Exynos 2500 ప్రాసెస‌ర్‌, Android 15తో Samsung Galaxy S25+ గీక్‌బెంచ్‌లో ప్ర‌త్య‌క్ష‌మైంది

Samsung అభిమానులు ఎంతో ఆసక్తిగా ఎదురుచూస్తున్న Galaxy S25 సిరీస్ 2025 ప్రథమార్ధంలో విడుదల కానుంది. రాబోయే Galaxy S కూడా మునుపటి లైనప్‌ల మాదిరిగా వనిల్లా, ప్లస్, అల్ట్రా మోడల్‌లలో వస్తుందని మార్కెట్ వ‌ర్గాలు భావిస్తున్నాయి. తాజాగా Galaxy S25+ వేరియంట్‌కు సంబంధించిన‌ కీలక వివరాలు Geekbench బెంచ్‌మార్కింగ్ సైట్‌లో ప్ర‌త్య‌క్ష‌మ‌య్యాయి. ప్రపంచవ్యాప్తంగా ఉన్న అన్ని Galaxy S25 ఫోన్‌లకు Samsung Snapdragon ప్రాసెసర్‌లను అందిస్తుందని గతంలోనే వార్త‌లు వ‌చ్చాయి. ఈ మోడ‌ల్‌కు సంబంధించిన ప‌లు స‌రికొత్త ఫీచ‌ర్స్ సైతం ఆన్‌లైన్‌లో చ‌క్క‌ర్లు కొడుతున్నాయి. ఈ నేప‌థ్యంలో Geekbench బెంచ్‌మార్కింగ్ సైట్‌లో క‌నిపిస్తోన్న ఆస‌క్తిక‌ర‌మైన విష‌యాల‌ను తెలుసుకుందాం!

ఆండ్రాయిడ్ 15లో రన్..

Geekbench డేటాబేస్‌లో మోడల్ నంబర్ SM-S936Bతో గుర్తించ‌బ‌డిన‌ Samsung హ్యాండ్‌సెట్ చాలావరకు Galaxy S25+ ప్రోటోటైప్‌ను పోలివుంది. లిస్టింగ్‌లో చూసినట్లుగా, ఇది సింగిల్-కోర్ స్కోర్ 2,359, మల్టీ-కోర్ స్కోర్ 8,141ని పొందగలిగింది. ఈ హ్యాండ్‌సెట్‌లో 10.72GB RAM ఉంది. ఇది పేప‌ర్‌పై 12GBకి ట్రాన్స్‌లేట్ చేయ‌వ‌చ్చు. ఇది ఆండ్రాయిడ్ 15లో రన్ అవుతోంది.

s5e9955 అనే కోడ్‌నేమ్‌..

అలాగే, s5e9955 కోడ్‌నేమ్‌ గల మదర్‌బోర్డ్‌తో కూడిన టెన్‌-కోర్ చిప్‌సెట్ ఫోన్‌కు శక్తినిస్తుందని లిస్టింగ్ సూచిస్తుంది. CPU 1+2+5+2 ఆర్కిటెక్చర్‌ను కలిగి ఉంది. ఈ జాబితాలో 3.30GHz క్లాక్ స్పీడ్‌తో ఒక ప్రధాన CPU కోర్‌ను చూపుతుంది. అలాగే, రెండు కోర్లు 2.75GHz వద్ద, ఐదు కోర్‌లు 2.36GHz వద్ద ఉంటాయి. చివరగా, CPU 1.80GHz వద్ద రెండు కోర్లను కలిగి ఉంది. ఈ CPU వేగం Exynos 2500 ప్రాసెస‌ర్‌తో అసోషియేట్ చేయ‌బ‌డింది.

రెండు స్కోర్‌ల‌ను ప‌రిశీలిస్తే..

సింగిల్-కోర్, మల్టీ-కోర్ స్కోర్‌లు రెండూ Qualcomm తాజా స్నాప్‌డ్రాగన్ 8 Elite ప్రాసెస‌ర్‌ కంటే Exynos 2500ని గణనీయంగా వెనుక ఉంచాయి. కొన్ని నెలల క్రితం Snapdragon 8 Elite ప్రాసెస‌ర్‌ (SM-S938U)తో Galaxy S25 Ultra US వేరియంట్ సింగిల్-కోర్ టెస్టింగ్‌లో 3,069 పాయింట్లు, మల్టీ-కోర్ టెస్టింగ్‌లో 9,080 పాయింట్లతో Geekbench జాబితా చేయబడింది. దీంతో ఈ మోడ‌ల్‌పై మార్కెట్ వ‌ర్గాలు మ‌రింత ఆస‌క్తి క‌నబ‌రుస్తున్నాయి.

Snapdragon 8 Elite ప్రాసెస‌ర్‌లను..

Samsung Galaxy S25 లైనప్‌లో Snapdragon 8 Elite ప్రాసెస‌ర్‌లను ఉపయోగిస్తుందని మార్కెట్ వ‌ర్గాలు అంచ‌నా వేస్తున్నాయి. ఇది గుర్తించ‌బ‌డిన‌ మార్కెట్‌లలో Snapdragon 8 Gen 4 SoC ప్రాసెసర్‌తో గెలాక్సీ S24 సిరీస్‌ను అందించింది. మిగిలిన గ్లోబ‌ల్ మార్కెట్‌ కోసం Exynos 2400 చిప్‌ను అందించింది. 2023లో ఈ బ్రాండ్ అన్ని Galaxy S సిరీస్ ఫోన్‌లను స్నాప్‌డ్రాగన్ ప్రాసెసర్‌లతో ప్రపంచవ్యాప్తంగా అందుబాటులోకి తెచ్చింది. రానున్న ఈ మోడ‌ల్‌లో కొన్ని చిన్న మార్పులతో 2024 మోడల్‌ల మాదిరిగానే ఉంటుంద‌ని, అయితే, గెలాక్సీ S25 సిరీస్ ప్రస్తుత మోడల్ కంటే సన్నగా ఉంటుందని భావిస్తున్నారు. Galaxy S25 సిరీస్‌కు సంబంధించిన పూర్తి వివ‌రాలు తెలియాంటే మ‌రికొన్ని రోజులు వేచి చూడాల్సిందే.