ఆ పోస్ట్‌పై వచ్చిన కామెంట్లలో చాలా మంది యూజర్లు “240Hz రిఫ్రెష్ రేట్ అవసరమేనా?” అనే ప్రశ్నలతో స్పందించారు.

వన్‌ప్లస్ 15 విడుదలకు సమయం దగ్గరపడుతుండగానే, దాని తరువాతి మోడల్‌ గురించి పుకార్లు ఇప్పటికే సోషల్ మీడియాలో చక్కర్లు కొడుతున్నాయి. తాజాగా వచ్చిన ఒక రిపోర్ట్ ప్రకారం, భవిష్యత్తులో వన్‌ప్లస్ స్మార్ట్‌ఫోన్‌లో 240Hz రిఫ్రెష్ రేట్ డిస్ప్లే ఉండవచ్చని చెబుతోంది. ఇది వన్‌ప్లస్ 15లో ఉపయోగించబోయే 165Hz ప్యానెల్ కంటే పెద్ద అప్‌గ్రేడ్‌గా భావించవచ్చు. దీని వల్ల యాప్‌ల మధ్య స్వైప్ చేయడం, ఫీడ్స్ స్క్రోల్ చేయడం, గేమ్స్ ఆడటం వంటి పనులు మరింత స్మూత్‌గా, సులభంగా అనిపించవచ్చు. వన్‌ప్లస్ లీక్‌లలో ఖచ్చితమైన సమాచారం ఇస్తాడని పేరు గాంచిన యూజర్ @OnePlusClub ఇటీవల ఒక పోస్ట్‌లో ఈ అప్‌కమింగ్ డిస్‌ప్లే అప్‌గ్రేడ్ గురించి వివరించాడు. ఆ పోస్టు ప్రకారం, కంపెనీ లక్ష్యం అధిక రిజల్యూషన్‌తో పాటు 240Hz డైనమిక్ రిఫ్రెష్ రేట్ కలిగిన స్క్రీన్‌ను అందించడం. “వచ్చే సంవత్సరాల్లో వన్‌ప్లస్ లక్ష్యం స్పష్టంగా ఉంది. అధిక రిజల్యూషన్‌తో పాటు 240Hz రిఫ్రెష్ రేట్‌ను సమతౌల్యంగా తీసుకురావడం,” అని ఆ పోస్ట్‌లో పేర్కొనబడింది.

వన్‌ప్లస్ ఇప్పటివరకు తన ఫ్లాగ్‌షిప్ ఫోన్‌లలో రిఫ్రెష్ రేట్‌ను 120Hz నుండి 165Hzకి పెంచింది. అయితే దానికి బదులుగా స్క్రీన్ రిజల్యూషన్‌ను 2K నుండి 1.5Kకి తగ్గించింది. ఈ రాజీని భవిష్యత్తులో నివారించాలన్నదే కంపెనీ తాజా ప్రయత్నం అని తెలుస్తోంది.

ఆ లీక్‌లో ఏ మోడల్‌లో ఈ 240Hz రిఫ్రెష్ రేట్‌ను ప్రవేశపెడతారో స్పష్టంగా చెప్పకపోయినా, PhoneArena అంచనా ప్రకారం అది వచ్చే సంవత్సరం విడుదలయ్యే OnePlus 16 మోడల్‌లో ఉండే అవకాశం ఉంది.

సాధారణంగా అధిక రిఫ్రెష్ రేట్ ఉన్నప్పుడు యూజర్ ఇంటర్‌ఫేస్‌లో నావిగేషన్ చాలా ఫ్లూయిడ్‌గా ఉంటుంది. స్క్రోలింగ్, యాప్‌ల మధ్య స్వైపింగ్, గేమింగ్ అనుభవం మరింత స్పందనీయంగా మారుతుంది. కానీ దీని ప్రతిఫలంగా బ్యాటరీ త్వరగా ఖర్చవడం కూడా సహజమే.

ఆ పోస్ట్‌పై వచ్చిన కామెంట్లలో చాలా మంది యూజర్లు “240Hz రిఫ్రెష్ రేట్ అవసరమేనా?” అనే ప్రశ్నలతో స్పందించారు. మరికొందరు మాత్రం “కెమెరా సెక్షన్‌లో కూడా అప్‌గ్రేడ్ అవసరముంది” అని అభిప్రాయపడ్డారు.

ఇక వన్‌ప్లస్ 15 విషయానికి వస్తే, కంపెనీ ఇందులో తన సొంత DetailMax Engine టెక్నాలజీని ప్రవేశపెడుతోంది. ఈ ఫోన్‌లో మూడు 50 మెగాపిక్సెల్ కెమెరాలు ఉన్నప్పటికీ, అవి వన్‌ప్లస్ 13లో ఉన్న సెన్సార్‌ల కంటే చిన్నవిగా ఉన్నాయని చెబుతున్నారు. దీనివల్ల కెమెరా క్వాలిటీ తగ్గిందేమో అనే అనుమానాలు వినిపిస్తున్నాయి. నిజంగా అది డౌన్‌గ్రేడ్ అవుతుందా? అనే విషయంపై స్పష్టత కోసం వేచి చూడాల్సిందే.