200MP కెమెరా.. 7,000mAh బ్యాటరీ.. వీవో V70 FE వచ్చేసింది.. ఫీచర్లు అరాచకం!

వివో కంపెనీ తన అమ్ములపొదిలో నుంచి మరో పవర్‌ఫుల్ అస్త్రాన్ని మార్కెట్లోకి వదిలింది. టెక్ ప్రపంచంలో సెన్సేషన్ క్రియేట్ చేస్తున్న వివో V70 సిరీస్‌లో తాజాగా ‘వివో V70 FE' మోడల్ ఇండియాలో గ్రాండ్‌గా లాంచ్ అయింది. స్టైలిష్ లుక్, అదిరిపోయే ఫీచర్లతో వచ్చిన ఈ స్మార్ట్‌ఫోన్ ప్రస్తుతం ఉన్న కుర్రకారును ఇన్‌స్టంట్‌గా ఆకట్టుకునేలా ఉంది. ఇది కేవలం ఒక ఫోన్ మాత్రమే కాదు, నేటి తరం యువతకు కావాల్సిన హై-స్పీడ్ పెర్ఫార్మెన్స్,  అల్ట్రా-మోడ్రన్ డిజైన్ల కలయిక అని చెప్పవచ్చు. ఇప్పటికే మార్కెట్లో ఉన్న స్టాండర్డ్ V70, V70 ఎలైట్ మోడల్స్‌కు తోడుగా ఈ FE వెర్షన్ చేరడంతో వివో లవర్స్‌కు ఆప్షన్స్ పెరిగాయని చెప్పాలి.

ఈ ఫోన్ ధరల విషయానికి వస్తే వివో చాలా స్మార్ట్‌గా ప్లాన్ చేసింది. బేస్ వేరియంట్ అయిన 8GB + 128GB మోడల్ ధర రూ. 37,999గా నిర్ణయించగా, హై-ఎండ్ 12GB + 256GB వేరియంట్ రూ. 44,999కు లభిస్తోంది. ఏప్రిల్ 9 నుండి సేల్స్ మొదలవుతుండగా, అమెజాన్, ఫ్లిప్‌కార్ట్ వంటి ప్లాట్‌ఫామ్స్‌లో ముందస్తు బుకింగ్స్ జోరుగా సాగుతున్నాయి. మాన్సూన్ బ్లూ, నార్తర్న్ లైట్స్ పర్పుల్ వంటి ట్రెండీ కలర్లలో లభిస్తున్న ఈ ఫోన్ చేతిలో ఉంటే ఒక ప్రీమియం ఫీల్ రావడం ఖాయం. దీనికి తోడు ఎంపిక చేసిన బ్యాంకు కార్డులపై క్యాష్‌బ్యాక్ ఆఫర్లు, నో-కాస్ట్ ఈఎంఐ వంటి డీల్స్ ఈ ఫోన్‌ను మరింత అందుబాటులోకి తెచ్చాయి.

డిస్‌ప్లే పరంగా చూస్తే ఈ ఫోన్ కళ్ళకు విందును అందిస్తుంది. 6.83 అంగుళాల భారీ 1.5K OLED స్క్రీన్ ద్వారా విజువల్స్ చాలా క్లారిటీగా, షార్ప్‌గా కనిపిస్తాయి. 120Hz రిఫ్రెష్ రేట్ ఉండటం వల్ల గేమింగ్ ఆడుతున్నప్పుడు లేదా సోషల్ మీడియా స్క్రోలింగ్ చేస్తున్నప్పుడు ఎక్కడా లాగ్ లేకుండా చాలా స్మూత్‌గా సాగిపోతుంది. ఇందులో ఉన్న 'ఆరిజిన్ ఐలాండ్' ఫీచర్ సెల్ఫీ కెమెరా చుట్టూ నోటిఫికేషన్లను చాలా వినూత్నంగా చూపిస్తుంది. సినిమా లవర్స్ కోసం HDR10+ సపోర్ట్ కూడా ఉంది, దీనివల్ల ఓటీటీ కంటెంట్‌ను హై-క్వాలిటీలో ఎంజాయ్ చేయవచ్చు. ఎండలో కూడా స్క్రీన్ స్పష్టంగా కనిపించేలా 1,900 నిట్స్ పీక్ బ్రైట్‌నెస్‌ను కూడా అందించారు.

పెర్ఫార్మెన్స్ విషయంలో వివో ఎక్కడా కాంప్రమైజ్ కాలేదు. మీడియాటెక్ డైమెన్సిటీ 7360-టర్బో చిప్‌సెట్‌తో వస్తున్న ఈ ఫోన్ మల్టీటాస్కింగ్‌ను చాలా ఈజీగా హ్యాండిల్ చేస్తుంది. ఆండ్రాయిడ్ 16 ఆధారిత ఆరిజిన్ ఓఎస్ 6తో పనిచేసే ఈ హ్యాండ్‌సెట్‌కు ఏకంగా ఆరేళ్ల పాటు సెక్యూరిటీ అప్‌డేట్స్ ఇస్తామని కంపెనీ హామీ ఇవ్వడం విశేషం. దీనివల్ల ఫోన్ చాలా కాలం వరకు కొత్తదిలాగే సాఫ్ట్‌వేర్ పరంగా అప్‌డేటెడ్‌గా ఉంటుంది. గేమర్స్ కోసం ప్రత్యేకంగా హైపర్ సెన్స్ ఆడియో, సిమెట్రికల్ డ్యూయల్ స్పీకర్లను అమర్చారు. దీనివల్ల గేమ్ ఆడుతున్నప్పుడు చుట్టూ ఉన్న సౌండ్ ఎఫెక్ట్స్ చాలా రియలిస్టిక్‌గా వినిపిస్తాయి.

ఫోటోగ్రఫీ అంటే పిచ్చి ఉన్న వారికి ఈ ఫోన్ ఒక వరం అని చెప్పాలి. ఇందులో ఉన్న 200 మెగాపిక్సెల్ మెయిన్ కెమెరా పగలు, రాత్రి అనే తేడా లేకుండా అద్భుతమైన ఫోటోలను క్లిక్ చేస్తుంది. దీనికి తోడు ఆర్టిఫిషియల్ ఇంటెలిజెన్స్ సాయంతో పనిచేసే మ్యాజిక్ వెదర్, మ్యాజిక్ ల్యాండ్‌స్కేప్ వంటి ఫీచర్లు ఫోటోలకు ఒక సినిమాటిక్ లుక్ ఇస్తాయి. సెల్ఫీ ప్రియుల కోసం 50 మెగాపిక్సెల్ ఫ్రంట్ కెమెరాను ఇచ్చారు, ఇది రీల్స్ చేయడానికి లేదా వీడియో కాల్స్ మాట్లాడుకోవడానికి బెస్ట్ అనిపిస్తుంది. వెనుక వైపు ఉన్న 'ఆరా లైట్' ఫీచర్ తక్కువ వెలుతురులో కూడా ముఖం స్పష్టంగా కనిపించేలా సాఫ్ట్ లైటింగ్‌ను అందిస్తుంది, ఇది కచ్చితంగా నైట్ లైఫ్ ఇష్టపడే వారికి నచ్చుతుంది.

ఈ ఫోన్‌లోని బ్యాటరీ బ్యాకప్ గురించి చెప్పుకోవాలి. 7,000mAh భారీ బ్యాటరీని కేవలం 60 నిమిషాల్లోనే ఫుల్ ఛార్జ్ చేసేలా 90W ఫాస్ట్ ఛార్జింగ్ సపోర్ట్ ఇచ్చారు. ఒక్కసారి ఛార్జ్ చేస్తే రోజంతా హెవీగా వాడినా ఇంకా బ్యాటరీ మిగిలే ఉంటుంది. ఇక డార్క్నెస్ గ్లో టెక్నాలజీ వల్ల ఫోన్ వెనుక ప్యానెల్ చీకటిలో మెరుస్తూ భలే స్టైలిష్‌గా కనిపిస్తుంది. ఐపీ68 రేటింగ్‌తో వాటర్ రెసిస్టెన్స్‌ను కూడా కలిగి ఉండటం వల్ల నీటి అడుగున కూడా ఫోటోలు తీసుకునే వీలుంది. ఓవరాల్‌గా చూస్తే భారీ బ్యాటరీ, సూపర్ ఫాస్ట్ పెర్ఫార్మెన్స్, అడ్వాన్స్‌డ్ కెమెరా కావాలనుకునే వారికి వివో V70 FE ఒక పర్ఫెక్ట్ ఛాయిస్.