గత ఆగస్టులో ఇవి వరుసగా రూ. 14,999 మరియు రూ. 19,999 ధరలతో మార్కెట్లోకి వచ్చాయి.

భారత మార్కెట్‌పై మళ్లీ దృష్టి పెట్టిన రియల్‌మీ, తన కొత్త P-సిరీస్ కు చెందిన మరో స్మార్ట్‌ఫోన్‌ను సిద్ధం చేస్తున్నట్టు ఇటీవల టీజ‌ర్‌ను విడుదల చేసింది. ఆ టీజర్‌లో పెద్ద ‘X' గుర్తు కనిపించినప్పటికీ, ఫోన్‌ గురించి స్పష్టమైన వివరాలు మాత్రం ఇవ్వలేదు. ఇదే సమయంలో, RMX5108 అనే మోడల్ నంబర్‌తో ఉన్న కొత్త రియల్‌మీ ఫోన్ Geekbench డేటాబేస్‌లో దర్శనమివ్వడం టెక్ వర్గాల్లో ఆసక్తిని రేకెత్తించింది. Geekbenchలో నమోదైన స్క్రీన్‌షాట్ ప్రకారం, RMX5108 మోడల్ నంబర్‌తో ఉన్న ఈ ఫోన్ త్వరలో రాబోతుందని తెలుస్తోంది. లిస్టింగ్‌లో చిప్‌సెట్ పేరు నేరుగా పేర్కొనకపోయినా, ఇందులో ఎనిమిది కోర్లు ఉన్నాయని, అందులో నాలుగు కోర్లు 2.60GHz వద్ద, మరో నాలుగు 2.00GHz వద్ద పనిచేస్తాయని స్పష్టంగా కనిపిస్తోంది. అలాగే గ్రాఫిక్స్‌గా Mali-G615 MC2 GPU ఉందని కూడా తెలుస్తోంది. ఈ వివరాలను బట్టి పరిశీలిస్తే, ఈ ఫోన్‌లో MediaTek Dimensity 7400 చిప్‌సెట్ ఉండే అవకాశాలు చాలా ఎక్కువగా కనిపిస్తున్నాయి.

అంతేకాకుండా, Geekbench లిస్టింగ్ ద్వారా ఈ ఫోన్ 8GB RAM తో వస్తుందని, అలాగే తాజా Android 15 ఆపరేటింగ్ సిస్టంపై రన్ అవుతుందని కూడా బయటపడింది. అయితే, ఈ మోడల్‌కు చివరగా ఏ పేరు పెట్టి మార్కెట్లోకి తీసుకువస్తారన్న విషయంపై మాత్రం ఇప్పటికీ ఎలాంటి క్లారిటీ లేదు.

త్వరలో రానున్న Realme P4 సిరీస్ కొత్త ఫోన్‌

రియల్‌మీ ఇప్పటి వరకూ P4 సిరీస్‌లో రెండు మోడళ్లను విడుదల చేసింది. Realme P4, Realme P4 Pro. గత ఆగస్టులో ఇవి వరుసగా రూ. 14,999 మరియు రూ. 19,999 ధరలతో మార్కెట్లోకి వచ్చాయి. తాజాగా టీజ్‌ చేసిన కొత్త P-సిరీస్ మోడల్, వీటి కంటే కొంచెం ఎక్కువ ధర శ్రేణిలో వచ్చే అవకాశం ఉందని పరిశ్రమ వర్గాలు చెబుతున్నాయి.

పరిశీలకుల అభిప్రాయం ప్రకారం, రాబోయే ఈ కొత్త ఫోన్‌ ఈ నెల చివరినాటికి భారత్‌లో అధికారికంగా ప్రకటించవచ్చు. విడుదలైన వెంటనే ఇది Flipkart ద్వారా విక్రయాలు ప్రారంభించే అవకాశం ఉంది. కానీ RMX5108 అనే మోడల్ నంబర్‌తో Geekbenchలో కనిపించిన ఈ ఫోన్‌ ఇదే P-సిరీస్‌లో భాగమా? లేక పూర్తిగా వేరే మోడలా? అన్న దానిపై మాత్రం స్పష్టమైన నిర్ధారణ రావడానికి సమయం పడుతుంది.

ప్రస్తుతం అందుబాటులో ఉన్న సమాచారాన్ని పరిశీలిస్తే, రియల్‌మీ ఒక కొత్త మిడ్-రేంజ్ ఫోన్‌ను సిద్ధం చేస్తోందన్న విషయం మాత్రం స్పష్టంగా తెలుస్తోంది. చిప్‌సెట్ పనితీరు, RAM కాంఫిగరేషన్‌ను బట్టి చూస్తే, ఇది గేమింగ్ మరియు డైలీ టాస్క్‌లకు మంచి పెర్ఫార్మెన్స్ ఇచ్చే స్థాయి ఫోన్‌గా ఉండే అవకాశముంది. కానీ డిజైన్ ఎలా ఉంటుందో, కెమెరా సెటప్ ఎలా ఉంటుందో, బ్యాటరీ సామర్థ్యం ఎంత అన్న వివరాలు అధికారిక ప్రకటన వచ్చిన తరువాతే తెలుస్తాయి.

అందువల్ల, RMX5108 మోడల్ నిజంగా రాబోయే P-సిరీస్‌కు చెందినదేనా అనే ప్రశ్నకు ఇప్పుడే సమాధానం చెప్పలేము. రియల్‌మీ అభిమానులు మరియు టెక్ ప్రియులు అధికారిక అప్‌డేట్స్ కోసం ఇంకా కొంత సమయం వేచి చూడాల్సిందే.