యాపిల్‌ ఇంటెలిజెన్స్‌ ప్రధాన ఆక‌ర్ష‌ణ‌గా iPhone 16 మ‌రియు iPhone 16 Plusలు విడుద‌ల‌

ప్ర‌ముఖ‌ టెక్‌ దిగ్గజం యాపిల్‌ iPhone 16 సిరీస్‌ను భార‌త్‌తో స‌హా ప‌లు దేశాల‌లో విడుదల చేసింది. తాజా హార్ట్‌వేర్ లాంచ్ ఈవెంట్‌లో iPhone 16, iPhone 16 Plusలను కంపెనీ ప్రారంభించింది. ఈ స్మార్ట్‌ఫోన్‌ల‌లో యాపిల్‌ ఇంటెలిజెన్స్‌ ప్రధాన ఆకర్షణగా నిలుస్తుంద‌ని కంపెనీ చెబుతోంది. ఈ 16 సిరీస్ ఫోన్‌లు ఏ18 చిప్‌తో అందుబాటులోకి రానున్నాయి. గ‌త మోడ‌ల్స్ మాదిరిగానే డ్యూయల్ వెనుక కెమెరా సెటప్‌తో అమర్చబడి ఉంటాయి. అలాగే, iPhone 16, iPhone 16 Plusలు గత సంవత్సరం గ‌త సంవ‌త్స‌రం మార్కెట్‌లోకి విడుద‌లైన iPhone 15 ప్రో మోడల్‌లతో వచ్చిన యాక్షన్ బటన్, కొత్త కెమెరా కంట్రోల్ బటన్‌ను కూడా కలిగి ఉన్నాయి.

iPhone 16 ధర $799 (దాదాపు రూ. 67,100)గా కంపెనీ నిర్ణ‌యించింది. అయితే, iPhone 16 Plus బేస్ 128GB వేరియంట్ ధ‌ర మాత్రం $899 (సుమారు రూ. 75,500) వద్ద ప్రారంభమవుతుంది. ఈ రెండు ఫోన్‌లు గరిష్టంగా 512GB స్టోరేజీతో అందుబాటులో ఉన్నాయి. బ్లాక్, పింక్, టీల్, అల్ట్రామెరైన్, వైట్ కలర్ ఆప్షన్‌లలో సంద‌డి చేయ‌నున్నాయి. ప్రీ-ఆర్డర్‌లు సెప్టెంబర్ 13న ప్రారంభమవుతుండ‌గా, సెప్టెంబర్ 20న అమ్మ‌కాలు మొద‌ల‌వుతాయి.

న్యూరల్ ఇంజన్‌తో..

కొత్తగా లాంచ్ అయిన‌ iPhone 16 డ్యూయల్ సిమ్ (US: eSIM, వరల్డ్‌వైడ్: Nano+eSIM)తో iOS 18లో ర‌న్ అవుతుంది. 6-కోర్ CPU, 5-కోర్ GPU ఫీచర్లతో 3nm ఆక్టా-కోర్ A18 ప్రాసెస‌ర్‌ ద్వారా శక్తిని పొందుతూ 16-కోర్ న్యూరల్ ఇంజన్‌తో వ‌స్తుంది. Apple iPhone 16ను 6.1-అంగుళాల సూపర్ రెటినా XDR OLED డిస్‌ప్లేతో రూపొందించారు. ఇది 2,000 నిట్స్ గరిష్ట బ్రైట్‌నెస్‌, అప్‌గ్రేడ్ చేసిన సిరామిక్ షీల్డ్ ప్రొటెక్షన్, డైనమిక్ ఐలాండ్‌తో వ‌స్తుంది. దుమ్ము, నీటి నిరోధకత కోసం IP68 రేటింగ్‌ను కలిగి ఉంది.

ట్యాప్ లేదా స్లయిడ్‌తో జూమ్

iPhone 16 Plus స్టాండర్డ్ మోడల్ మాదిరిగా అదే స్పెసిఫికేషన్‌లను కలిగి ఉంది. అయితే, ఇది 6.7-అంగుళాల సూపర్ రెటినా XDR OLED డిస్‌ప్లేతో వ‌స్తుంది. ఈ ఫోన్‌లు iPhone 15 ప్రో సిరీస్ నుండి వ‌చ్చిన యాక్షన్ బటన్‌తో పాటు కుడి వైపున కొత్త కెమెరా కంట్రోల్ బటన్‌తో వ‌స్తుంది. వినియోగ‌దారులు ఒక ట్యాప్ లేదా స్లయిడ్‌తో జూమ్ చేయడానికి, ఫొటోల‌ను క్లిక్ చేయడానికి, వీడియోను రికార్డ్ చేయడానికి రెండోదాన్ని వినియోగించొచ్చు.

48-మెగాపిక్సెల్ వైడ్ యాంగిల్ కెమెరా

ఈ కొత్త హ్యాండ్‌సెట్‌లు 48-మెగాపిక్సెల్ వైడ్ యాంగిల్ కెమెరాతో 2x ఇన్-సెన్సర్ జూమ్, f/1.6 ఎపర్చరుతో ఉంటాయి. ఇవి 12-మెగాపిక్సెల్ అల్ట్రావైడ్ కెమెరాను f/2.2 ఎపర్చరు, ఆటోఫోకస్‌తో కలిగి ఉంటాయి. అల్ట్రావైడ్ కెమెరా మాక్రో ఫోటోగ్రఫీని కూడా ఎనేబుల్ చేస్తుంది. సెల్ఫీలు, వీడియో కాలింగ్ కోసం ముందు భాగంలో 12-మెగాపిక్సెల్ TrueDepth కెమెరా ఉంది. 5G, 4G LTE, Wi-Fi 6E, బ్లూటూత్, GPS, NFC, USB టైప్-సి పోర్ట్ ఉన్నాయి.