ఇంటెల్ కోర్ అల్ట్రా సిరీస్ 2 ప్రాసెస‌ర్‌తో మైక్రోసాఫ్ట్ సర్ఫేస్ ప్రో, సర్ఫేస్ ల్యాప్‌టాప్ లాంచ్: ధర, స్పెసిఫికేషన్‌లు

ఈ వారం జరిగిన సర్ఫేస్ ఈవెంట్‌లో కంపెనీ కోపైలట్+ పిసి లైనప్‌లో వ్యాపార లావాదేవీల‌ కోసం ప్ర‌త్యేకంగా మైక్రోసాఫ్ట్ సర్ఫేస్ ప్రో, సర్ఫేస్ ల్యాప్‌టాప్‌లను విడుదల చేసింది. ఈ రెడ్‌మండ్ ఆధారిత టెక్నాలజీ కంపెనీ తన తాజా మోడ‌ల్స్‌తో న్యూరల్ ప్రాసెసింగ్ యూనిట్ల (NPUలు) ద్వారా లోక‌ల్‌ AI కంప్యూట్ అందించే కెపాసిటీని కొనసాగిస్తూనే వ్యాపారాలు, సంస్థలకు క్లౌడ్ కంప్యూట్ స్కేలబిలిటీని అందించడమే లక్ష్యంగా పెట్టుకుంది. ఈ రెండూ ఇంటెల్ కోర్ అల్ట్రా సిరీస్ 2 ప్రాసెసర్‌ల ద్వారా కోపిలట్+ పిసి కెపాసిటీతో శక్తిని గ్ర‌హిస్తాయి. ఇవి ప‌ని వేగాన్ని మ‌రింత మెరుగుపరుస్తాయని కంపెనీ చెబుతోంది.

ఫిబ్రవరి 18 నుంచి

మైక్రోసాఫ్ట్ సర్ఫేస్ ప్రో ధర $1,499.99 (సుమారు రూ. 1,30,000) నుండి ప్రారంభమవుతుంది. సర్ఫేస్ ల్యాప్‌టాప్ ధర కూడా $1,499.99గానే ఉంది. రెండు మోడ‌ల్స్‌ ఫిబ్రవరి 18 నుండి ఎంపిక చేసిన రిటైలర్ల వద్ద కొనుగోలుకు అందుబాటులో ఉండ‌నున్న‌ట్లు కంపెనీ ప్ర‌క‌టించింది. వ్యాపారాలు, సంస్థలను లక్ష్యంగా చేసుకుని రెండు మోడల్స్ TPM 2.0 చిప్, బిట్‌లాకర్ స‌పోర్ట్‌, మైక్రోసాఫ్ట్ ప్లూటన్ టెక్నాలజీ, NFC ప్రామాణీకరణతో ఎంటర్‌ప్రైజ్ గ్రేడ్ సెక్యూరిటీని కలిగి ఉంటాయి.

Windows 11 Proలో

మైక్రోసాఫ్ట్ సర్ఫేస్ ప్రో మోడ‌ల్‌ 13-అంగుళాల (2880×1920 పిక్సెల్స్) పిక్సెల్‌సెన్స్ ఫ్లో డిస్‌ప్లేను LCD, OLED ఆప్ష‌న్‌లు క‌లిగి ఉంది. ఇది 120Hz వరకు డైనమిక్ రిఫ్రెష్ రేట్, 900 నిట్స్ పీక్ బ్రైట్‌నెస్‌కు స‌పోర్ట్ చేస్తుంది. స్క్రీన్ డాల్బీ విజన్ IQ సర్టిఫైడ్, పైన కార్నింగ్ గొరిల్లా గ్లాస్ 5 ప్రొట‌క్ష‌న్‌తో వ‌స్తుంది. Windows 11 Proలో ర‌న్ అవుతూ, 287 x 209 x 9.3mm ప‌రిమాణంలో 872 గ్రాముల బ‌రువు ఉంటుంది. ఇందులో 1440p క్వాడ్ HD సర్ఫేస్ స్టూడియో ఫ్రంట్-ఫేసింగ్ కెమెరా, 10-మెగాపిక్సెల్ అల్ట్రా HD రియర్-ఫేసింగ్ కెమెరా ఉన్నాయి.

ఒక్క‌ ఛార్జ్‌తో 14 గంటలు

ఇది వాయిస్ ఫోకస్‌తో డ్యూయల్ స్టూడియో మైక్‌లు, డాల్బీ అట్మాస్‌తో 2W స్టీరియో స్పీకర్లు, బ్లూటూత్ LE ఆడియో స‌పోర్ట్‌తో మద్దతుతో వస్తుంది. కనెక్టివిటీ ఆప్ష‌న్‌ల‌ను చూస్తే.. థండర్‌బోల్ట్ 4తో రెండు USB టైప్-సి పోర్ట్‌లు, సర్ఫేస్ కనెక్ట్ పోర్ట్, సర్ఫేస్ ప్రో కీబోర్డ్ పోర్ట్ వంటివి ఉన్నాయి. ఇది బ్లూటూత్ 5.4, Wi-Fi 7 సామర్థ్యాలను కలిగి ఉంది. ఒక్క‌ ఛార్జ్‌తో 14 గంటల వరకు వీడియో ప్లేబ్యాక్‌ను అందించగలదని కంపెనీ చెబుతోంది.

సర్ఫేస్ ప్రో మాదిరిగానే

మైక్రోసాఫ్ట్ సర్ఫేస్ ల్యాప్‌టాప్ 13.8-అంగుళాల (2304 × 1536 పిక్సెల్‌లు), 15-అంగుళాల (2496 × 1664 పిక్సెల్‌లు) రెండు పరిమాణాలలో వస్తుంది. సర్ఫేస్ ప్రో మాదిరిగానే ప్రాసెసర్, RAM, స్టోరేజ్ ఆప్ష‌న్‌లు, కనెక్టివిటీ స్పెసిఫికేష‌న్‌లను క‌లిగి ఉంటుంది. ఈ చిన్న-స్క్రీన్ మోడల్ 301 x 225 x 17.5mm ప‌రిమాణం, 1.35 కిలోల బరువుతో 20 గంటల వరకు వీడియో ప్లేబ్యాక్‌ను అందిస్తుందని కంపెనీ చెబుతోంది.