1.5-అంగుళాల LTPO డిస్‌ప్లే, Wear OS 5తో OnePlus వాచ్ 3 లాంఛ్‌.. ప్రీ-ఆర్డర్‌కు సిద్ధం

గ్లోబ‌ల్ మార్కెట్‌లోకి OnePlus Watch 3 గ్రాండ్‌గా లాంఛ్ అయ్యింది. ఇది దీని వ‌చ్చిన‌ OnePlus Watch 2ను పోలిని ఫీచ‌ర్స్‌ను అందిస్తోంది. OnePlus Watch 2 ఫిబ్రవరి 2024లో ప్రారంభమైంది. చైనాకు చెందిన OEM నుండి అందించ‌బ‌డిన‌ ఈ కొత్త ఫ్లాగ్‌షిప్ స్మార్ట్‌వాచ్ 1.5-అంగుళాల LTPO స్క్రీన్‌తో వస్తుంది. ఎల్లప్పుడూ ఆన్‌లో ఉండే డిస్‌ప్లే ఫంక్ష‌ణాలిటీకి స‌పోర్ట్ చేస్తుంది. మ‌రింత మెరుగైన ప్రొట‌క్ష‌న్‌తో కొత్త టైటానియం అల్లాయ్ బెజెల్‌లను కూడా అందించారు. ధరించినవారు 60 సెకన్లలోనే త‌మ హెల్త్ చెక‌ప్‌ను నిర్వహించవచ్చు. ఒక్కసారి ఛార్జ్ చేస్తే 5 రోజుల వరకు లైఫ్ ఉంటుంద‌ని కంపెనీ ప్ర‌క‌టించింది.

ప్రీ-ఆర్డర్‌కు సిద్ధంగా

అమెరికాలో OnePlus Watch 3 ధర $329 (దాదాపు రూ. 29,000)గా ఉంది. అంతే కాదు, కంపెనీ $30 (దాదాపు రూ. 2,600) కూపన్ డిస్కౌంట్‌ను అందిస్తోంది. కొనుగోలుదారులు తమ పాత స్మార్ట్ వాచ్‌ను ట్రేడింగ్ చేసేటప్పుడు అదనంగా $50 (దాదాపు రూ. 4,300) తగ్గింపును పొందొచ్చు. ప్రస్తుతం ఇది ప్రీ-ఆర్డర్‌కు సిద్ధంగా ఉంది. డెలివరీలు ఫిబ్రవరి 25 నుండి ప్రారంభమవుతాయి. ఎమరాల్డ్ టైటానియం, అబ్సిడియన్ టైటానియం అనే రెండు రంగులలో విడుదల అయ్యింది.

హైబ్రిడ్ ఆర్కిటెక్చర్

OnePlus Watch 3 1.5-అంగుళాల (460x460 పిక్సెల్స్) LTPO AMOLED స్క్రీన్‌ను కలిగి ఉంటుంది. దీని గరిష్ట బ్రైట్‌నెస్‌ 2,200 నిట్‌ల వ‌ర‌కూ ఉంది. ఈ స్మార్ట్‌వాచ్ MIL-STD-810H సర్టిఫికేట్‌తోపాటు దుమ్ము, నీటి నియంత్ర‌ణ కోసం IP68 రేటింగ్‌ను పొందింది. ఇది 5 ATM లోతు వరకు నీటి నిరోధకతను కలిగి ఉంటుంది. వాచ్ Snapdragon W5 ప్రాసెసర్ ద్వారా శక్తిని గ్ర‌హిస్తుంది. BES2800BP MCUతో పాటు హైబ్రిడ్ ఆర్కిటెక్చర్‌ను కలిగి ఉంది. 32GB ఆన్‌బోర్డ్ మెమరీని అందించారు. Google Wear OS 5, రియల్-టైమ్ ఆపరేటింగ్ సిస్టమ్ (RTOS)పై నడుస్తుంది.

10 ప్రొఫెషనల్ స్పోర్ట్స్ మోడ్‌లతో

హెల్త్, ఫిట్‌నెస్ ట్రాకింగ్ కోసం OnePlus Watch 3 మణికట్టు టెంప‌రేచ‌ర్‌ సెన్సార్, ఆప్టికల్ హార్ట్ రేట్ సెన్సార్, ఆప్టికల్ పల్స్ ఆక్సిమీటర్ సెన్సార్‌తో అమర్చబడి ఉంటుంది. ఇది మనస్సు, శరీరం, రక్తంలో ఆక్సిజన్, నిద్ర, మణికట్టు ఉష్ణోగ్రత, వాస్కులర్ హెల్త్‌ను పర్యవేక్షించడానికి స‌పోర్ట్ చేస్తుంది. OHealth యాప్‌తో Google Health Connect స‌ర్వీస్‌, స్ట్రావా, హెల్త్ ట్రావెల్ ఫీచ‌ర్స్‌ను యాక్సెస్ చేయవచ్చు. 10 ప్రొఫెషనల్ స్పోర్ట్స్ మోడ్‌లతో సహా 100+ స్పోర్ట్స్ మోడ్‌లకు స‌పోర్ట్ చేస్తుంది.

మొబైల్ చెల్లింపులు

ఈ స్మార్ట్‌వాచ్‌లోని కనెక్టివిటీ ఆప్ష‌న్‌ల‌లో డ్యూయల్ బ్యాండ్ L1+L5, బీడౌ, GPS, గెలీలియో, గ్లోనాస్, QZSS ఉన్నాయి. దీనికి డ్యూయల్-బ్యాండ్ Wi-Fi, బ్లూటూత్ 5.2, NFC, బ్లూటూత్ కాలింగ్ కూడా లభిస్తాయి. దీని Google Wallet ఉపయోగించి OnePlus వాచ్ 3తో మొబైల్ చెల్లింపులు చేయవచ్చని కంపెనీ చెబుతోంది. పవర్ సేవర్ మోడ్‌లో ఒకే ఛార్జ్‌తో 16 రోజుల వరకు ఇది పనిచేస్తుందని కంపెనీ స్ప‌ష్టం చేసింది.