Deep Think మోడల్ ఇంకా భద్రతా పరిశీలన దశలో ఉన్నప్పటికీ, దాని పనితీరు మరింత శక్తివంతంగా ఉండనున్నట్లు తెలుస్తోంది

జియో ఈ నిర్ణయం తీసుకోవడం వెనుక ఉద్దేశ్యం స్పష్టంగా ఉంది. దేశవ్యాప్తంగా ఆధునిక AI టూల్స్‌ను మరింత మందికి చేరవేయడం. Unlimited 5G ప్లాన్ మరియు యాక్టివ్ జియో సిమ్ ఉన్న ఎవరికైనా ఈ ఉచిత సబ్‌స్క్రిప్షన్‌కు అర్హత ఉంటుంది. యాప్‌లో కొన్ని క్లిక్‌లు చేస్తే చాలు, పూర్తి Gemini 3 సామర్థ్యాలతో కూడిన Pro Plan వెంటనే యూజర్లకు అందుబాటులోకి వస్తుంది.

Written by నవీకరించబడింది: 19 నవంబర్ 2025 23:16 IST

Deep Think మోడల్ ఇంకా భద్రతా పరిశీలన దశలో ఉన్నప్పటికీ, దాని పనితీరు మరింత శక్తివంతంగా ఉండనున్నట్లు తెలుస్తోంది

Photo Credit: Jio

జెమినీ 3 సిరీస్ ప్రో నుంచి డీప్ థింక్ వరకు గూగుల్ కీలక అప్‌గ్రేడ్లు అందించింది

ముఖ్యాంశాలు

*Gemini 3 ప్రో ప్లాన్ అన్ని Unlimited 5G యూజర్లకు ఉచితం
రూ.35,100 విలువైన ప్లాన్ MyJioలో అందుబాటులో
Gemini 3 పనితీరు GPT-5.1 కంటే మెరుగ్గా చెప్పిన గూగుల్

ప్రకటన

జియో తన కృత్రిమ మేధస్సు పరిధిని వేగంగా విస్తరించే దిశగా మరో కీలక నిర్ణయం తీసుకుంది. ఇప్పటివరకు యువతకు మాత్రమే అందుబాటులో ఉన్న జెమినీ ప్రయోజనాలు, ఇప్పుడు ప్రతి Unlimited 5G వినియోగదారికి అందుబాటులోకి వచ్చాయి. గూగుల్ తాజాగా పరిచయం చేసిన Gemini 3 మోడల్ సపోర్ట్‌తో అప్‌గ్రేడ్ చేసిన Jio Gemini Pro Plan‌ను 18 నెలల పాటు పూర్తిగా ఉచితంగా అందించబోతున్నట్టు కంపెనీ ప్రకటించింది. సాధారణంగా రూ.35,100 విలువ చేసే ఈ ప్లాన్‌ను వినియోగదారులు MyJio యాప్‌లో “Claim Now” ద్వారా నవంబర్ 19, 2025 నుంచి యాక్టివేట్ చేసుకోవచ్చు.

ఇక గూగుల్ పరిచయం చేసిన Gemini 3 సిరీస్ ఇప్పటికే టెక్ ప్రపంచంలో ప్రత్యేక దృష్టిని ఆకర్షిస్తోంది. Gemini 3 Pro నుంచి మరింత శక్తివంతమైన Gemini 3 Deep Think మోడల్ వరకు, ప్రతి వెర్షన్‌లో గూగుల్ గణనీయమైన అభివృద్ధులను తీసుకొచ్చింది. మెరుగైన తార్కిక సామర్థ్యం, సుదీర్ఘ సంభాషణలు, వేగవంతమైన కోడింగ్ సపోర్ట్, గణిత సమస్యలపై అధిక ఖచ్చితత్వం, ఇంకా స్వయంచాలక ఏజెంట్‌ల మాదిరిగా పనిచేసే సామర్థ్యాలు ఇవన్నీ ఈ కొత్త సిరీస్ ప్రత్యేకతలు.

గూగుల్ విడుదల చేసిన అంతర్గత పరీక్షల ప్రకారం, Gemini 3 Pro పనితీరు తన పూర్వ మోడళ్లను మాత్రమే కాకుండా GPT-5.1, Claude 4.5 Sonnet వంటి ప్రముఖ AI మోడళ్లను కూడా పలు బెంచ్‌మార్క్‌లలో దాటేసింది. ముఖ్యంగా reasoning టెస్టుల్లో రికార్డు స్థాయి స్కోర్లు సాధించినట్లు కంపెనీ వెల్లడించింది. Deep Think మోడల్ ఇంకా భద్రతా పరిశీలన దశలో ఉన్నప్పటికీ, దాని పనితీరు మరింత శక్తివంతంగా ఉండనున్నట్లు తెలుస్తోంది.

జియో ఈ జెమినీ 3 ఇంటిగ్రేషన్‌ను అమలు చేయడం, రాబోయే కాలంలో AI ఆధారిత సేవలకు భారతీయ వినియోగదారుల ప్రాప్యతను విస్తరించే పెద్ద అడుగుగా కనిపిస్తోంది. నిత్యం ఉపయోగించే యాప్‌లు, సెర్చ్, డెవలప్మెంట్ టూల్స్ వంటి విభాగాల్లో AI అనుభవాన్ని అందరికీ చేరవేయాలన్న లక్ష్యంతో జియో ఈ మార్పుని తీసుకువచ్చింది.