అదిరిపోయే ఫీచర్స్ తో వస్తున్న హువాయ్ బ్యాండ్ 10 స్మార్ట్ వాచ్...ప్రైస్ ఎంతో తెలుసా

టెక్ ప్రేమికులకు గుడ్ న్యూస్! హువాయ్ వారి కొత్త బ్యాండ్ 10 ఇప్పుడు ఇండియన్ మార్కెట్‌లో అందుబాటులోకి వచ్చింది. ఇప్పటికే గ్లోబల్ మార్కెట్లలో మంచి స్పందన తెచ్చుకున్న ఈ స్మార్ట్ వాచ్, ఆరోగ్యాన్ని ట్రాక్ చేసుకోవాలనుకునే వారికి పర్ఫెక్ట్ గాడ్జెట్ అవుతుంది. స్లీప్ హార్ట్ రేట్ వేరియబులిటీ (HRV), స్ట్రెస్ లెవెల్స్ ను ఎప్పటికప్పుడు మానిటర్ చేస్తుంది. వీటికి అదనంగా ఈ స్మార్ట్ వాచ్ లో ఎమోషనల్ వెల్ బీయింగ్ అసిస్టెంట్స్ కూడా ఉంది.ఇది 1.47 ఇంచుల AMOLED డిస్ప్లేను కలిగి ఉంది. స్క్వేర్ షేప్‌ లో, చూడటానికి క్లాస్‌ గా కనిపిస్తుంది. రెసల్యూషన్ 194x368 పిక్సెల్స్ కాగా, 282 ppi డెన్సిటీతో టెక్స్ట్, గ్రాఫిక్స్ అన్నీ క్లియర్‌గా కనిపిస్తాయి. ఆల్వేస్ ఆన్ డిస్ప్లే సపోర్ట్‌ తో మీరు ఈజీగా ఈ వాచ్ ఉపయోగించవచ్చు. జాగింగ్ చేయడం, సైక్లింగ్, యోగా, స్విమ్మింగ్... ఇలా ఏ పని చేసినా ఈ బ్యాండ్ మీ ఆరోగ్యాన్ని ట్రాక్ చేస్తూనే ఉంటుంది. ఇందులో 100కి పైగా స్పోర్ట్స్ మోడ్‌లు ఉన్నాయి. పైగా, యాక్సిలెరో మీటర్, గైరోస్కోప్, మ్యాగ్నటో మీటర్ వంటి అడ్వాన్స్డ్ సెన్సార్‌ లు కూడా అందుబాటులో ఉన్నాయి.

ఈ హువాయ్ బ్యాండ్ 10 స్విమ్మింగ్ చేసే వారికి బాగా యూజ్ అవుతుంది, ఈ బ్యాండ్‌కి 5ATM వాటర్ రెసిస్టెన్స్ ఉండడంవల్ల నీటిలో వాడినా కూడా ఏం కాదు,స్విమ్మింగ్ చేస్తుండగా స్ట్రోక్, లాప్ డిటెక్షన్ 95% ఆక్యురసీతో గుర్తిస్తుంది. ఇందులో 9-అక్సిస్ సెన్సార్ మరియు AI బేస్డ్ స్ట్రోక్ రికగ్నిషన్ ఫీచర్‌ లు ఉన్నాయి. మీరు స్విమ్మింగ్ చేసే విధానాన్ని కూడా ఇది గమనిస్తుంది.

హెల్త్ ను ఎప్పటికప్పుడు ట్రాక్ చేసుకునే వారికి ఇది బాగా హెల్ప్ అవుతుంది అని చెప్పవచ్చు. ఆప్టికల్ హార్ట్ రేట్ సెన్సార్, SpO2 (బ్లడ్ ఆక్సిజన్ లెవెల్), స్లీప్ మానిటరింగ్ ఇవన్నీ ఇందులో ఉన్నాయి. అంతేకాదు, మీ మూడ్‌ను అర్థం చేసుకునేలా ఎమోషనల్ వెల్‌బీయింగ్ అసిస్టెంట్స్ ఉన్నాయి. బ్రీతింగ్ ఎక్సర్సైజ్ చేయాలనుకున్నా ఇది మీకు ఉపయోగపడుతుంది. అలాగే మీకు అవసరమైన వెల్‌నెస్ టిప్స్, పాజిటివ్ సజెషన్స్ కూడా ఇస్తుంది.

ఛార్జింగ్ విషయానికి వస్తే, ఒక్కసారి ఛార్జింగ్ చేస్తే 14 రోజులపాటు కంటిన్యూస్గా వాడుకోవచ్చు. ఫుల్ ఛార్జింగ్ చేయడానికి 45 నిమిషాల సమయం పడుతుంది. ఒకవేళ మీకు ఛార్జింగ్ పెట్టే సమయం లేకపోతే, ఐదు నిమిషాల క్విక్ ఛార్జ్ చేస్తే చాలు రెండు రోజులపాటు ఈ డివైస్ పనిచేస్తుంది.

ఈ వాచ్ బరువు చూస్తే చాలా తక్కువ... కేవలం 14g మాత్రమే ఉంది. థిక్నెస్ కూడా 8.99 మిల్లీమీటర్స్ తో తక్కువగానే ఉంది. ఇక ప్రైస్ రేంజ్ కూడా మీడియంగా ఉంది. పాలిమర్ కేస్ తో వచ్చే స్మార్ట్ వాచ్ ధర రూ.6499గా ఉంటే, అల్యూమినియం కేస్ తో వచ్చే స్మార్ట్ వాచ్ ధర రూ.6999గా ఉంది. కలర్ ఆప్షన్స్ విషయానికి వస్తే... పింక్, బ్లాక్ కలర్స్ కి పాలిమార్ కేసింగ్ ఇస్తున్నారు. బ్లూ, గ్రీన్, మట్టే బ్లాక్, పర్పుల్, వైట్ కలర్స్ అల్యూమినియం కేసింగ్ తో వస్తున్నాయి.