బడ్జెట్ సెగ్మెంట్‌లో వినియోగదారులకు మంచి ఆప్షన్‌గా నిలిచే అవకాశం ఉంది

సామ్‌సంగ్ తమ కొత్త ఎంట్రీ-లెవల్ స్మార్ట్‌ఫోన్ Samsung Galaxy M07 ను అధికారిక ప్రకటనకు ముందే అమెజాన్ ఇండియా లిస్ట్ చేసింది. లిస్టింగ్ ప్రకారం, ఈ ఫోన్ ధర, ముఖ్యమైన స్పెసిఫికేషన్లు వెల్లడయ్యాయి. Samsung Galaxy M07 లో ఆండ్రాయిడ్ 15 బేస్డ్ One UI 7.0 అందించబడింది. 6.7 అంగుళాల డిస్ప్లే , 90Hz రిఫ్రెష్ రేట్, 260ppi పిక్సెల్ డెన్సిటీ కూడా ఉంది. మీడియా టెక్ హీలియో G99 ప్రాసెసర్, డ్యూయల్ రియర్ కెమెరా వంటి ఫీచర్లు ఈ మోడల్‌లో లభిస్తాయి. ముఖ్యంగా, ఈ డివైస్‌కు కంపెనీ 6 ఆండ్రాయిడ్ అప్డేట్లు మరియు 6 సంవత్సరాల సెక్యూరిటీ అప్డేట్లు అందిస్తామని ప్రకటించింది.

అమెజాన్ ఇండియాలో లిస్టింగ్ ప్రకారం, Samsung Galaxy M07 ధర భారత మార్కెట్లో రూ. 6,999 గా నిర్ణయించబడింది. ఇది ఒకే ఒక్క వెర్షన్ తో వస్తుంది. ఇందులో 4GB RAM + 64GB స్టోరేజ్ వర్షం ఉంటుందని ప్రకటించారు. ప్రస్తుతం ఈ ఫోన్ బ్లాక్ కలర్ లో మాత్రమే అందుబాటులో ఉంటుంది. ఇతర కలర్ ఆప్షన్లపై సమాచారం లేదు.

కొనుగోలు సమయంలో Amazon Pay ICICI క్రెడిట్ కార్డు వినియోగదారులకు 5% క్యాష్‌బ్యాక్, SBI కార్డ్స్ ద్వారా చెల్లింపు చేస్తే రూ. 325 వరకు డిస్కౌంట్ అందుతుంది. అదనంగా, EMI ఆప్షన్లు రూ. 339 నుండి ప్రారంభమవుతాయి. ఎక్స్చేంజ్ ఆఫర్లు రూ. 6,600 వరకు లభిస్తాయి. సామ్‌సంగ్ అధికారిక వెబ్‌సైట్‌లో కూడా ఈ మోడల్ లిస్టింగ్ చేయబడింది కానీ ధర, లభ్యత వివరాలు ఇంకా వెల్లడించలేదు.

కెమెరా విభాగంలో, వెనుక భాగంలో 50MP ప్రైమరీ కెమెరా (f/1.8 అపర్చర్), 2MP డెప్త్ సెన్సార్ కలిపిన డ్యూయల్ రియర్ కెమెరా సెటప్ ఉంది. సెల్ఫీలు, వీడియో కాల్స్ కోసం 8MP ఫ్రంట్ కెమెరా (f/2.0 అపర్చర్) ఇవ్వబడింది.

బ్యాటరీ, కనెక్టివిటీ మరియు సెన్సర్లు:

కనెక్టివిటీ ఆప్షన్లలో Bluetooth 5.3, GPS, Glonass, BeiDou, Galileo, QZSS, Wi-Fi, 3.5mm ఆడియో జాక్, USB Type-C పోర్ట్ లభిస్తాయి. ఈ ఫోన్‌కు IP54 రేటింగ్ ఉండటంతో ఇది డస్ట్, వాటర్ స్ప్లాష్ రెసిస్టెన్స్ కలిగి ఉంటుంది. సెన్సర్లలో Accelerometer, సైడ్-మౌంటెడ్ ఫింగర్‌ప్రింట్ సెన్సార్, లైట్ సెన్సర్, ప్రాక్సిమిటీ సెన్సార్ ఉన్నాయి.

బ్యాటరీ పరంగా, ఈ ఫోన్‌లో 5,000mAh కెపాసిటీ బ్యాటరీ ఉండి, 25W ఫాస్ట్ చార్జింగ్ సపోర్ట్ అందుబాటులో ఉంది. ఇక ఈ ఫోన్ డైమెన్షన్స్ విషయానికి వస్తే 167.4×77.4×7.6mm, 184 గ్రాములు బరువు ఉంటుంది. మొత్తంగా, Samsung Galaxy M07 తక్కువ ధరలో ఆకర్షణీయమైన ఫీచర్లతో, దీర్ఘకాలిక సాఫ్ట్‌వేర్ సపోర్ట్‌తో, బడ్జెట్ సెగ్మెంట్‌లో వినియోగదారులకు మంచి ఆప్షన్‌గా నిలిచే అవకాశం ఉంది.