చైనాలో Reno 15 మోడల్ స్టార్ లైట్ బౌ, అరోరా బ్లూ, కానెలె బ్రౌన్ అనే మూడు రంగులలో అమ్మకానికి రానుందని సమాచారం

OPPO తన కొత్త Reno 15 సిరీస్ను నవంబర్ 17న చైనాలో ఆవిష్కరించేందుకు సిద్ధంగా ఉంది. అయితే, తాజా రిపోర్టుల ప్రకారం గ్లోబల్ మార్కెట్లకు, ముఖ్యంగా భారతదేశానికి వచ్చే Reno 15 మరియు Reno 15 Pro మోడళ్లలో చైనా వెర్షన్తో పోలిస్తే కొన్ని స్వల్ప మార్పులు ఉండే అవకాశముందని తెలుస్తోంది. భారత్లో ఈ సిరీస్ విడుదల 2026 ఫిబ్రవరిలో జరిగే అవకాశముందని టిప్స్టర్ యోగేష్ బ్రార్ వెల్లడించారు. ధర విషయానికి వస్తే, స్టాండర్డ్ Reno 15 మోడల్ను సుమారు రూ.43,000 పరిధిలోకి తీసుకురావచ్చని అనుమానం వ్యక్తం చేస్తున్నారు, ఇది అప్పర్ మిడ్-రేంజ్ కేటగిరీలో పోటీని పెంచే అవకాశం ఉంది.

గ్లోబల్ వెర్షన్ Reno 15 లో Qualcomm Snapdragon 7 Gen 4 ప్రాసెసర్ను ఉపయోగించనున్నారని సమాచారం, ఇది చైనా వెర్షన్లో ఉండే MediaTek Dimensity 8450 చిప్సెట్తో పోలిస్తే స్పష్టమైన మార్పు కనిపిస్తుంది. ఈ ఫోన్ Android 16 ఆధారంగా పనిచేసే ColorOS 16తో వస్తుందని తెలుస్తోంది. డిస్ప్లే విషయానికి వస్తే, Reno 15 లో 6.59 అంగుళాల OLED స్క్రీన్, 1.5K రిజల్యూషన్, 120Hz రిఫ్రెష్ రేట్ అందించనుందని, ఈసారి స్క్రీన్ బెజెల్లు మరింత సన్నగా ఉండి డిజైన్ను మరింత ఆకర్షణీయంగా మార్చనున్నట్లు టిప్స్టర్లు తెలిపారు.

కెమెరా సెక్షన్లో కూడా Reno 15 ఆసక్తికరమైన సెటప్తో రానుందని అంచనా. ఇందులో 50 మెగాపిక్సెల్ ప్రధాన కెమెరా, 8 మెగాపిక్సెల్ అల్ట్రావైడ్ లెన్స్, అలాగే 50 మెగాపిక్సెల్ టెలిఫోటో కెమెరా 3.5x ఆప్టికల్ జూమ్తో ఉండొచ్చని చెబుతున్నారు. సెల్ఫీల కోసం 50 మెగాపిక్సెల్ ఫ్రంట్ కెమెరాను ఉపయోగించే అవకాశం ఉంది. పెద్ద హార్డ్వేర్ మార్పుల కంటే, కెమెరా ఫ్లెక్సిబిలిటీపై ఒప్పో ఎక్కువ దృష్టి పెట్టినట్లు కనిపిస్తోంది.

బ్యాటరీ సామర్థ్యంలో కూడా Reno 15 పెద్ద అప్గ్రేడ్ను అందించే అవకాశం ఉంది. ఈ ఫోన్లో 6,500mAh బ్యాటరీ, 80W SuperVOOC ఫాస్ట్ ఛార్జింగ్ సపోర్ట్ ఉంటుందని లీకులు పేర్కొంటున్నాయి. అలాగే ఇన్-డిస్ప్లే ఫింగర్ప్రింట్ సెన్సార్, Wi-Fi 7, NFC వంటి ఆధునిక ఫీచర్లు కూడా అందుబాటులో ఉండే అవకాశం ఉంది.

చైనాలో Reno 15 మోడల్ స్టార్ లైట్ బౌ, అరోరా బ్లూ, కానెలె బ్రౌన్ అనే మూడు రంగులలో అమ్మకానికి రానుందని సమాచారం. అలాగే విభిన్న RAM మరియు స్టోరేజ్ కాన్ఫిగరేషన్లలో, 12GB నుండి 16GB RAM వరకు, 256GB నుంచి 1TB స్టోరేజ్ వరకు విస్తృత ఆప్షన్లను ఒప్పో అందిస్తోంది. Reno 15 Pro మోడల్ కూడా స్టార్ లైట్ బౌ, కానెలె బ్రౌన్, హనీ గోల్డ్ రంగుల్లో అందుబాటులోకి రానుంది మరియు ఇది కూడా పలు స్టోరేజ్ వెర్షన్లలో లభించనుంది. మొత్తం మీద, ప్రీమియం డిజైన్, కెమెరా ప్రయోగాలు, శక్తివంతమైన బ్యాటరీ ఇవన్నీ కలిసి Reno 15 సిరీస్ భారత్ మార్కెట్లో హాట్ టాపిక్ కానుంది