జనవరి 28, 2026 నుంచి ఈ కెమెరా అధికారికంగా విక్రయానికి రానుంది.

FUJIFILM ఇండియా తన instax హైబ్రిడ్ ఇన్‌స్టంట్ కెమెరా శ్రేణిలో మరో కొత్త మోడల్‌ను భారత మార్కెట్‌లో ప్రవేశపెట్టింది. instax mini Evo Cinema పేరుతో వచ్చిన ఈ కెమెరా, ఇప్పటివరకు ఉన్న instax అనుభవాన్ని మరింత విస్తరించేలా రూపొందించబడింది. సాధారణ ఫోటో ప్రింటింగ్‌కే పరిమితం కాకుండా, వీడియో రికార్డింగ్, సినీమాటిక్ ఎఫెక్ట్స్, స్మార్ట్‌ఫోన్ ఇంటిగ్రేషన్ వంటి ఆధునిక ఫీచర్లతో ఇది వినియోగదారులకు కొత్త క్రియేటివ్ అవకాశాలను అందిస్తోంది. instax mini Evo Cinema ఒక హైబ్రిడ్ ఇన్‌స్టంట్ కెమెరా. వెనుక భాగంలో ఉన్న LCD డిస్‌ప్లే ద్వారా ఫోటోలను ముందుగా చూడవచ్చు, నచ్చిన షాట్‌ను మాత్రమే ప్రింట్ చేసుకునే సౌలభ్యం ఇందులో ఉంది. ఫోటోలతో పాటు షార్ట్ వీడియోలను కూడా ఈ కెమెరా రికార్డ్ చేయగలదు. రికార్డ్ చేసిన వీడియోల నుంచి ఒక ఫ్రేమ్‌ను ఎంచుకుని, దానితో పాటు ఒక QR కోడ్‌ను instax mini ఫిల్మ్‌పై ప్రింట్ చేయవచ్చు. ఆ QR కోడ్‌ను స్మార్ట్‌ఫోన్‌తో స్కాన్ చేస్తే, ఆ వీడియోను తిరిగి చూడడం లేదా డౌన్‌లోడ్ చేసుకోవడం సాధ్యమవుతుంది. ఈ విధంగా డిజిటల్ వీడియోను ఫిజికల్ ఇన్‌స్టంట్ ప్రింట్‌తో కలిపే ప్రత్యేక అనుభవాన్ని ఈ కెమెరా అందిస్తోంది.

ఇది ప్రత్యేకంగా రూపొందించిన స్మార్ట్‌ఫోన్ యాప్‌తో కలిసి పనిచేస్తుంది. యాప్ ద్వారా కెమెరాను రిమోట్‌గా నియంత్రించడం, ఫోటోలు మరియు వీడియోలను ఫోన్‌కు ట్రాన్స్‌ఫర్ చేయడం, అలాగే ఫోన్‌లో ఉన్న చిత్రాలను నేరుగా ప్రింట్ చేయడం వీలవుతుంది. దీంతో instax mini Evo Cinema ఒక స్టిల్ కెమెరా, వీడియో కెమెరా, అలాగే స్మార్ట్‌ఫోన్ ప్రింటర్‌గా ఒకే డివైస్‌లో పనిచేస్తుంది.
ఈ మోడల్‌లో ప్రత్యేకంగా ఆకట్టుకునే అంశం Eras Dial. ఇది వివిధ దశాబ్దాల నుంచి ప్రేరణ పొందిన ఎఫెక్ట్స్‌ను అందిస్తుంది. ఉదాహరణకు 1960ల 8mm ఫిల్మ్ లుక్, 1970ల CRT టీవీ టెక్స్చర్ వంటి ఎఫెక్ట్స్ ఇందులో ఉన్నాయి. ఈ ఎఫెక్ట్స్ కేవలం విజువల్‌గా మాత్రమే కాకుండా, వీడియో రికార్డింగ్ సమయంలో వినిపించే శబ్ద లక్షణాలపైనా ప్రభావం చూపిస్తాయి. ఎఫెక్ట్ తీవ్రతను వినియోగదారులు తమ ఇష్టానికి అనుగుణంగా మార్చుకోవచ్చు.

డిజైన్ విషయానికి వస్తే, ఈ కెమెరా FUJIFILM యొక్క క్లాసిక్ FUJICA Single-8 కెమెరా నుంచి ప్రేరణ పొందింది. నలుపు-బూడిద రంగుల ఫినిష్, నిలువు గ్రిప్ డిజైన్, క్లిక్ అయ్యే డయల్స్ ఇవన్నీ అనలాగ్ ఫిల్మ్ కెమెరాల ఫీల్‌ను గుర్తు చేస్తాయి. వెనుక మానిటర్‌తో పాటు ఇవ్వబడిన వ్యూఫైండర్‌ను ఉపయోగించి కూడా షూట్ చేయవచ్చు.

భారత మార్కెట్‌లో FUJIFILM instax mini Evo Cinema Premium Edition ధర రూ. 47,999. ఇది కెమెరాతో పాటు రెండు instax mini గ్లాసీ ఫిల్మ్ ప్యాక్స్‌తో కూడిన కాంబో బాక్స్‌గా అందుబాటులో ఉంటుంది. జనవరి 21 నుంచి 27, 2026 వరకు ప్రీ-బుకింగ్స్ ఓపెన్ ఉండగా, ప్రీ-బుక్ చేసుకునే వారికి అదనంగా రెండు డిజైనర్ ఫిల్మ్ ప్యాక్స్ అందించనున్నారు. జనవరి 28, 2026 నుంచి ఈ కెమెరా అధికారికంగా విక్రయానికి రానుంది.
ఈ లాంచ్ సందర్భంగా FUJIFILM ఇండియా మేనేజింగ్ డైరెక్టర్ కొజి వాడా మాట్లాడుతూ, “సినీమాటిక్ క్రియేటివిటీని ఇన్‌స్టంట్ ప్రింట్స్‌తో కలిపి, డిజిటల్ యుగంలో జ్ఞాపకాలను ప్రత్యేకంగా భద్రపరచుకునే అవకాశం instax mini Evo Cinema ద్వారా వినియోగదారులకు అందిస్తున్నాం” అని తెలిపారు.