చైనా మార్కెట్‌లోకి OnePlus Ace 5 Pro, OnePlus Ace 5లు వ‌చ్చేశాయి.. ధ‌ర ఎంతంటే

చైనాలో OnePlus Ace 5 Pro, OnePlus Ace 5 హ్యాండ్‌సెట్‌లు లాంచ్ అయ్యాయి. ఈ కొత్త OnePlus Ace సిరీస్ స్మార్ట్ ఫోన్‌లు గరిష్టంగా 16GB RAM, 1TB వరకు స్టోరేజీతో వ‌స్తున్నాయి. ఇవి 1.5K రిజల్యూషన్‌తో 6.78-అంగుళాల డిస్‌ప్లేలను కలిగి ఉన్నాయి. అలాగే, ప్రో మోడల్ స్నాప్‌డ్రాగన్ 8 ఎలైట్ ఎక్స్‌ట్రీమ్ ఎడిషన్ ప్రాసెస‌ర్‌ ద్వారా శక్తిని గ్ర‌హిస్తుండ‌గా, Ace 5 మోడ‌ల్ మాత్రం స్నాప్‌డ్రాగన్ 8 Gen 3 ప్రాసెస‌ర్‌తో వ‌స్తోంది. 50-మెగాపిక్సెల్ ప్రైమరీ సెన్సార్‌తో కూడిన ట్రిపుల్ రియర్ కెమెరా సెటప్‌ను అందించారు. ఈ రెండూ చైనాలో కొనుగోలు చేసేందుకు ఇప్ప‌టికే అందుబాటులోకి వ‌చ్చాయి.

చైనాలో ధ‌ర‌లు ఇలా

చైనాలో OnePlus Ace 5 Pro మోడ‌ల్‌ 12GB RAM + 256GB స్టోరేజ్ వేరియంట్ ధ‌ర CNY 3,399 (దాదాపు రూ. 39,000)గా ఉంది. అలాగే, 16GB + 1TB మోడల్‌ల ధర CNY 4,699 (దాదాపు రూ. 54,000)గా నిర్ణ‌యించారు. ఇది స్టార్రీ పర్పుల్, సబ్‌మెరైన్ బ్లాక్, వైట్ మూన్ పోర్సిలైన్-సిరామిక్ కలర్ ఆప్షన్‌లలో ల‌భిస్తుంది. అలాగే, OnePlus Ace 5 మోడ‌ల్‌ 12GB + 256GB వేరియంట్ ధ‌ర‌ CNY 2,299 (దాదాపు రూ. 26,000), 16GB + 1TB మోడల్ ధ‌ర CNY 3,499 (దాదాపు రూ. 40,000)గా ఉంది.ఇది ఫుల్ బ్లాక్, సెలాడాన్-సిరామిక్ స్పెషల్ ఎడిషన్, గ్రావిటేషనల్ టైటానియం షేడ్స్‌లో ల‌భిస్తుంది.

కెమెరా విష‌యానికి వ‌స్తే

రెండూ OIS స‌పోర్ట్‌తో 50-మెగాపిక్సెల్ ప్రైమరీ సెన్సార్‌తో కూడిన ఒకేలాంటి ట్రిపుల్ రియర్ కెమెరా సెటప్‌ను కలిగి ఉన్నాయి. ఈ కెమెరా సెటప్‌లో ఆటోఫోకస్‌తో కూడిన 8-మెగాపిక్సెల్ సెకండరీ సెన్సార్, 2-మెగాపిక్సెల్ మాక్రో సెన్సార్ కూడా ఉన్నాయి. సెల్ఫీలు, వీడియో కాల్స్‌ కోసం భాగంలో 16-మెగాపిక్సెల్ సెన్సార్‌తో రూపొందించారు. కనెక్టివిటీ ఆప్ష‌న్‌ల‌ను చూస్తే 5G, 4G LTE, Wi-Fi 7, బ్లూటూత్ 5.4, Beidou, GLONASS, గెలీలియో, GPS, NFCలు ఉన్నాయి.

ఇన్-డిస్‌ప్లే ఫింగర్‌ప్రింట్ సెన్సార్‌

ఈ హ్యాండ్‌సెట్‌లు ఇన్-డిస్‌ప్లే ఫింగర్‌ప్రింట్ సెన్సార్‌తో వ‌స్తున్నాయి. రెండు మోడల్‌లు IP65-రేటెడ్ బిల్డ్‌ను అందిస్తున్నాయి. OnePlus Ace 5 Proలో OnePlus 100W SuperVOOC ఫాస్ట్ ఛార్జింగ్‌కు స‌పోర్ట్‌తో 6,100mAh బ్యాటరీని అందించారు. ఇది కేవలం 35 నిమిషాల్లో బ్యాటరీని సున్నా నుండి 100 శాతానికి నింపుతుంది. 161.72x75.77x8.14mm ప‌రిమాణంలో 203 గ్రాములు బ‌రువుతో వ‌స్తుంది.

14 గంటల ఛార్జింగ్ సామ‌ర్థ్యం

OnePlus Ace 5 మోడ‌ల్‌ 6,400mAh బ్యాటరీని 80W ఫాస్ట్ ఛార్జింగ్ సపోర్ట్‌తో వ‌స్తుంది. ఒక్క ఛార్జ్‌పై బ్యాటరీ 14 గంటలపాటు నిరంతర TikTok లాంటి వీడియోల‌ను చూసే సమయాన్ని అందిస్తుంది. ఈ హ్యాండ్‌సెట్ 161.72x75.77x8.02mm ప‌రిమాణంతో 207 గ్రాముల బరువుతో వ‌స్తుంది. రెండింటిలోనూ డ్యూయల్-సిమ్ (నానో) Android 15లో ColorOS 15.0తో రన్ అవుతున్నాయి. ఈ హ్యాండ్‌సెట్‌లను మెటల్ మిడిల్ ఫ్రేమ్, గ్లాస్ బ్యాక్‌తో రూపొందించారు.