ఈ ఫోన్ భారత్లో విడుదలైన Oppo A5x కు కంటిన్యూషన్ గా రాబోతుందని అంచనా

Oppo తన A-సిరీస్లో కొత్త స్మార్ట్ఫోన్లను సిద్ధం చేస్తోందని రూమర్లు వినిపిస్తున్నాయి. అందులో భాగంగా Oppo A6 4G మరియు Oppo A6x పేర్లు బయటికి వచ్చాయి. ఇప్పుడు వీటిలో Oppo A6x యొక్క ముఖ్య స్పెసిఫికేషన్లు ఒక టిప్స్టర్ ద్వారా లీక్ అయ్యాయి. లీక్ వివరాల ప్రకారం ఈ ఫోన్లో 6.75 ఇంచుల 120Hz LCD డిస్ప్లే ఉండనుంది. అలాగే ఈ డివైస్కు Android 15 ఆధారంగా నడిచే ColorOS వెర్షన్ రానుందని చెబుతున్నారు.

టిప్స్టర్ అభిషేక్ యాదవ్ షేర్ చేసిన సమాచారం ప్రకారం, Oppo A6x లో HD+ రిజల్యూషన్తో 6.75-అంగుళాల LCD స్క్రీన్, 120Hz రిఫ్రెష్ రేట్ లభించనుంది. కెమెరా సెటప్ విషయానికి వస్తే, వెనుక భాగంలో 13MP ప్రధాన కెమెరా + VGA సెకండరీ సెన్సర్ కలిగిన డ్యూయల్ కెమెరా వ్యవస్థ ఉండొచ్చు. ముందు భాగంలో 5MP సెల్ఫీ కెమెరా ఇవ్వబడే అవకాశం ఉంది.

ఫోన్కు శక్తినిచ్చేది MediaTek Dimensity 6300 చిప్సెట్ అని లీకులు సూచిస్తున్నాయి. ఇదే చిప్ Oppo A5x లో కూడా ఉపయోగించబడింది. RAM, స్టోరేజ్ వేరియంట్ల వివరాలు ఇంకా బయటకు రాకపోయినా, ఈ ఫోన్ Android 15 ఆధారిత ColorOS 15 పై నడిచే అవకాశం ఉంది.

డిజైన్ పరంగా చూస్తే, Oppo A6x 8.58mm మందం కలిగి ఉండి, బరువు సుమారు 212 గ్రాములు ఉండొచ్చని చెబుతున్నారు. అలాగే, నీరు–దూళి నుండి కొంత రక్షణ కోసం కంపెనీ ఈ ఫోన్కు IP64 రేటింగ్ ఇవ్వనున్నట్లు సమాచారం. బ్యాటరీ విషయానికొస్తే, ఇందులో 6,500mAh పెద్ద బ్యాటరీ, అలాగే 45W వైర్డ్ ఫాస్ట్ ఛార్జింగ్ సపోర్ట్ ఉండనుంది.

ఈ ఫోన్ భారత్లో విడుదలైన Oppo A5x కు కంటిన్యూషన్ గా రాబోతుందని అంచనా. Oppo A5x ఈ ఏడాది మే నెలలో రూ.13,999 ప్రారంభ ధరతో 4GB + 128GB వేరియంట్లో లాంచ్ చేయబడింది. అది Midnight Blue మరియు Laser White రంగుల్లో లభించింది. A5x లో ఉపయోగించిన రీఫోర్స్డ్ గ్లాస్, దాని పూర్వ మోడల్తో పోలిస్తే 160% ఎక్కువ ఇంపాక్ట్ రెసిస్టెన్స్ కలిగి ఉందని కంపెనీ అప్పట్లో చెప్పింది.

ఇటీవల Oppo A6x, మలేషియా SIRIM సర్టిఫికేషన్ డేటాబేస్లో CPH2819 మోడల్ నంబరుతో కనిపించింది. దీని ద్వారా ఈ ఫోన్ ఆసియా మార్కెట్లలో త్వరలోనే లాంచ్ అయ్యే అవకాశాలు స్పష్టంగా కనిపిస్తున్నాయి.