మొత్తం మీద, OnePlus అభిమానులకు ఈ రోజు ఎంతో కీలకంగా మారనుంది.

OnePlus కంపెనీ తన కొత్త ఫ్లాగ్‌షిప్ స్మార్ట్‌ఫోన్ OnePlus 15 ను చైనాలో అక్టోబర్ 27న అధికారికంగా ఆవిష్కరించనుంది. అదే వేదికపై OnePlus ace 6 కూడా పరిచయమవుతోంది. అయితే లాంచ్‌కు కొన్ని గంటల ముందే ఈ రెండు ఫోన్ల ధరలు ఇంటర్నెట్‌లో లీక్‌ అయ్యాయి. తాజాగా వచ్చిన నివేదిక ప్రకారం, OnePlus 15 నాలుగు ర్యామ్‌ మరియు స్టోరేజ్‌ వేరియంట్లలో అందుబాటులో ఉండనుంది. అత్యంత ప్రీమియం మోడల్‌ 16GB RAM, 1TB స్టోరేజ్‌ వేరియంట్‌ కాగా, OnePlus ace 6 మాత్రం గరిష్టంగా 16GB RAM మరియు 512GB స్టోరేజ్‌తో రాబోతుందని సమాచారం.

లీక్‌ అయిన ధరల వివరాలు:

Gizmochina వెబ్‌సైట్‌ తెలిపిన ప్రకారం, OnePlus 15 మరియు OnePlus ace 6 ధరలు చైనీస్ మైక్రోబ్లాగింగ్ ప్లాట్‌ఫామ్‌ Weibo లో ముందుగానే బయటపడ్డాయి. లీక్‌ ప్రకారం, OnePlus 15 16GB + 256GB వేరియంట్‌ ధర CNY 4,299 (భారత కరెన్సీ ప్రకారం సుమారు రూ.53,100)గా ఉండొచ్చు. 16GB + 512GB వేరియంట్‌ ధర CNY 4,899 (సుమారు రూ. 60,600)గా, ఇక 16GB + 1TB టాప్ ఎండ్ మోడల్‌ ధర CNY 5,399 (సుమారు రూ.66,700)గా ఉండే అవకాశం ఉంది.

మరోవైపు, OnePlus ace 6 12GB + 512GB వేరియంట్‌ CNY 3,099 (సుమారు రూ.38,300)కి, 16GB + 512GB మోడల్‌ CNY 3,399 (సుమారు రూ.42,000)కి లభించవచ్చని లీక్‌ పేర్కొంది. ఈ రెండు మోడళ్లకు 12GB + 256GB అనే బేస్ వేరియంట్‌ కూడా ఉండొచ్చని చెబుతున్నారు, అయితే దాని ధర వివరాలు ఇంకా వెల్లడికాలేదు.

ఆశ్చర్యకరమైన విషయం ఏమిటంటే . ఈ లీక్‌ ధరలు గతంలో వచ్చిన రూమర్ల కంటే చాలా తక్కువగా ఉన్నాయి. OnePlus 15 యొక్క 16GB + 512GB వేరియంట్‌ యుకేలో GBP 949 (భారత కరెన్సీలో సుమారు రూ. 1,11,000)గా ఉండొచ్చని సమాచారం. మరో నివేదికలో మాత్రం భారత మార్కెట్లో OnePlus 15 బేస్ వేరియంట్‌ ధర రూ.70,000 – రూ.75,000 మధ్య ఉండవచ్చని పేర్కొనబడింది.

OnePlus 15 లాంచ్‌ ఈరోజు చైనాలో సాయంత్రం 7 గంటలకు జరుగనుంది. ఈ ఈవెంట్‌లో ఫోన్ యొక్క పూర్తి ధరల వివరాలు, అధికారిక స్పెసిఫికేషన్లు, అలాగే మార్కెట్లో లభ్యతపై స్పష్టత రానుంది. మొత్తం మీద, OnePlus అభిమానులకు ఈ రోజు ఎంతో కీలకంగా మారనుంది. లీక్‌ వివరాలు నిజమైతే, OnePlus 15 తన ధరతో పాటు స్పెసిఫికేషన్ల పరంగా కూడా ఫ్లాగ్‌షిప్ ఫోన్ మార్కెట్లో గట్టి పోటీని ఇవ్వనుంది.