సెల్ఫీ మిర్రర్, 7,000mAh బ్యాటరీ.. రియల్ మీ 16 5G వచ్చేసింది.. ఫీచర్లు మామూలుగా లేవుగా!

రియల్మీ సంస్థ నుంచి సరికొత్త సంచలనం 'రియల్మీ 16 5G' భారత మార్కెట్లోకి గ్రాండ్‌గా ఎంట్రీ ఇచ్చింది. నేటి తరం యువత అభిరుచులకు తగ్గట్టుగా స్టైలిష్ లుక్ , అదిరిపోయే ఫీచర్లతో ఈ స్మార్ట్‌ఫోన్ డిజైన్ చేయబడింది. ముఖ్యంగా ఈ ఫోన్ వెనుక భాగంలో అమర్చిన 'సెల్ఫీ మిర్రర్' కాన్సెప్ట్ సోషల్ మీడియా ప్రియులను విపరీతంగా ఆకట్టుకుంటోంది. సాధారణంగా మెయిన్ కెమెరాతో సెల్ఫీలు తీసుకోవడం కొంచెం ఇబ్బందిగా ఉంటుంది కానీ ఈ మిర్రర్ ద్వారా వెనుక వైపు ఉన్న 50 మెగాపిక్సెల్ కెమెరాతోనే క్లారిటీగా సెల్ఫీలు క్లిక్ చేసుకోవచ్చు. ఎయిర్ బ్లాక్, ఎయిర్ వైట్ రంగుల్లో లభిస్తున్న ఈ ఫోన్ చూడటానికి చాలా ప్రీమియంగా కనిపిస్తూ ట్రెండీ వైబ్స్ ఇస్తోంది.

పెర్ఫార్మెన్స్ విషయానికి వస్తే ఇందులో మీడియాటెక్ డైమెన్సిటీ 6400 టర్బో చిప్‌సెట్‌ను వాడారు. ఇది గేమింగ్ ప్రియులకు, మల్టీ టాస్కింగ్ చేసే వారికి స్మూత్ ఎక్స్‌పీరియన్స్ అందిస్తుంది. 12జీబీ వరకు ర్యామ్, 256జీబీ స్టోరేజ్ ఆప్షన్లు ఉండటంతో మెమరీ సమస్య అస్సలు ఉండదు. పైగా ఇందులో ఉన్న వేపర్ ఛాంబర్ కూలింగ్ సిస్టమ్ వల్ల ఫోన్ ఎంత వాడినా వేడెక్కకుండా కూల్‌గా ఉంటుంది. ఆండ్రాయిడ్ 16 వెర్షన్‌తో వస్తున్న ఈ ఫోన్‌కు మూడు ఏళ్ల వరకు ఓఎస్ అప్‌డేట్లు ఇస్తామని కంపెనీ చెప్పడం విశేషం. దీనివల్ల ఫ్యూచర్ టెక్నాలజీకి తగ్గట్టుగా మన ఫోన్ అప్‌డేటెడ్‌గా ఉంటుంది.

డిస్‌ప్లే క్వాలిటీ విషయంలో రియల్మీ ఎక్కడా తగ్గలేదు. 6.57 అంగుళాల ఫుల్ హెచ్‌డీ ప్లస్ అమోలెడ్ డిస్‌ప్లేతో సినిమాలు చూడటం లేదా రీల్స్ స్క్రోల్ చేయడం అద్భుతంగా ఉంటుంది. ముఖ్యంగా 4,200 నిట్స్ పీక్ బ్రైట్‌నెస్ ఉండటం వల్ల మండుటెండలో కూడా స్క్రీన్ చాలా స్పష్టంగా కనిపిస్తుంది. 120Hz రీఫ్రెష్ రేట్ వల్ల యూజర్ ఇంటర్‌ఫేస్ చాలా ఫాస్ట్‌గా స్పందిస్తుంది. కేవలం ఎంటర్టైన్మెంట్ మాత్రమే కాదు రక్షణ కోసం ఐపీ69 రేటింగ్‌ను కూడా ఇచ్చారు. అంటే దుమ్ము, నీటి నుండి ఈ ఫోన్‌కు పక్కా ప్రొటెక్షన్ ఉంటుంది కాబట్టి వానలో తడిసినా లేదా పొరపాటున నీళ్లలో పడ్డా టెన్షన్ పడాల్సిన అవసరం లేదు.

Photo Credit: Realme

బ్యాటరీ విషయంలో రియల్మీ 16 5G ఒక మాన్స్టర్ అని చెప్పాలి. ఏకంగా 7,000mAh భారీ బ్యాటరీని ఇందులో అమర్చారు. ఒక్కసారి ఛార్జ్ చేస్తే సుమారు 142 గంటల పాటు మ్యూజిక్ వినేంత పవర్ దీని సొంతం. ఇంత పెద్ద బ్యాటరీ ఉన్నప్పటికీ ఫోన్ బరువు కేవలం 183 గ్రాములు మాత్రమే ఉండటం ఇంజనీరింగ్ అద్భుతమనే చెప్పాలి. 60W ఫాస్ట్ ఛార్జింగ్ సపోర్ట్ ఉండటంతో బ్యాటరీ చాలా వేగంగా ఫుల్ అవుతుంది. అలాగే రివర్స్ ఛార్జింగ్ సదుపాయం కూడా ఉండటం వల్ల అవసరమైతే మీ ఫోన్ ద్వారా ఇతర గ్యాడ్జెట్లను కూడా ఛార్జ్ చేసుకోవచ్చు. లాంగ్ ట్రిప్స్ వెళ్లేవారికి ఈ ఫోన్ ఒక పవర్‌ బ్యాంక్‌లా ఉపయోగపడుతుంది.

కెమెరాల విషయానికి వస్తే వెనుక వైపు 50 మెగాపిక్సెల్ వైడ్ యాంగిల్ లెన్స్‌తో పాటు మరో 2 మెగాపిక్సెల్ మోనోక్రోమ్ సెన్సార్ ఉంది. లో-లైట్ ఫోటోగ్రఫీలో కూడా ఇది అద్భుతమైన రిజల్ట్స్ ఇస్తుంది. ఇక ముందు భాగంలో కూడా 50 మెగాపిక్సెల్ సెల్ఫీ కెమెరా ఉండటం విశేషం. మీరు వ్లాగర్ అయినా లేదా ఫోటో పిచ్చి ఉన్నవారైనా ఈ కెమెరా సెటప్ మీకు ఖచ్చితంగా నచ్చుతుంది. ఇన్-డిస్‌ప్లే ఫింగర్‌ప్రింట్ సెన్సార్, ఫేషియల్ రికగ్నిషన్ వంటి సెక్యూరిటీ ఫీచర్లు కూడా చాలా వేగంగా పనిచేస్తాయి. వైఫై 6, బ్లూటూత్ 5.3 వంటి లేటెస్ట్ కనెక్టివిటీ ఆప్షన్లతో ఈ ఫోన్ టెక్నాలజీ పరంగా టాప్ నాచ్‌లో ఉంది.

ధర విషయానికి వస్తే బేస్ మోడల్ రూ. 31,999 నుంచి ప్రారంభమై టాప్ మోడల్ రూ. 36,999 వరకు ఉంది. ఏప్రిల్ 5 నుంచి ఫ్లిప్‌కార్ట్, రియల్మీ వెబ్‌సైట్‌లో సేల్స్ మొదలవుతాయి. లాంచ్ ఆఫర్ కింద రూ. 2,000 బ్యాంక్ డిస్కౌంట్ లేదా పాత ఫోన్ ఇస్తే రూ. 6,000 వరకు ఎక్స్ఛేంజ్ బోనస్ పొందే అవకాశం ఉంది. నో కాస్ట్ ఈఎంఐ ఆప్షన్లు కూడా అందుబాటులో ఉండటంతో బడ్జెట్ పరంగా ఇది ఒక మంచి డీల్ అనిపిస్తుంది. స్టైల్, పవర్, కెమెరా ఈ మూడు కలిసిన ఒక ప్యాకేజీ కావాలనుకునే యువతకు రియల్మీ 16 5G ఒక బెస్ట్ ఛాయిస్ అని చెప్పవచ్చు.