఇంచ్ టైప్ మెయిన్ కెమెరా సెన్సార్ ఉండొచ్చని టెక్ వర్గాలు చెబుతున్నాయి. ఇది ఫోటోగ్రఫీ, వీడియోగ్రఫీ పరంగా మొబైల్ కెమెరా రంగంలో కొత్త ప్రమాణాలను నెలకొల్పే అవకాశముంది. ముఖ్యంగా తక్కువ వెలుతురు పరిస్థితుల్లో అద్భుతమైన ఫోటోలు తీసే సామర్థ్యం ఇందులో ఉండొచ్చని అంచనా.