Magic UI 10.0 ఆధారంగా Android 16 ఆపరేటింగ్ సిస్టమ్‌పై ఈ ఫోన్ పనిచేస్తుంది.

HONOR తన Magic8 సిరీస్‌లో తాజా ఫ్లాగ్‌షిప్ స్మార్ట్‌ఫోన్‌ను చైనా మార్కెట్‌లో అధికారికంగా ఆవిష్కరించింది. కంపెనీ ముందుగానే చెప్పినట్టుగా విడుదలైన HONOR Magic8 Pro Air, డిజైన్‌, పనితీరు, కెమెరా టెక్నాలజీ, బ్యాటరీ సామర్థ్యం అన్నింటిలోనూ ప్రీమియమ్ ఫ్లాగ్‌షిప్ అనుభవాన్ని అందించడమే లక్ష్యంగా రూపొందించబడింది. MediaTek Dimensity 9500 ప్రాసెసర్‌తో పనిచేసే ఈ ఫోన్, ప్రస్తుతం మార్కెట్‌లో ఉన్న అత్యంత తేలికైన ఫ్లాగ్‌షిప్ స్మార్ట్‌ఫోన్‌గా ప్రత్యేక గుర్తింపును సొంతం చేసుకుంది. కేవలం 155 గ్రాముల బరువుతో పాటు 6.1 మిల్లీమీటర్ల సన్నని బాడీతో HONOR Magic8 Pro Air డిజైన్ పరంగా చాలా ఆకర్షణీయంగా కనిపిస్తుంది. ముందు భాగంలో 6.31 అంగుళాల 1.5K రిజల్యూషన్ కలిగిన LTPO OLED డిస్‌ప్లేను అందించారు. ఈ స్క్రీన్ 1Hz నుంచి 120Hz వరకు అడాప్టివ్ రిఫ్రెష్ రేట్‌ను సపోర్ట్ చేస్తుంది. నాలుగు వైపులా కేవలం 1.08 మిల్లీమీటర్ల సన్నని బెజెల్స్ ఉండటం వల్ల స్క్రీన్-టు-బాడీ రేషియో మరింత మెరుగ్గా కనిపిస్తుంది. HDR10+ సపోర్ట్‌తో పాటు గరిష్టంగా 6000 నిట్స్ వరకు HDR పీక్ బ్రైట్నెస్ ఇవ్వడం వల్ల వెలుతురు ఎక్కువగా ఉన్న పరిస్థితుల్లో కూడా కంటెంట్ స్పష్టంగా కనిపిస్తుంది. కళ్లపై ఒత్తిడి తగ్గించేందుకు 4320Hz హై-ఫ్రీక్వెన్సీ PWM డిమ్మింగ్‌తో పాటు HONOR Oasis ఐ ప్రొటెక్షన్‌కు చెందిన పది ప్రత్యేక ఫీచర్లను ఇందులో చేర్చారు. స్క్రీన్ రక్షణ కోసం Giant Rhino Glass ఉపయోగించారు.

పనితీరు విషయానికి వస్తే, ఈ ఫోన్ 3nm టెక్నాలజీపై తయారైన Octa-Core MediaTek Dimensity 9500 SoCతో పనిచేస్తుంది. Arm Mali-G1 Ultra MC12 GPU గ్రాఫిక్స్ పనితీరును మెరుగుపరుస్తుంది. ఫోన్‌లో 12GB లేదా 16GB LPDDR5X ర్యామ్ ఎంపికలు ఉండగా, 256GB, 512GB లేదా 1TB వరకు UFS 4.0 స్టోరేజ్ ఆప్షన్లు అందుబాటులో ఉన్నాయి. Magic UI 10.0 ఆధారంగా Android 16 ఆపరేటింగ్ సిస్టమ్‌పై ఈ ఫోన్ పనిచేస్తుంది. నానో సిమ్‌తో పాటు eSIM సపోర్ట్ ఉండటంతో డ్యూయల్ సిమ్ వినియోగదారులకు ఇది మరింత అనుకూలంగా ఉంటుంది.

డిజైన్ పరంగా HONOR Magic8 Pro Airకు లగ్జరీ టచ్ ఇచ్చేందుకు, కార్ల తయారీలో వాడే 7-కోట్, 7-బేకింగ్ లైట్ సెన్సింగ్ కోటింగ్ ప్రాసెస్‌ను ఉపయోగించారు. దీని వల్ల ఫోన్‌కు మెటాలిక్ సాటిన్ ఫినిష్ వచ్చింది. ఫెయిరీ పర్పుల్, లైట్ ఆరెంజ్, ఫెదర్ వైట్, షాడో బ్లాక్ రంగుల్లో లభించే ఈ ఫోన్, ఏరోస్పేస్ గ్రేడ్ అల్యూమినియం యూనిబాడీ ఫ్రేమ్‌తో 530MPa బలాన్ని కలిగి ఉంది. IP68, IP69 రేటింగ్‌లతో నీరు, ధూళి నుంచి రక్షణ కూడా అందిస్తుంది. కెమెరా విభాగంలో 50MP మెయిన్ కెమెరా, 50MP అల్ట్రా వైడ్, 64MP పెరిస్కోప్ టెలిఫోటో సెటప్‌తో ఫ్లాగ్‌షిప్ అనుభవాన్ని ఇస్తుంది.

AI Zoom Array Flash, CCD Strobe Portrait Mode వంటి ఫీచర్లతో పోర్ట్రైట్ ఫోటోగ్రఫీలో ప్రత్యేకత చూపిస్తుంది. ముందు భాగంలో 50MP సెల్ఫీ కెమెరా ఉండగా, ముందూ వెనుకా 4K 60fps వీడియో రికార్డింగ్ సపోర్ట్ ఉంది. 6.1mm సన్నని బాడీలోనే 5500mAh సిలికాన్-కార్బన్ బ్యాటరీని అమర్చగా, ఇది 80W వైర్డ్, 50W వైర్‌లెస్ ఫాస్ట్ ఛార్జింగ్‌కు సపోర్ట్ చేస్తుంది. 5G, Wi-Fi 7, Bluetooth 6.0, NFC, డ్యూయల్ స్టీరియో స్పీకర్లతో కనెక్టివిటీ పరంగా కూడా ఇది పూర్తిస్థాయి ఫ్లాగ్‌షిప్. ధరల విషయానికి వస్తే, ఈ ఫోన్ 4999 యువాన్ నుంచి ప్రారంభమై 5999 యువాన్ వరకు ఉంటుంది. ప్రస్తుతం చైనాలో ఆర్డర్లకు అందుబాటులో ఉండగా, జనవరి 23 నుంచి విక్రయాలు ప్రారంభం కానున్నాయి.