Realme GT 7 లాంఛ్‌ టైమ్‌లైన్‌తోపాటు Realme GT 8 Pro స్పెసిఫికేషన్స్ బ‌హిర్గ‌తం

గతంలోనే అనేక సర్టిఫికేషన్, బెంచ్‌మార్కింగ్ వెబ్‌సైట్‌లలో క‌నిపించిన‌ Realme GT 7 మోడ‌ల్ ఇప్పుడు మరొక కొత్త లీక్‌తో ప్ర‌త్య‌క్ష‌మ‌య్యింది. ఈ లీక్‌, హ్యాండ్‌సెట్ త్వరలో లాంఛ్‌ కావచ్చని సూచిస్తోంది. అంతే కాదు, ఫోన్‌కు సంబంధించిన అనేక కీలక స్పెసిఫికేషన్‌లను కూడా బ‌హిర్గ‌తం చేస్తోంది. అలాగే, ఇది నవంబర్ 2024లో చైనాలో ఆవిష్కరించబడిన Realme GT 7 Proలో జాబితాలో చేరుతుందని అంచ‌నా వేస్తున్నారు. ఇదే స‌మ‌యంలో మరొక లీక్ రాబోయే Realme GT 8 Pro స్మార్ట్ ఫోన్‌ యొక్క కొన్ని ముఖ్యమైన ఫీచ‌ర్స్‌ను సూచింస్తోంది. ఈ రెండు హ్యాండ్‌సెట్‌ల లాంఛ్‌ను కంపెనీ అయితే, ఇంకా ధృవీకరించలేదు.

7000 mAh కంటే ఎక్కువ

ఈ Realme GT 7 స్మార్ట్ ఫోన్ మీడియాటెక్ డైమెన్సిటీ 9400+ ప్రాసెస‌ర్‌ ద్వారా శక్తిని పొందే అవకాశం ఉందని టిప్‌స్టర్ డిజిటల్ చాట్ స్టేషన్ వీబో పోస్ట్‌లో వెల్ల‌డించింది. అలాగే, ఈ హ్యాండ్‌సెట్ 7000 mAh కంటే ఎక్కువ సామ‌ర్థ్యం ఉన్న‌ బ్యాటరీతో వస్తుందని టిప్‌స్టర్ అంచ‌నా వేస్తూ, మ‌రో పోస్ట్‌ను అటాచ్ చేసింది. అంతేకాదు, ఈ పోస్ట్‌లో టిప్‌స్టర్ దీనిని 7X00mAh బ్యాటరీతో సూచిస్తోంది.

Realme GT 6 కంటే సన్నగా

టిప్‌స్టర్ వెల్ల‌డించిన వివ‌రాల‌ ప్రకారం.. వెనిల్లా Realme GT 7 స్మార్ట్ ఫోన్‌ 100W వైర్డు ఫాస్ట్ ఛార్జింగ్‌కు స‌పోర్ట్ చేస్తుంది. అలాగే, ఈ ఫోన్ ప్రస్తుత Realme GT 6 ఫోన్‌ కంటే సన్నగా, తేలికైన బిల్డ్‌తో ఫ్లాట్ స్క్రీన్‌ను క‌లిగి ఉంటుంద‌ని కూడా అంచ‌నా వేస్తున్నారు. అంతే కాదు, ఇది 206 గ్రా బరువు, 8.43 మిమీ ప్రొఫైల్‌ను కలిగి ఉంటుంద‌ని భావిస్తున్నారు.

Realme GT 7 ఏప్రిల్‌లో చైనాలో

షేర్ చేసిన‌ పోస్ట్ కింద ఒక లైన్‌లో టిప్‌స్టర్ Realme GT 7 హ్యాండ్‌సెట్‌ ఏప్రిల్‌లో చైనాలో లాంఛ్‌ అయ్యే అవకాశం ఉందని స్ప‌ష్టంగా క‌నిపిస్తుంది. అలాగే, జూలై 2024లో చైనాలో ఆవిష్క‌రించిన‌ ప్రస్తుత Realme GT 6 స్మార్ట్ ఫోన్ మైక్రో-కర్వ్డ్ డిస్‌ప్లేను కలిగి ఉంది. దీనికి స్నాప్‌డ్రాగన్ 8 Gen 3 ప్రాసెస‌ర్‌, 120W ఛార్జింగ్ సపోర్ట్‌తో 5,800 mAh బ్యాటరీని అందించారు.

Realme GT 8 ప్రో హ్యాండ్‌సెట్‌

ఇంతలో, మరో టిప్‌స్టర్ స్మార్ట్ పికాచు వీబో పోస్ట్‌లో ఇంకా ప్ర‌క‌టించ‌ని Realme GT 8 ప్రో హ్యాండ్‌సెట్‌ స్నాప్‌డ్రాగన్ 8 ఎలైట్ 2 ప్రాసెస‌ర్‌ను కలిగి ఉండవచ్చని అంచ‌నా వేశారు. ఇది 2 కె రిజల్యూషన్, 7,000 mAh బ్యాటరీ సామ‌ర్థ్యంతో ఫ్లాట్ OLED స్క్రీన్‌తో వచ్చే అవకాశం ఉంది. ఈ Realme GT 8 ప్రో స్మార్ట్ ఫోన్‌ బయోమెట్రిక్ అథంటికేష‌న్ కోసం అల్ట్రాసోనిక్ ఫింగర్‌ప్రింట్ సెన్సార్‌తో రూపొందిచ‌బ‌డి ఉంటుంద‌ని సమాచారం. కెమెరా విభాగంలో, ఇది పెరిస్కోప్ టెలిఫోటో షూటర్‌తో వ‌స్తుంద‌ని భావిస్తున్నారు. అయితే, హ్యాండ్‌సెట్ ఇతర అంచనా వివరాలు, లాంచ్ టైమ్‌లైన్ వెల్ల‌డించ‌లేదు.