రెడ్‌మీ నుంచి సరికొత్త 5G ఫోన్.. భారీ డిస్కౌంట్‌తో Redmi Note 15 SE 5G లాంచ్.. ధర ఎంతంటే?

రెడ్‌మీ తన లెటెస్ట్ స్మార్ట్‌ఫోన్ 'రెడ్‌మీ నోట్ 15 SE 5G' ని ఇండియాలో గ్రాండ్‌గా లాంచ్ చేసింది. ఇది రీసెంట్‌గా వచ్చిన నోట్ 15 సిరీస్‌లో ఒక స్పెషల్ ఎడిషన్‌గా మార్కెట్లోకి ఎంట్రీ ఇచ్చింది. టెక్ లవర్స్‌ను ఆకట్టుకునేలా స్టైలిష్ లుక్, అదిరిపోయే కలర్స్ ఇంకా లేటెస్ట్ ఫీచర్లతో ఈ ఫోన్ డిజైన్ చేయబడింది. ముఖ్యంగా మిడ్-రేంజ్ బడ్జెట్‌లో ప్రీమియం ఎక్స్‌పీరియన్స్ కోరుకునే యూత్ కోసం ఈ హ్యాండ్‌సెట్ ఒక క్రేజీ ఆప్షన్ కానుంది. మూడు వేర్వేరు స్టోరేజ్ వేరియంట్లలో లభిస్తున్న ఈ ఫోన్, ఏప్రిల్ 7 నుంచి ఫ్లిప్‌కార్ట్, షియోమీ అఫీషియల్ వెబ్‌సైట్లలో సేల్‌కు రానుంది.

ధరల విషయానికొస్తే, ఈ స్మార్ట్‌ఫోన్ బేస్ వేరియంట్ 6GB RAM + 128GB స్టోరేజ్ ధర రూ. 24,999 గా ఉంది. ఇక 8GB + 128GB మోడల్ రూ. 25,999 కి, అలాగే టాప్ ఎండ్ 8GB + 256GB వేరియంట్ రూ. 27,999 కి అందుబాటులో ఉన్నాయి. అయితే లాంచ్ ఆఫర్లు మాత్రం చాలా క్రేజీగా ఉన్నాయి. ఐసీఐసీఐ బ్యాంక్ కార్డుల మీద రూ. 2,000 ఇన్‌స్టంట్ డిస్కౌంట్‌తో పాటు, కంపెనీ అదనంగా రూ. 4,000 స్పెషల్ ఇంట్రడక్టరీ ఆఫర్‌ను కూడా అందిస్తోంది. అంటే అన్ని ఆఫర్లు కలిపితే ఈ ఫోన్ చాలా తక్కువ ధరకే సొంతం చేసుకోవచ్చు. ఇది కార్బన్ బ్లాక్, క్రిమ్సన్ రిజర్వ్ రెడ్, ఫ్రాస్టెడ్ వైట్ వంటి అదిరిపోయే రంగుల్లో లభిస్తోంది.

డిస్‌ప్లే పరంగా చూస్తే రెడ్‌మీ అస్సలు తగ్గలేదు. ఇందులో 6.77 అంగుళాల కర్వ్‌డ్ అమోలెడ్ ప్యానెల్‌ను అమర్చారు, ఇది ఫోన్‌కు చాలా ప్రీమియం లుక్ ఇస్తుంది. దీని 120Hz రిఫ్రెష్ రేట్ వల్ల గేమింగ్ , స్క్రోలింగ్ చాలా స్మూత్‌గా ఉంటుంది. అలాగే 3,200 నిట్స్ పీక్ బ్రైట్‌నెస్ ఉండటం వల్ల ఎండలో కూడా స్క్రీన్ చాలా స్పష్టంగా కనిపిస్తుంది. కళ్ళకు రక్షణగా ట్యూవీ రైన్‌ల్యాండ్ సర్టిఫికేషన్లు కూడా ఉన్నాయి. అంతేకాకుండా, దుమ్ము,నీటి నుంచి రక్షణ కోసం దీనికి IP65, IP66 రేటింగ్స్ కూడా ఇవ్వడం ఒక పెద్ద ప్లస్ పాయింట్ అని చెప్పవచ్చు.

పెర్ఫార్మెన్స్ విషయంలో క్వాల్కమ్ స్నాప్‌డ్రాగన్ 6 జెన్ 3 చిప్‌సెట్ ఉండటం వల్ల మల్టీ టాస్కింగ్ చాలా స్పీడ్‌గా జరుగుతుంది. ఇది 4nm ప్రాసెసర్ కాబట్టి బ్యాటరీ వినియోగం కూడా చాలా తక్కువగా ఉంటుంది. ఫోన్ ఆపరేటింగ్ సిస్టమ్ విషయానికి వస్తే, ఆండ్రాయిడ్ 15 బేస్డ్ హైపర్‌ఓఎస్ 2 మీద రన్ అవుతుంది. స్టోరేజ్ పెంచుకోవాలనుకునే వారి కోసం 1TB వరకు మైక్రో ఎస్‌డీ కార్డ్ సపోర్ట్ కూడా ఉంది. సెక్యూరిటీ కోసం అండర్ డిస్‌ప్లే ఫింగర్‌ప్రింట్ స్కానర్, ఏఐ ఫేస్ అన్‌లాక్ ఫీచర్లు ఫోన్‌ను మరింత స్మార్ట్‌గా మార్చేశాయి.

కెమెరా లవర్స్ కోసం వెనుక వైపు 50 మెగాపిక్సెల్ మెయిన్ కెమెరా ఉంది, దీనికి లైట్ హంటర్ 400 సెన్సార్‌ను జత చేశారు, ఇది లో-లైట్‌లో కూడా మంచి ఫోటోలను క్లిక్ చేస్తుంది. అలాగే సెల్ఫీల కోసం 20 మెగాపిక్సెల్ ఫ్రంట్ కెమెరా ఉండటం వల్ల సోషల్ మీడియా రీల్స్, వీడియో కాల్స్ చాలా క్వాలిటీగా వస్తాయి. ఈ ఫోన్ ద్వారా 4K రిజల్యూషన్‌లో వీడియో రికార్డింగ్ కూడా చేసుకోవచ్చు. డెప్త్ సెన్సార్ సహాయంతో పోర్ట్రెయిట్ షాట్స్ కూడా ప్రొఫెషనల్ లెవల్‌లో వస్తాయని కంపెనీ చెబుతోంది.

చివరగా, ఈ ఫోన్‌లో భారీ 5,800mAh బ్యాటరీని ఇచ్చారు, ఇది రోజంతా హెవీ యూసేజ్‌లో ఉన్నా సరే ఛార్జింగ్ టెన్షన్ లేకుండా చేస్తుంది. దీనికి 45W ఫాస్ట్ ఛార్జింగ్ సపోర్ట్ ఉంది, కాబట్టి ఫోన్ చాలా త్వరగా ఫుల్ అవుతుంది. 5G కనెక్టివిటీ, బ్లూటూత్ 5.1, స్లిమ్ డిజైన్ వంటి ఫీచర్లతో ఈ రెడ్‌మీ నోట్ 15 SE 5G ప్రస్తుతం ట్రెండింగ్‌లో ఉంది. 178 గ్రాముల తక్కువ బరువుతో, 7.35mm మందంతో ఉండే ఈ హ్యాండ్‌సెట్ చేతిలో పట్టుకుంటే చాలా స్టైలిష్‌గా కనిపిస్తుంది.