Vivo Y300 స్మార్ట్‌ఫోన్ స్పెసిఫికేషన్‌లు బ‌య‌ట‌కు వ‌చ్చాయి.. ఇండియాలో లాంచ్ ఎప్పుడంటే

Vivo Y300 స్మార్ట్‌ఫోన్ స్పెసిఫికేషన్‌లు బ‌య‌ట‌కు వ‌చ్చాయి.. ఇండియాలో లాంచ్ ఎప్పుడంటే

Photo Credit: Vivo

మ‌న దేశంలో Vivo Y300 Plus స్నాప్‌డ్రాగన్ 695 ప్రాసెస‌ర్‌తో గత నెలలో లాంచ్ అయిన విష‌యం తెలిసిందే.

ముఖ్యాంశాలు
  • Vivo Y300 Plus ధ‌ర‌ ప్రస్తుతం భారత్ మార్కెట్‌లో రూ. 23,999
  • Vivo Y300 టైటానియం-ఇన్‌స్ప్రైడ్‌ డిజైన్‌ను కలిగి ఉంటుందని అంచ‌నా
  • Vivo Y300 80W ఫాస్ట్ ఛార్జింగ్‌కు స‌పోర్ట్ చేస్తుందని భావిస్తున్నారు
ప్రకటన

మ‌న దేశంలో Vivo Y300 Plus స్నాప్‌డ్రాగన్ 695 ప్రాసెస‌ర్‌తో గత నెలలో లాంచ్ అయిన విష‌యం తెలిసిందే. అయితే, ఈ కంపెనీ Vivo Y300ని కూడా భార‌త్‌లో విడుదల చేసేందుకు సిద్ధంగా ఉందట‌. అంతేకాదు, రాబోయే Vivo Y సిరీస్ ఫోన్ కలర్‌వేస్, స్పెసిఫికేషన్‌లతోపాటు మ‌న దేశంలో లాంచ్ టైమ్‌లైన్ సైతం లీక్ అయ్యాయి. ఇది మూడు కలర్ ఆప్షన్‌ల‌లో రాబోతున్న‌ట్లు బ‌హిర్గ‌తం అయ్యింది. అలాగే, Vivo Y300 స్మార్ట్ ఫోన్‌ సోనీ IMX882 పోర్ట్రెయిట్ కెమెరాను కలిగి ఉంటుంది. దీనికి సంబంధించిన పూర్తి వివరాలు ఇంకా బ‌య‌ట‌కు రాన‌ప్ప‌టికీ, Vivo Y300 ప్లస్ కంటే అప్‌గ్రేడ్‌లతో Vivo Y300 హ్యాండ్ సెట్‌ని ప‌రిచ‌యం చేయ‌వ‌చ్చ‌ని మార్కెట్ వ‌ర్గాలు అంచ‌నా వేస్తున్నాయి.

నవంబర్ చివరి నాటికి దేశంలో..

Vivo Y300 భారత్‌ లాంచ్ టైమ్‌లైన్, కలర్‌వేలు, స్పెసిఫికేషన్‌లను MySmartPrice షేర్ చేసింది. దీని నివేదిక ప్రకారం.. Vivo Y300 మోడ‌ల్‌ నవంబర్ చివరి నాటికి మ‌న దేశంలో విడుద‌ల అవుతుంది. ఈ స్మార్ట్‌ఫోన్ టైటానియం-ఇన్‌స్ప్రైడ్‌ డిజైన్‌ను కలిగి ఉంటుంది. అలాగే, ఆకుపచ్చ, ఫాంటమ్ పర్పుల్, టైటానియం సిల్వర్ షేడ్స్ రంగుల‌లో అందుబాటులోకి వ‌స్తుంది. Vivo Y300 సోనీ IMX882 పోర్ట్రెయిట్ కెమెరా, AI ఆరా లైట్‌తో 80W ఫాస్ట్ ఛార్జింగ్‌కు సపోర్ట్ చేస్తుంది.

స్నాప్‌డ్రాగన్ 695 ప్రాసెస‌ర్‌తో..

ప్ర‌స్తుతం మ‌న దేశీయ మార్కెట్‌లో Vivo Y300 Plus సింగిల్ 8GB RAM 128GB మోడల్‌ ధర రూ. 23,999గా అందుబాటులో ఉంది. ఇది సిల్క్ గ్రీన్, సిల్క్ బ్లాక్ రంగులలో ల‌భిస్తోంది. అలాగే, Vivo Y300 Plus స్మార్ట్ ఫోన్‌ 120Hz రిఫ్రెష్ రేట్‌తో 6.78-అంగుళాల ఫుల్‌-HD (1,080x2,400 పిక్సెల్‌లు) డిస్‌ప్లేను కలిగి ఉంది. ఇది 6nm స్నాప్‌డ్రాగన్ 695 ప్రాసెస‌ర్‌తో పాటు 8GB LPDDR4X RAM, 128GB UFS 2.2 స్టోరేజ్‌తో వ‌స్తోంది. అంతేకాదు, RAMని వర్చువల్‌గా 8GB వరకు అదనంగా విస్తరించుకోవచ్చు. అలాగే, మైక్రో SD కార్డ్ ద్వారా స్టోరేజీని 1TB వరకు పెంచుకోవ‌చ్చు.

డ్యూయల్ రియర్ కెమెరా సెటప్‌..

Vivo Y300 Plus హ్యాండ్ సెట్‌లో కెమెరా విష‌యానికి వ‌స్తే.. ఇది 50-మెగాపిక్సెల్ ప్రైమరీ సెన్సార్, 2-మెగాపిక్సెల్ సెకండరీ షూటర్‌తో కూడిన డ్యూయల్ రియర్ కెమెరా సెటప్‌ను కలిగి ఉంటుంది. అలాగే, సెల్ఫీలు, వీడియో కాలింగ్ కోసం ప్ర‌త్యేకంగా 32-మెగాపిక్సెల్ ఫ్రంట్ కెమెరాతో వ‌స్తోంది. ఈ స్మార్ట్‌ ఫోన్ దుమ్ము, నీటి నిరోధకత కోసం IP54 రేటింగ్‌ను కలిగి ఉండి, బయోమెట్రిక్ అథంటిఫికేష‌న్‌ కోసం ఇన్-డిస్‌ప్లే ఫింగర్‌ప్రింట్ సెన్సార్‌ను అందించారు. ఇది 44W ఫాస్ట్ ఛార్జింగ్‌తో 5,000mAh బ్యాటరీతో వ‌స్తుంది. దీని బ్యాట‌రీ సామ‌ర్థ్యం విష‌యంలో కొనుగోలుదారుల నుంచి నెగిటివ్ రెస్పాన్స్ వ‌స్తున్న‌ట్లు మార్కెట్ వ‌ర్గాలు భావిస్తున్నాయి. మ‌రి కొత్త‌గా లాంచ్ కాబోతోన్న Vivo Y300 స్మార్ట్ ఫోన్ దీనిని అధిగ‌మిస్తుందో లేదో తెలియాంటే మ‌రికొన్ని రోజులు వేచి ఉండాల్సిందే.

Comments
మరింత చదవడం: Vivo Y300, Vivo Y300 Specifications, Vivo Y300 Plus
Facebookలో షేర్‌ Gadgets360 Twitter Shareట్వీట్ షేర్ Snapchat రెడ్డిట్ వ్యాఖ్యానించండి

ప్రకటన

ప్రకటన

#తాజా కథనాలు
  1. ఏప్రిల్ 11న భార‌త్‌లో iQOO Z10తో పాటు iQOO Z10X లాంఛ్‌.. డిజైన్‌తోపాటు కీల‌క ఫీచ‌ర్స్ బ‌హిర్గ‌తం
  2. మీడియాటెక్ డైమెన్సిటీ 7400 ప్రాసెస‌ర్‌తో ఇండియాలో అడుగుపెట్టిన Motorola Edge 60 Fusion
  3. ఇండియాలోని ఆరు నగరాల్లో ఈ ఏడాది డాల్బీ సినిమాను లాంఛ్ చేయ‌నున్న‌ డాల్బీ లాబొరేటరీస్
  4. Vivo Y300 Pro+, Vivo Y300t మోడ‌ల్స్ చైనాలో లాంఛ్‌.. ధ‌ర‌తోపాటు స్పెసిఫికేష‌న్స్ ఇవే
  5. ఇండియాలో లాంఛ్ అయిన Infinix Note 50X 5G.. ధర, స్పెసిఫికేషన్స్ మీకోసం
  6. రాబిన్‌హుడ్ OTT విడుదల తేదీ కూడా సిద్ధ‌మైందా.. చిత్ర యూనిట్ ఏం చెబుతోందంటే..
  7. Realme GT 7 లాంఛ్‌ టైమ్‌లైన్‌తోపాటు Realme GT 8 Pro స్పెసిఫికేషన్స్ బ‌హిర్గ‌తం
  8. ఆపిల్‌తో పాటు Qualcomm కూడా 2nm నోడ్ ఆధారంగా స్నాప్‌డ్రాగన్ ప్రాసెస‌ర్‌ల‌ను లాంఛ్ చేయ‌నుందా
  9. 11.5-అంగుళాల LCD స్క్రీన్‌తో మ‌లేషియాలో లాంఛ్ అయిన Honor Pad X9a
  10. ఆండ్రాయిడ్‌లో మోషన్ ఫోటోలకు స‌పోర్ట్ చేసేలా WhatsApp ప‌ని చేస్తోందా..
© Copyright Red Pixels Ventures Limited 2025. All rights reserved.
Trending Products »
Latest Tech News »