అదిరిపోయే ఆఫర్లు.. అమెజాన్ గ్రేట్ ఇండియన్ ఫెస్టివల్‌ సేల్ ఎప్పటి నుంచంటే

అమెజాన్ గ్రేట్ ఇండియన్ ఫెస్టివల్ సేల్ 2025పై ఇండియన్ మార్కెట్లో మంచి డిమాండ్ ఉంది. వినియోగదారులంతా కూడా భారీ డిస్కౌంట్లు లభిస్తుండటంతో ఈ సేల్ గురించి అందరూ ఎదురుచూస్తున్నారు. భారతదేశంలో సెప్టెంబర్ 23న ఈ గ్రేట్ సేల్ ప్రారంభం కానుంది. ప్రముఖ బ్రాండ్ల నుండి స్మార్ట్‌ఫోన్‌లు, మొబైల్ యాక్సెసరీస్‌లు, ల్యాప్‌టాప్‌లు, టాబ్లెట్‌లు, హెడ్‌ఫోన్‌లు, ఆడియో పరికరాలతో సహా ఇతర ఎలక్ట్రానిక్ వస్తువులపై భారీ తగ్గింపుని ప్రకటించారు. రాబోయే సేల్‌లో రకరకాల మోడల్ ఫోన్లన్నీ కూడా సరసమైన ధరలకు అందుబాటులోకి రానున్నాయి. అమెజాన్ ప్రైమ్ సభ్యులు అయితే ఒక రోజు ముందే అంటే సెప్టెంబర్ 22 నుండి ప్రారంభ సేల్‌‌ను ఉపయోగించుకోవచ్చు. 24 గంటల ముందస్తు యాక్సెస్‌ను పొందుతున్నందున ప్రైమ్ సభ్యులు వేచి ఉండాల్సిన అవసరం లేదు. ఈ-కామర్స్ వెబ్‌సైట్ ప్రసిద్ధ టాబ్లెట్‌లపై కొన్ని ముందస్తు డీల్‌లను అందిస్తోంది. ఈ-కామర్స్ ప్లాట్‌ఫామ్‌లో ప్రారంభ డీల్‌లలో భాగంగా, వన్‌ప్లస్ ప్యాడ్ 3, శామ్‌సంగ్ గెలాక్సీ ట్యాబ్ S9, ఆపిల్ ఐప్యాడ్ 11 వంటి మోడళ్లు తగ్గింపు ధరలతో అందుబాటులో ఉన్నాయి.

సేల్ ఈవెంట్‌కు ముందు సామ్ సంగ్ గెలాక్సీ ట్యాబ్ S9 అమెజాన్‌లో రూ. 35,999కి అందుబాటులో ఉంది. దాని అసలు ధర రూ. 81,999 కాగా.. ఈ సేల్‌లో గణనీయమైన తగ్గింపుతో అందుబాటులోకి రానుంది. షియోమీ Pad 7 కూడా అసలు ధర రూ. 39,999 నుండి రూ. 30,999కి తగ్గింపుతో రానుంది. ఇంతలో A16 చిప్‌తో కూడిన ఆపిల్ ఐప్యాడ్ 11 కూడా ఈ అమ్మకంలో భాగం కానుంది. ఐప్యాడ్ ఎయిర్ 3 ధర రూ. 59,900 కు బదులుగా రూ. 50,000 కంటే తక్కువగా ఉంటుందని తెలుస్తోంది. అయితే ఖచ్చితమైన ధర ఇంకా వెల్లడించలేదు.

SBI క్రెడిట్, డెబిట్ కార్డులపై 10 శాతం తక్షణ తగ్గింపుతో పాటు Amazon Pay ద్వారా అదనపు క్యాష్‌బ్యాక్‌తో కస్టమర్‌లు మరింత లాభపడొచ్చు. ICICI బ్యాంక్ క్రెడిట్ కార్డ్ వినియోగదారులు కూడా ప్రత్యేక తగ్గింపుని పొందగలరు. అంతే కాకంుడా కొనుగోలుదారులు తమ పాత టాబ్లెట్‌లను ట్రేడింగ్ చేయడం ద్వారా ఎక్స్ఛేంజ్ ఆఫర్‌ల ప్రయోజనాన్ని కూడా పొందవచ్చు. నో-కాస్ట్ EMI కూడా అందుబాటులో ఉంటుంది.