Apple : టెక్ ప్రపంచంలో ఆపిల్ సరికొత్త సంచలనం.. ఐప్యాడ్ మినీ డిస్‌ప్లే చూస్తే కళ్లు చెదరాల్సిందే

Apple : ప్రపంచ ప్రఖ్యాత టెక్ దిగ్గజం ఆపిల్ తన గ్యాడ్జెట్స్ డిస్‌ప్లే క్వాలిటీని నెక్స్ట్ లెవెల్‌కు తీసుకెళ్లడానికి భారీ ప్లాన్ సిద్ధం చేసింది. తన మోస్ట్ పాపులర్ ట్యాబ్లెట్ సిరీస్ అయిన ఐప్యాడ్ మినీలో ఈసారి సరికొత్త ఓఎల్ఈడీ డిస్‌ప్లేను ప్రవేశపెట్టబోతోంది. కొరియన్ మీడియా నివేదికల ప్రకారం.. ఆపిల్ ప్రధాన భాగస్వామి అయిన  శామ్‌సంగ్ డిస్‌ప్లే ఇప్పటికే ఈ కొత్త ఐప్యాడ్ మినీ కోసం ఓఎల్ఈడీ ప్యానెళ్ల భారీ ఉత్పత్తిని ప్రారంభించేసింది. కేవలం ఐప్యాడ్ మాత్రమే కాకుండా, రాబోయే ఐఫోన్ 18 ప్రో సిరీస్, మ్యాక్‌బుక్ ప్రో, ఆపిల్ ఫస్ట్ ఫోల్డబుల్ ఐఫోన్ కోసం కూడా స్క్రీన్ల తయారీ వేగంగా జరుగుతోంది. క్వాలిటీ ఇష్యూస్ కారణంగా చైనా బ్రాండ్ BOEని ఆపిల్ పక్కన పెట్టడం ఇప్పుడు టెక్ వర్గాల్లో హాట్ టాపిక్‌గా మారింది.

ఐప్యాడ్ మినీ ఓఎల్ఈడీ స్క్రీన్ల ఉత్పత్తి షురూ
ఆపిల్ కంపెనీ తన అప్‌గ్రేడెడ్ ఐప్యాడ్ మినీ వెర్షన్‌ను ఓఎల్ఈడీ డిస్‌ప్లేతో లాంచ్ చేయడానికి వేగంగా అడుగులు వేస్తోంది. కొరియన్ పబ్లికేషన్  ETNews తాజా నివేదిక ప్రకారం, ప్రముఖ డిస్‌ప్లే తయారీ సంస్థ శామ్‌సంగ్ డిస్‌ప్లే ఈ నెల నుంచే ఐప్యాడ్ మినీ కోసం అవసరమైన ఓఎల్ఈడీ ప్యానెళ్ల మాస్ ప్రొడక్షన్‌ను అధికారికంగా ప్రారంభించింది. దీనితో పాటు భవిష్యత్తులో రాబోయే ఐఫోన్ 18 ప్రో, ఐఫోన్ 18 ప్రో మాక్స్ మోడళ్ల స్క్రీన్ల తయారీ కూడా కొరియా హెడ్‌క్వార్టర్స్‌లో మొదలైనట్లు సమాచారం.

ఫోల్డబుల్ ఐఫోన్, మ్యాక్‌బుక్ ప్రో అప్‌డేట్స్
ఆపిల్ నుండి రాబోతున్న మొట్టమొదటి ఫోల్డబుల్ ఐఫోన్ (దీనికి తాత్కాలికంగా  iPhone Ultra అని పేరు పెట్టారు) స్క్రీన్ల తయారీ కూడా ఈ నెల చివర్లో ప్రారంభం కానుంది. మరోవైపు, నెక్స్ట్ జనరేషన్ మ్యాక్‌బుక్ ప్రో కోసం ఓఎల్ఈడీ డిస్‌ప్లేల ప్రొడక్షన్ వచ్చే నెల నుంచి ప్రారంభం కాబోతోంది. సరిగ్గా ఇదే సమయంలో శామ్‌సంగ్ డిస్‌ప్లే తన సరికొత్త 8.6-జనరేషన్ ఓఎల్ఈడీ ప్రొడక్షన్ లైన్‌ను అందుబాటులోకి తీసుకురావడం విశేషం. దీనివల్ల ఆపిల్ ల్యాప్‌టాప్‌ల డిస్‌ప్లే క్వాలిటీ మరింత అద్భుతంగా మారనుంది.

శామ్‌సంగ్, ఎల్‌జీల హవా.. చైనా కంపెనీ అవుట్
ఈ ఏడాది లాంచ్ కాబోయే అన్ని ఆపిల్ ప్రొడక్ట్స్‌కు శామ్‌సంగ్ డిస్‌ప్లే, ఎల్‌జీ డిస్‌ప్లే కంపెనీలు మాత్రమే స్క్రీన్లను సప్లై చేయనున్నాయి. ఐఫోన్ 18 ప్రో సిరీస్ స్క్రీన్ల ఆర్డర్లను ఈ రెండు కంపెనీలు పంచుకోగా.. ఫోల్డబుల్ ఐఫోన్, ఐప్యాడ్ మినీ, మ్యాక్‌బుక్ ప్రో, ఆపిల్ రాబోయే మానిటర్లకు శామ్‌సంగ్ డిస్‌ప్లే ఏకైక సప్లయర్‌గా నిలిచింది. అలాగే రాబోయే ఆపిల్ వాచ్ 12 కోసం ఎల్‌జీ డిస్‌ప్లే స్క్రీన్లను సప్లై చేయనుంది. అయితే, చైనాకు చెందిన ప్రసిద్ధ  BOE కంపెనీకి మాత్రం ఈసారి ఆపిల్ సప్లై చైన్ లో చోటు దక్కలేదు.

Vivo X Fold 6 : వివో నుంచి నెక్స్ట్ లెవెల్ ఫోల్డబుల్ ఫోన్.. మార్కెట్లోకి వచ్చేసిన Vivo X Fold 6

క్వాలిటీ ఇష్యూస్ వల్లే చైనా బ్రాండ్‌పై వేటు
గతేడాది ఐఫోన్ 17 ప్రో మోడల్ కోసం ఓఎల్ఈడీ స్క్రీన్లను సప్లై చేయడానికి BOE కంపెనీ ఆమోదం పొందినప్పటికీ, డెలివరీ సమయంలో క్వాలిటీ సమస్యల కారణంగా తీవ్ర జాప్యం జరిగింది. ఎట్టకేలకు ఈ ఏడాది ఏప్రిల్‌లోనే ఆ కంపెనీ మళ్లీ సప్లైని పునఃప్రారంభించినప్పటికీ, నమ్మకం కుదరని కారణంగా ఆపిల్ ఈ ఏడాది ద్వితీయార్థంలో రాబోయే కొత్త ఐఫోన్ మోడళ్ల డెవలప్‌మెంట్ బాధ్యతలను BOE కి అప్పగించలేదు. దీంతో ఐఫోన్ 18 సిరీస్ రేస్ నుంచి చైనా కంపెనీ పూర్తిగా తప్పుకోవాల్సి వచ్చింది.

కొత్త ఐప్యాడ్ మినీ లాంచ్ ఎప్పుడు?
ఎంతో కాలంగా ఎదురుచూస్తున్న ఎనిమిదో జనరేషన్ ఐప్యాడ్ మినీ ఈ ఏడాది మూడో త్రైమాసికంలో (Q3) అంటే సెప్టెంబర్ లేదా అక్టోబర్ నాటికి మార్కెట్లోకి వచ్చే అవకాశాలు బలంగా ఉన్నాయి. ఈ సరికొత్త ట్యాబ్లెట్ శక్తివంతమైన ఏ18 చిప్‌సెట్‌తో పనిచేయడమే కాకుండా, ఆపిల్  సరికొత్త ఆర్టిఫిషియల్ ఇంటెలిజెన్స్ ఫీచర్లు గల  Apple Intelligence సపోర్ట్‌తో రానుందని నిపుణులు చెబుతున్నారు. ఓఎల్ఈడీ స్క్రీన్ తో రావడం వల్ల ఇందులో రంగులు, బ్రైట్‌నెస్ చాలా స్పష్టంగా ఉండబోతున్నాయి.