గేమింగ్ ప్రియులకు ప్రత్యేక ఫీచర్‌తో ఐకూ నియో 10 విడుదల

ప్రముఖ మొబైల్‌ బ్రాండ్ ఐకూ మరో కొత్త స్మార్ట్‌ ఫోన్‌ను భారత మార్కెట్‌లోకి లాంచ్‌ చేసింది. నియో సిరీస్‌లో ఐకూ 10 పేరుతో సోమవారం విడుదల చేసింది. ఈ గ్యాడ్జెట్‌లో స్నాప్ డ్రాగన్ 8s చిప్‌సెట్‌ను వాడారు. ఇందులో 7,000mAh బ్యాటరీ ఉంది. ఇది 120W ఫాస్ట్ చార్జింగ్‌ను సపోర్ట్ చేస్తుంది. దీనిలో డస్ట్ రెసిస్టెన్స్ కోసం ఐపీ65 రేటింగ్ ఉంది. గేమ్స్‌ ఆడేటప్పుడు ఓవర్ హీట్ కాకుండా 7000mm sq వ్యాపర్‌ ఛాంబర్‌ థర్మల్‌ మేనేజ్‌మెంట్‌ ఉంది. ఐకూ 10 నియోలో 50 MP డ్యుయల్ కెమెరా ఉంది. సెల్ఫీల కోసం ముందు వైపు 32 MP కెమెరా అమర్చారు. 144fps గేమింగ్‌తో ఈ సెగ్మెంట్‌లో వస్తున్న మొదటి స్మార్ట్ ఫోన్ ఇదేనని ఐకూ వెల్లడించింది. భారత్‌లో విడుదలైన మోడల్‌లో, చైనా ఐకూ నియో 10తో పోలిస్తే డిజైన్, స్పెసిఫికేషన్స్ పరంగా చాలా తేడాలు ఉన్నాయి.ఐకూ నియో 10 ధర,ఇక ధర విషయానికొస్తే..8జీబీ+128జీబీ వేరియంట్‌ రూ.31,999 వద్ద లభిస్తుంది. 8జీబీ+256జీబీ వేరియంట్‌ ధర రూ.33,999 కాగా 12జీబీ+256జీబీ వేరియంట్ రూ.35,999గా ఉంది. హైఎండ్‌ వేరియంట్‌ 16జీబీ+512జీబీ స్టోరేజీతో వస్తోంది. దీని ధర రూ.40,999.

ప్రీమియం కలర్స్

ఐకూ నియో 10 ఇన్‌ఫెర్నో రెడ్, టైటానియం క్రోమ్ కలర్స్‌లో అందుబాటులో ఉంది. ప్రీ బుకింగ్స్ ఇప్పటికే‌ ప్రారంభమయ్యాయి. జూన్‌ 3 నుంచి అమెజాన్‌, ఐకూ ఇండియా ఈ స్టోర్లలో లభ్యమవుతుంది.iQOO నియో 10 స్పెసిఫికేషన్స్,ఈ గ్యాడ్జెట్ 6.78 అంగుళాల డిస్‌ప్లే, 1.5k ఆమోల్డ్ స్క్రీన్‌తో వచ్చింది. 144 హెడ్జ్ రీఫ్రెష్ కలిగి ఉంది. వీటితో పాటు 360 హెడ్జ్ శాంపిలింగ్ రేట్, 5,500 నిట్స్ బ్రైట్‌నెస్‌ ఉంది. దీనిలో 4,420 హెడ్జ్ పీడబ్యూఎం డిమింగ్ రేట్‌ కూడా ఉంది.

ఇందులో స్నాప్‌ డ్రాగన్ 8 జనరేషన్ 4 ప్రాసెసర్‌ అమర్చారు. ఇది క్యూ1 గేమింగ్ చిప్‌సెట్‌తో జోడించబడి ఉంటుంది. దీనిలో 16జీబీ అల్ట్రా ర్యామ్ ఉంటుంది. 512జీబీ వరకు స్టోరేజ్ ఉంది. ఈ గ్యాడ్జెట్ ఆండ్రాయిడ్ 15 ఆధారిత ఫన్‌టచ్ ఓఎస్‌పై పనిచేస్తుంది.కెమెరా,ఇక కెమెరా విషయానికొస్తే.. ఈ గ్యాడ్జెట్ వెనుక భాగంలో డ్యుయల్ కెమెరా సెటప్ ఉంది. ఇందులో 50 మెగాపిక్సెల్ మెయిన్ కెమెరా సోనీ IMX88 సెన్సార్ కలిగి ఉండటం విశేషం. ఇది ఆఫ్టికల్ ఇమేజ్ స్టెబిలైజేషన్ (OIS) కలిగి ఉంది. ఇందులో 8MP అల్ట్రా వైడ్ లెన్స్ ఉంటాయి. సెల్ఫీలు, వీడియోలు తీసేందుకు ఫ్రంట్‌లో 32 మెగాపిక్సెల్ ఫ్రంట్ కెమెరా అమర్చారు. ఈ స్మార్ట్‌ ఫోన్‌లో ఫ్రంట్, బ్యాక్ కెమెరాలు 60fps వద్ద 4kలో వీడియో రికార్డింగ్ చేయగలవు.

ఓవర్ హీట్ తగ్గించేలా..

గేమింగ్ సమయంలో ఫోన్‌ ఓవర్‌ హీట్‌ కాకుండా ప్రత్యేక సౌకర్యంలో ఇందులో ఉంది. దీనికోసం 7000mm sq వ్యాపర్‌ ఛాంబర్‌ థర్మల్‌ మేనేజ్‌మెంట్‌ను పొందుపరిచారు. 144fps గేమింగ్‌తో ఈ కేటగిరిలో వస్తున్న తొలి ఫోన్ ఇదే కావడం గమనార్హం. అలాగే ఇది బైపాస్ ఛార్జింగ్ సపోర్ట్ చేస్తుంది. ఈ ఫోన్ నైట్ విజన్ మోడ్‌ను కలిగి ఉంది. గేమింగ్ సమయంలో ఇది 3,000Hz ఇన్‌స్టంట్ టచ్ శాంప్లింగ్ రేట్‌ను కలిగి ఉంటుంది.

లాంగ్ లైఫ్ బ్యాటరీ

ఐకూ నియో 10లో 7,000mAh బ్యాటరీ అమర్చారు. ఇది 120W ఫాస్ట్‌ ఛార్జింగ్‌తో వస్తోంది. సెక్యూరిటీ పరంగా ఇన్‌డిస్‌ప్లే ఫింగర్ ప్రింట్‌ సెన్సర్ ఉంది. డస్ట్, ఫ్లాష్ రెసిస్టెన్స్ కోసం ఐపీ 65 రేటింగ్‌ కూడా కలిగి ఉంది. దీని బరువు 206 గ్రాములు. ఈ హ్యాండ్ సెట్ తేలికగా ఉంటుంది. కనెక్టివిటీ పరంగా ఇందులో 5జీ, 4జీ, వై-ఫై-7, బ్లూటూత్ 5.4, జీపీఎస్, NFC, ఓటీజీ, USB టైప్‌ సీ ఫోర్ట్‌ ఫీచర్లు కలిగి ఉంది.