గూగుల్ నుంచి పవర్‌ఫుల్ ఫోన్.. Pixel 10a సేల్ మొదలైంది.. ఆఫర్లలో భారీ తగ్గింపు..!

గూగుల్ సంస్థ తన ఫ్లాగ్‌షిప్ సిరీస్‌లో భాగంగా సరికొత్త 'పిక్సెల్ 10a'ను గ్లోబల్ మార్కెట్‌తో పాటు భారత్‌లోనూ గ్రాండ్‌గా లాంచ్ చేసింది. గత నెలలోనే అట్టహాసంగా విడుదలైన ఈ స్మార్ట్‌ఫోన్, అడ్వాన్స్‌డ్ ఫీచర్లు, గూగుల్ బ్రాండ్ వాల్యూతో టెక్ ప్రియులను ఆకట్టుకుంటోంది. ప్రీ-ఆర్డర్లు ముగియడంతో ప్రస్తుతం ఈ ఫోన్ ప్రముఖ ఈ-కామర్స్ ప్లాట్‌ఫారమ్ ఫ్లిప్‌కార్ట్,  గూగుల్ అఫీషియల్ ఆన్‌లైన్ స్టోర్‌లలో అమ్మకానికి సిద్ధంగా ఉంది. ఈ తరం యూత్ టేస్ట్‌కు తగ్గట్టుగా అద్భుతమైన కలర్ ఆప్షన్లలో లభిస్తున్న ఈ మొబైల్, బడ్జెట్, ఫ్లాగ్‌షిప్ అనుభూతిని మేళవించిన సరికొత్త ప్యాకేజీలా కనిపిస్తోంది.

ధర విషయానికి వస్తే, భారత్‌లో 8GB ర్యామ్, 256GB స్టోరేజ్ కలిగిన సింగిల్ వేరియంట్ ధర రూ. 49,999గా నిర్ణయించారు. కొనుగోలుదారులను ఆకర్షించేందుకు గూగుల్ బంపర్ ఆఫర్లను కూడా ప్రకటించింది. హెచ్‌డిఎఫ్‌సి బ్యాంక్ క్రెడిట్ కార్డుపై రూ. 3,000 ఇన్‌స్టంట్ క్యాష్‌బ్యాక్‌తో పాటు, పాత ఫోన్ ఎక్స్ఛేంజ్‌పై అదనంగా మరో రూ. 3,000 వరకు బోనస్ పొందే అవకాశం ఉంది. సామాన్యులకు సైతం అందుబాటులో ఉండేలా 24 నెలల నో-కాస్ట్ ఈఎంఐ సదుపాయం కూడా కల్పించారు. ఈ ఫోన్ ప్రస్తుతం బెర్రీ, ఫాగ్, లావెండర్, అబ్సిడియన్ వంటి స్టైలిష్ రంగులలో మెరిసిపోతోంది.

సాఫ్ట్‌వేర్, పర్ఫార్మెన్స్ పరంగా పిక్సెల్ 10a సరికొత్త రికార్డులను సృష్టించేలా ఉంది. ఇది లేటెస్ట్ ఆండ్రాయిడ్ 16 ఆపరేటింగ్ సిస్టమ్‌తో వస్తున్న మొట్టమొదటి ఫోన్లలో ఒకటి. గూగుల్ ఈ ఫోన్ కోసం ఏకంగా ఏడేళ్ల పాటు ఓఎస్ అప్‌గ్రేడ్స్, సెక్యూరిటీ అప్‌డేట్స్ ఇస్తామని ప్రామిస్ చేయడం విశేషం. అంటే ఒక్కసారి ఈ ఫోన్ కొంటే 2033 వరకు సాఫ్ట్‌వేర్ చింత ఉండదు. గతేడాది పిక్సెల్ 9 సిరీస్‌లో వాడిన శక్తివంతమైన టెన్సర్ G4 చిప్‌సెట్‌నే ఇందులోనూ ఉపయోగించడం వల్ల గేమింగ్, మల్టీ టాస్కింగ్ ఎంతో స్మూత్‌గా సాగుతాయి.

డిస్‌ప్లే విషయానికి వస్తే, ఇందులో 6.3 అంగుళాల యాక్చువా స్క్రీన్‌ను అమర్చారు. ఇది 120Hz రిఫ్రెష్ రేట్‌తో ఉండటం వల్ల స్క్రోలింగ్ ఎంతో ఫాస్ట్‌గా ఉంటుంది. ఎండలో కూడా స్క్రీన్ స్పష్టంగా కనిపించేలా 3,000 నిట్స్ గరిష్ట బ్రైట్‌నెస్‌ను అందించారు. స్క్రీన్ రక్షణ కోసం కార్నింగ్ గొరిల్లా గ్లాస్ 7i కోటింగ్ ఇచ్చారు. వాటర్, డస్ట్ రెసిస్టెన్స్ కోసం ఐపి68 రేటింగ్ ఉండటం వల్ల ఫోన్ తడిసినా లేదా దుమ్ములో ఉన్నా ఎటువంటి ప్రమాదం జరగదు. ఇది 183 గ్రాముల బరువుతో చేతిలో పట్టుకోవడానికి ఎంతో కంఫర్టబుల్‌గా ఉంటుంది.

కెమెరా ప్రేమికుల కోసం గూగుల్ ఎప్పటిలాగే తన మార్కును చాటుకుంది. వెనుకవైపు 48 మెగాపిక్సెల్ మెయిన్ షూటర్ ఉంది, ఇది ఆప్టికల్ ఇమేజ్ స్టెబిలైజేషన్ సపోర్ట్‌తో వస్తుంది. దీనివల్ల కదులుతున్నప్పుడు కూడా ఫోటోలు బ్లర్ కాకుండా స్పష్టంగా వస్తాయి. దీనికి తోడు 13 మెగాపిక్సెల్ అల్ట్రావైడ్ కెమెరా అద్భుతమైన ల్యాండ్‌స్కేప్ షాట్స్ తీయడానికి ఉపయోగపడుతుంది. సెల్ఫీల కోసం ముందు భాగంలో 13 మెగాపిక్సెల్ కెమెరాను ఇచ్చారు. గూగుల్ కంప్యూటేషనల్ ఫోటోగ్రఫీ వల్ల తక్కువ వెలుతురులో కూడా ఈ ఫోన్ తో అద్భుతమైన ఫోటోలు క్లిక్ చేయవచ్చు.

బ్యాటరీ సామర్థ్యం పరంగా చూస్తే, ఇందులో 5,100mAh భారీ బ్యాటరీని అమర్చారు. ఇది 30W వైర్డ్ ఛార్జింగ్, 10W వైర్‌లెస్ ఛార్జింగ్‌ను సపోర్ట్ చేస్తుంది. ఒక్కసారి ఛార్జ్ చేస్తే రోజంతా నిరాటంకంగా వాడుకోవచ్చని కంపెనీ చెబుతోంది. సెక్యూరిటీ కోసం టైటాన్ M2 కో-ప్రాసెసర్‌ను జత చేయడం వల్ల వినియోగదారుల డేటా ఎంతో సురక్షితంగా ఉంటుంది. స్టైలిష్ లుక్, పవర్‌ఫుల్ సాఫ్ట్‌వేర్ సపోర్ట్,  కెమెరా క్వాలిటీ కోరుకునే ఈ తరం యూజర్లకు గూగుల్ పిక్సెల్ 10a ఒక పర్ఫెక్ట్ ఛాయిస్ అని చెప్పవచ్చు.