అదిరిపోయే ఫీచర్స్ తో వస్తున్న వివో X ఫోల్డ్ 5...ప్రైస్ ఎంతో తెలుసా

ఈ మధ్య కాలంలో మార్కెట్‌లో కొత్త కొత్త ఫోన్లు వరుసగా లాంచ్ అవుతూనే ఉన్నాయి. స్లిమ్, ఫ్లిప్, ఫోల్డ్ మోడల్స్ ఇలా ఎన్నో వేరియంట్లు వినియోగదారులకు అందుబాటులోకి వచ్చాయి. ఈ నేపథ్యంలో చైనా ప్రముఖ స్మార్ట్‌ఫోన్ బ్రాండ్ వివో తాజాగా తన కొత్త ఫోల్డబుల్ మోడల్ వివో X ఫోల్డ్ 5ను పరిచయం చేసింది. ఈ ఫోన్‌కు సంబంధించిన టీజర్ ఇప్పటికే బయటకు వచ్చేసింది, అందులో చూపించిన స్పెసిఫికేషన్లు చూస్తే ఈ ఫోన్ పక్కా ప్రీమియం కేటగిరీలోదే అని చెప్పొచ్చు.ఈ ఫోన్‌లో లోపల మరియు బయట రెండు డిస్‌ప్లేలు 8T LTPO ప్యానల్స్ తో వచ్చాయి. ఇవి ఫోన్ కి మంచి ప్రీమియం లుక్ ను అందిస్తున్నాయి.
వీటికి హై రిఫ్రెష్ రేట్, అల్ట్రా హై రిజల్యూషన్, హై పిక్సెల్ డెన్సిటీ ఉండడం వల్ల యూజర్స్‌కు అత్యుత్తమ విజువల్ అనుభూతిని ఇస్తుంది. రెండు స్క్రీన్లు కూడా 4500 నిట్స్ పీక్ బ్రైట్నెస్ కలిగి ఉండగా, హై ఫ్రీక్వెన్సీ PWM డిమ్మింగ్, TUV రెహినాల్డ్ ఐ ప్రొటెక్షన్ 3.0, జెస్ మాస్టర్ కలర్ సర్టిఫికేషన్ లాంటి టాప్ క్లాస్ సాంకేతికతలు ఇందులో ఉన్నాయి.

వాతావరణం ఎంత చలిగా ఉన్నా ఈ ఫోన్ పనిచేస్తుంది. మైనస్ 20 డిగ్రీలలో కూడా వాడుకోవచ్చని కంపెనీ వెల్లడించింది. ఇక పొరపాటుగా డస్ట్‌లో పడినా, నీటిలో తడిచినా భయపడాల్సిన అవసరం లేదు, ఎందుకంటే దీనికి IP5X, IPX9+ రేటింగ్స్ ఉన్నాయి. అంతే కాదు, ఒక మీటరు లోతైన నీటిలో 1000 సార్లు ఫోన్ ఓపెన్ చేసి క్లోజ్ చేసినా కూడా ఎలాంటి సమస్య రాకుండా పనిచేస్తుందని వివో తెలిపింది.

లీకైన సమాచారం ప్రకారం, ఈ మోడల్ గత సంవత్సరం వచ్చిన వివో ఫోల్డ్ 3 (219g) కంటే తక్కువ బరువుతో, మరింత స్లిమ్ మోడల్‌గా రానుంది. డిస్‌ప్లే విషయానికి వస్తే, ఇందులో 8.03 అంగుళాల ఇన్నర్ ఫోల్డబుల్ స్క్రీన్, 6.53 అంగుళాల కవర్ డిస్ప్లే ఉన్నాయి.

కెమెరా విషయానికి వస్తే, ఇందులో 50MP ట్రిపుల్ రియర్ కెమెరా సెటప్ ఉండడం వల్ల అధ్బుతమైన ఫోటోలు తీయవచ్చు. ఎక్కువ సేపు వాడే వాళ్ల కోసం ఇందులో 6000mAh బ్యాటరీ బ్యాక్అప్ కూడా అందిస్తున్నారు. అలాగే 90W వైర్డ్ ఫాస్ట్ ఛార్జింగ్, 30W వైర్లెస్ ఛార్జింగ్ సపోర్ట్ ఉంది. పనితీరులో కూడా రాజీ పడకుండా, Snapdragon 8 Gen 3 ప్రాసెసర్, 16GB RAM, 512GB ఇంటర్నల్ స్టోరేజ్ వంటి హైఎండ్ ఫీచర్లు ఉన్నాయి. ఈ మోడల్ ధర ఎంత అనేది ఇంకా వెల్లడించలేదు. అయితే ఈ స్పెసిఫికేషన్స్ బట్టి వివో నుంచి వచ్చిన గత ఫోల్డ్ మోడల్స్ కి దగ్గరగానే ధర ఉండవచ్చు అని టెక్ పండితులు అంచనా వేస్తున్నారు.