Magic V5తో పోలిస్తే 1,000mAhకు పైగా ఎక్కువ కావడం విశేషం

Written by నవీకరించబడింది: 23 జనవరి 2026 11:58 IST

Photo Credit: Honor

Honor Magic V6లో Snapdragon 8 Elite Gen 5, 200MP కెమెరా ఉండవచ్చు అంటున్నారు

ముఖ్యాంశాలు

Magic V6లో 7,150mAh టిపికల్ బ్యాటరీ ఉండే అవకాశం, ఫోల్డబుల్ సెగ్మెంట్లో ర
Snapdragon 8 Elite Gen 5 చిప్, 200MP ప్రైమరీ కెమెరాతో రావచ్చని లీకులు
గత తరం కంటే సన్నగా, తేలికగా డిజైన్, MWC 2026లో అధికారిక ఆవిష్కరణ

ప్రకటన

Honor సంస్థ అధికారికంగా MWC 2026 ఈవెంట్లో పాల్గొననున్నట్లు ధృవీకరించింది. మార్చి 2 నుంచి 5 వరకు స్పెయిన్లోని బార్సిలోనాలో జరిగే ఈ ప్రముఖ టెక్ ఈవెంట్లో Honor తన తాజా ఇన్నోవేషన్లను ప్రదర్శించనుంది. ఈ సందర్భంగా Honor Robot Phoneతో పాటు కొత్త ఫోల్డబుల్ ఫ్లాగ్షిప్ Magic V6ను కూడా ఆవిష్కరించనుందని కంపెనీ వెల్లడించింది. ముఖ్యంగా Magic V6, గత తరం Magic V5 జూలై 2025లో లాంచ్ కాగా, దానికంటే చాలా ముందుగానే మార్కెట్లోకి రావడం గమనార్హం.

ఇదిలా ఉండగా, Magic V6 గురించి లీకులు ఇప్పటికే ఇంటర్నెట్లో చక్కర్లు కొడుతున్నాయి. ప్రముఖ టిప్స్టర్ Experience More షేర్ చేసిన స్క్రీన్షాట్ ప్రకారం, ఈ ఫోల్డబుల్ ఫోన్లో ఇప్పటివరకు ఏ ఫోల్డబుల్లోనూ లేనంత భారీ బ్యాటరీ ఉండే అవకాశముందని తెలుస్తోంది. చైనాలోని 3C అథారిటీ సర్టిఫికేషన్ ప్రకారం, టాప్ వేరియంట్లో 7,000mAh రేటెడ్ డ్యూయల్-సెల్ బ్యాటరీ ఉండొచ్చని, దాని టిపికల్ కెపాసిటీ సుమారు 7,150mAhగా ఉండే అవకాశం ఉందని సమాచారం. ఇది Magic V5తో పోలిస్తే 1,000mAhకు పైగా ఎక్కువ కావడం విశేషం.

ఇతర వేరియంట్లలో 6,700mAh రేటెడ్ బ్యాటరీ, సుమారు 6,850mAh టిపికల్ కెపాసిటీ ఉండొచ్చని టిప్స్టర్లు చెబుతున్నారు. ఈ స్థాయి బ్యాటరీలతో Honor ప్రస్తుతం వివిధ ప్రొడక్ట్ క్యాటగిరీల్లో బ్యాటరీ కెపాసిటీ పరంగా మార్కెట్లో ముందంజలో ఉన్నట్టు కనిపిస్తోంది. ఇంకా Weiboలో ప్రముఖ టెక్ లీకర్ DCS వెల్లడించిన వివరాల ప్రకారం, Honor Magic V6 ఫోల్డబుల్ ఫోన్లలో తొలిసారిగా Snapdragon 8 Elite Gen 5 చిప్సెట్ను ఉపయోగించే అవకాశముంది. ఫోటోగ్రఫీ విషయానికి వస్తే, ఇందులో 200 మెగాపిక్సెల్ ప్రైమరీ కెమెరా ఉండొచ్చని అంచనా.

ఆశ్చర్యకరమైన విషయం ఏమిటంటే, భారీ బ్యాటరీ ఉన్నప్పటికీ Magic V6 గత తరం కంటే మరింత సన్నగా, తేలికగా ఉండొచ్చని DCS పేర్కొంటున్నారు. ఉదాహరణకు Magic V5 ఫోల్డ్ చేసినప్పుడు 9.0mm, అన్ఫోల్డ్ చేసినప్పుడు 4.2mm మందంతో ఉండగా, దాని బరువు సుమారు 222 గ్రాములు ఉంది.
Magic V6 మార్కెట్లోకి వచ్చినప్పుడు, అదే సమయంలో లాంచ్ కావచ్చని భావిస్తున్న Oppo Find N6 నుంచి గట్టి పోటీ ఎదురయ్యే అవకాశం ఉంది. Snapdragon 8 Elite Gen 5 చిప్, 200MP ట్రిపుల్ కెమెరా సెటప్, 6,000mAhకు పైగా బ్యాటరీతో Oppo కూడా ఫోల్డబుల్ సెగ్మెంట్లో పెద్ద దూకుడు ఇవ్వడానికి సిద్ధంగా ఉంది. మొత్తంగా చూస్తే, 2026 ఫోల్డబుల్ మార్కెట్ మరింత ఆసక్తికరంగా మారబోతోంది.